कैलालीको लम्कीचुहा नगरपालिका–७ गुलारामा हाईस र मोटरसाइकलको ठक्करले दुई जनाको मृत्यु भएको छ। मृत्यु हुनेमा लम्कीचुहा नगरपालिका–८ का ३३ वर्षीय गगन राना र २४ वर्षीय पुष्प सुनार रहेका छन्। प्रहरीले दुर्घटनाको थप अनुसन्धान गरिरहेको छ।
१ वैशाख, धनगढी। कैलालीमा हाईस र मोटरसाइकल बीचको ठक्करले दुई जनाको मृत्यु भएको छ। पूर्वपश्चिम राजमार्ग अन्तर्गत लम्कीचुहा नगरपालिका–७ गुलारामा मंगलबार साँझ सवा ६ बजेतिर सुपप्र ०१००१ ज १४२१ नम्बरको हाईस र सुपप्र ०१०१३ प ५४३९ नम्बरको मोटरसाइकल आपसमा ठोक्किएका थिए, प्रहरीले जनाएको छ।
दुर्घटनामा मोटरसाइकलमा सवार लम्कीचुहा नगरपालिका–८ का ३३ वर्षीय गगन राना र २४ वर्षीय पुष्प सुनारको मृत्यु भएको जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) योगेन्द्र तिमिल्सिनाले जानकारी दिए। गम्भीर घाइते दुवैलाई उपचारका लागि बर्दगोरिया अस्पताल लगिएको थियो जहाँ चिकित्सकहरूले मृत्यु घोषणा गरेका थिए। प्रहरीले दुर्घटनाको थप विवरणका लागि अनुसन्धान जारी राखेको छ।
