धिरसिंह घिमिरेले पर्सा ठोरीमा ‘जंगल रिसोर्ट’ सञ्चालन गर्दै दुई दर्जनभन्दा बढी स्थानीय युवाहरुलाई रोजगारी दिएका छन्। उनले ठोरीको ठुटेखोला पुलमा नेपालका झण्डा फहराउने काम गरेका छन्, जसले पर्यटकहरूलाई आकर्षित गरेको छ। नवलपुर विनयीत्रिवेणी गाउँपालिकामा रानीनगर पुल सरसफाइ अभियान सञ्चालन गरेर उनले देशप्रतिको माया व्यक्त गरेका छन्।
धिरसिंह घिमिरे पर्सा ठोरीका युवा उद्यमी हुन्। उहाँले ‘जंगल रिसोर्ट’ सञ्चालन गरी दुई दर्जनभन्दा बढी स्थानीय युवाहरुलाई रोजगार उपलब्ध गराउनुभएको छ। यो रिसोर्ट मधेस प्रदेशकै प्रमुख पर्यटकीय गन्तव्य ठोरीमा सञ्चालन भई त्यस क्षेत्रको पर्यटन प्रवर्द्धनमा महत्त्वपूर्ण योगदान पुर्याएको छ। विशेष गरेर भारतीय पर्यटकको मुख्य गन्तव्य मानिने ठोरीमा पर्यटन प्रवर्द्धनका लागी उहाँको भूमिका पनि विशेष छ।
ठोरी घुम्न आउने पर्यटकहरुलाई बस्न उपयुक्त ठाउँ नहुँदा पनि धिरसिंहले जोखिम लिएर रिसोर्ट सञ्चालन गर्नुभएको थियो। अहिले पर्यटकहरूले मुख्यतया उहाँकै रिसोर्ट रोज्ने गरेका छन्। यो रिसोर्ट २ बिघा १० कठ्ठामा सञ्चालन भइरहेको छ भनी घिमिरेले जनाए। उनी सामाजिक कार्यहरूमा पनि सक्रिय छन् र पर्यटक आकर्षित गर्ने विभिन्न गतिविधिमा भाग लिनुहुन्छ।
यसपटक त्यही युवा धिरसिंह झाडु बोकेर नवलपुरको विनयीत्रिवेणी गाउँपालिकामा पुगेका छन्। रानीनगर पुललाई सफा, सुन्दर र आकर्षक बनाउने उद्देश्यले उनले सरसफाइ अभियान सञ्चालन गरेका छन्। पुलमा झाडु मात्र होइन, दुवै छेउमा ५/५ गरी जम्मा १० वटा नेपालको झन्डा पनि फहराएका छन्। घिमिरेको अभियानमा स्थानीय युवाहरू सकृय सहभागी थिए। एक स्थानीय युवा भावुक हुँदै भने, ‘हाम्रो देश नेपाललाई घिमिरेजस्तै युवाहरूको आवश्यकता छ।’
