माइक्रोसफ्ट सर्फेस पीसीको मूल्यमा ठूलो वृद्धिः अब हजार डलर मुनिका उपकरण उपलब्ध नहुने
माइक्रोसफ्टले क्वालकमको स्न्यापड्रागन एक्स२ इलाइट प्रोसेसरसहितको नयाँ सर्फेस पीसीको मूल्यमा वृद्धि गरेको छ। सर्फेस प्रो र ल्यापटपको मूल्य क्रमशः ७९९ डलरबाट १,०४९ डलर र ८९९ डलरबाट १,१४९ डलर पुगेको छ। मूल्य वृद्धिको मुख्य वजह मेमोरी र पार्टपुर्जाको लागत वृद्धि तथा र्याम र स्टोरेज चिप्सको अभाव रहेको बताइएको छ। माइक्रोसफ्टले आफ्नो सर्फेस लाइनअपमा उल्लेखनीय परिवर्तन गर्दै मूल्यहरू बढाएको हो। दुई वर्षअघि १ हजार डलरमा उपलब्ध सर्फेस उपकरणहरू अब कम्तीमा १,५०० डलर तिर्नुपर्ने अवस्था आएको छ। यसैले अब माइक्रोसफ्टले १ हजार डलरभन्दा कम मूल्यमा कुनै पनि नयाँ सर्फेस उपकरण उपलब्ध गराउने छैन।
सर्फेस प्रो र सर्फेस ल्यापटपको मूल्य वृद्धिका मुख्य बुँदाहरू यस्ता छन्: १२ इन्चको ‘सर्फेस प्रो’ को मूल्य अहिले १,०४९ डलर पुगेको छ भने १३ इन्चको ‘सर्फेस ल्यापटप’ को मूल्य १,१४९ डलर तोकिएको छ। उच्च प्रदर्शन भएको सर्फेस ल्यापटप र १३ इन्चको सर्फेस प्रोको मूल्य १,४९९ डलर पुगेको छ, जुन ३०० डलरको वृद्धी हो।
माइक्रोसफ्टले मेमोरी र अन्य पार्टपुर्जाहरूको लागत वृद्धिलाई मूल्य वृद्धिको मुख्य कारण मानेको छ। विशेष गरी र्याम र स्टोरेज चिप्सको अभावले गर्दा प्रविधि क्षेत्रमा मूल्य वृद्धी आएको हो। यस मूल्य वृद्धिसँगै एप्पलको म्याकसँग प्रतिस्पर्धामा माइक्रोसफ्ट महँगो देखिएको छ। हाल समान क्षमताका ‘एम५ म्याकबुक एयर’ माइक्रोसफ्टको सर्फेस ल्यापटपभन्दा ४०० डलर कममा उपलब्ध छ। सन् २०२४ मा माइक्रोसफ्टले इन्टेल र एएमडी चिप्स छोडी आर्म-आधारित प्रोसेसर प्रयोग गर्ने निर्णय गरेको थियो। विगत केही वर्षको मेहनतपछि यी उपकरणहरू सफल भए तापनि पछिल्ला मूल्य वृद्धिले ग्राहकहरूलाई निराश तुल्याउन सक्छ।
