ट्रम्पले इरानमाथि प्रतिबन्ध यथावत राख्ने घोषणा गरे, इरानले धम्कीका बीच वार्ता अस्वीकार गर्यो

अमेरिकी राष्ट्रपति डोनाल्ड ट्रम्पले इरानसँग सम्झौता नभएसम्म इरानी बन्दरगाहहरूमा लगाइएको प्रतिबन्ध हटाउने योजना नरहेको स्पष्ट पारेका छन्। इरानी संसदका सभामुख मोहम्मद बगर गालिबाफले ट्रम्पको धम्कीका बाबजुद वार्ता नस्वीकार गर्ने बताएका छन्। पाकिस्तानको राजधानी इस्लामाबादमा दोस्रो चरणको वार्ताको तयारी भइरहेको छ, तर इरानले अहिलेसम्म सहभागी हुने निर्णय गरेको छैन। ८ वैशाख, काठमाडौं।

ट्रम्पले जारी युद्ध समाप्ति वार्ता अर्को चरणमा हुनेछ या नहुने बारे अस्पष्टता छँदै इरानी बन्दरगाहहरूमा जारी नाकाबन्दीलाई लिएर प्रतिक्रिया दिएका हुन्। उनले सामाजिक सञ्जाल ट्रुथ सोसलमा लेखेका छन्, ‘उनीहरू दैनिक ५ सय मिलियन डलर गुमिरहेका छन्। यस्तो स्थिति लामो समयसम्म रहन सक्दैन।’ इरानले भने अमेरिकी नाकाबन्दी हटाउँदासम्म वार्ता नगर्ने स्पष्ट पारेको छ।

पाकिस्तानको राजधानीमा सम्भावित वार्ताका लागि सुरक्षा कडा पारिएको छ। बैठकमा अमेरिकालाई प्रतिनिधित्व गर्दै उपराष्ट्रपति जेडी भान्स अहिलेसम्म वासिङ्गटन छाडेका छैनन्। इरानले पनि अहिलेसम्म वार्तामा सहभागी हुने कि नहुने विषयमा कुनै अन्तिम निर्णय गरेको छैन।

गालिबाफले ट्रम्पको धम्कीका बाबजुद इरानले वार्ता अस्वीकार्ने बताएका छन्। उनले एक्समा लेखेका छन्, ‘हामी धम्कीको छायामा कुनै वार्ता स्वीकार गर्दैनौं। विगत दुई हप्तादेखि हामीले युद्धभूमिमा नयाँ कदम चाल्ने तयारी गरिसकेका छौं।’ ट्रम्पले घेराबन्दीको नीति र युद्धविराम भंग गरेर वार्ताको मेजलाई आत्मसमर्पणको ठाउँ बनाउन खोजिरहेका छन्।