लेबनानी सेनाले इजरायलमाथि युद्धविराम उल्लंघन गरेको आरोप लगाएको छ। सेनाले इजरायलले कयौं पटक गोलीबारी र आक्रमण गरेको बताएका छन्। विस्थापित नागरिकहरूलाई दक्षिणी गाउँमा फर्किंदा सावधानी अपनाउन आग्रह गरिएको छ। ४ वैशाख, काठमाडौं। लेबनानले इजरायलमाथि युद्धविराम उल्लंघन गरेको आरोप लगाएको छ। लेबनानी सेनाले इजरायलसँग भएका युद्धविराम सम्झौता कयौं पटक उल्लंघन भइसकेको बताएको छ। सामाजिक सञ्जाल एक्समा गरिएको पोस्टमा सेनाले लेबनानी गाउँमा इजरायलले गरेको कयौं आक्रमण ‘रेकर्ड’ गरिएको उल्लेख गरेको छ।
लेबनानी सेनाले इजरायलका तर्फबाट कयौं पटक गोलीबारी भएको जानकारी दिएका छन्। सेनाले विस्थापित नागरिकहरूलाई दक्षिणी क्षेत्रका गाउँमा फर्किंदा सतर्क रहन र खतरनाक क्षेत्रबाट टाढा रहन आग्रह गरेको छ। इजरायलसँगको युद्धविराम घोषणा पछि आक्रमणका कारण लेबनानबाट विस्थापित नागरिकहरू घर फर्किन थालेका छन्। युद्धविरामपछि लेबनानमा नागरिकहरूले खुसीका साथ उत्सव मनाएका छन्।
