लसुनको आयातमा ७० प्रतिशतले घट्यो

सूचना अनुसार, चालु आर्थिक वर्ष २०८२/८३ को ९ महिनामा नेपालमा लसुनको आयात ७० प्रतिशतले घटेको छ। यस वर्ष भारत र चीनबाट १४,४६५ टन लसुन आयात भएको छ, जुन गत वर्षको ४९,०११ टनभन्दा कम हो। यस आर्थिक वर्ष लसुन आयातबाट प्राप्त राजस्व १ अर्ब ६६ करोडबाट ४८ करोडमा झरेको छ।

७ वैशाख, काठमाडौं। चालु आर्थिक वर्ष २०८२/८३ को ९ महिनामा (साउन-चैत) नेपालमा लसुनको आयात ७० प्रतिशतले घटेको छ। गत आवमा साढे ६ अर्ब रुपैयाँ नजिक लसुन आयात खपत भएकोमा यस वर्ष परिमाण र मूल्य दुवैमा लगभग ७० प्रतिशतको कमी आएको देखिएको छ। चालु वर्ष ९ महिनामा भारत र चीनबाट कुल १४,४६५ टन ताजा लसुनको आयात भएको छ, जसको भन्सार मूल्य १ अर्ब ९८ करोड ८० लाख ५८ हजार रुपैयाँ रहेको छ, भन्सार विभागका तथ्यांकले देखाउँछन्।

गत आव २०८१/८२ को सोही अवधिमा भारत र चीनबाट नेपालमा ६ अर्ब ४५ करोड ८ लाख ३९ हजार रुपैयाँ बराबर ४९,०११ टन लसुन आयात भएको थियो। तथ्यांकको तुलना गर्दा यस वर्ष लसुनको आयात परिमाणमा ३४,५४६ टनले गिरावट आएको छ। प्रतिशतमा हेर्दा यो ७०.४८ प्रतिशतको कमी हो। गत वर्ष ९ महिनामा लसुन आयातबाट सरकारले १ अर्ब ६६ करोड ४४ लाख ६१ हजार रुपैयाँ राजस्व संकलन गरेको थियो भने चालु आर्थिक वर्षमा सो संकलन ४८ करोड ४२ लाख ५२ हजार रुपैयाँ मात्रै भएको छ।