१ वैशाख, काठमाडौं । भारतको छत्तीसगढस्थित एक ऊर्जा केन्द्रमा भएको विस्फोटमा ९ मजदुरको ज्यान गएको छ । मंगलबार दिउँसो छत्तीसगढको शक्ति जिल्लामा अवस्थित वेदान्त पावर प्लान्टमा विस्फोट भएको भारतीय सञ्चारमाध्यमले जनाएको छ । घटनामा ठूलो सङ्ख्यामा मजदुर घाइते भएका छन् ।
स्थानीय प्रहरी अधिकारीका अनुसार चार मजदुर घटनास्थलमै निधन भएका छन् भने थप पाँच जनाको अस्पतालमा उपचारका क्रममा मृत्यु भएको छ । प्रत्यक्षदर्शीहरूले बताएका छन् कि पावर प्लान्टमा सामान्य काम भइरहेको बेला स्थानीय समय अनुसार दिउँसो २ बजे अचानक बोयलरमा विस्फोट भएको थियो । ट्युब फुटेपछि उक्त विस्फोट भएको बताइएको छ ।
घाइतेको संख्या ३० देखि ४० को बीचमा रहेको जानकारी प्राप्त भएको छ । उनीहरू गम्भीर रूपमा जलेका छन् र विभिन्न अस्पतालहरूमा उपचार भइरहेको छ, स्थानीय प्रहरीले जनाएको छ।
