नेपाल क्रिकेट संघले राष्ट्रिय पुरुष क्रिकेट टोली व्यवस्थापकसहित ६ विभिन्न पदमा आवेदन खुलाएको छ। आवेदन दिने अन्तिम मिति वैशाख २७ गते तोकिएको छ। व्यवस्थापक पदका लागि उम्मेदवारले आधुनिक क्रिकेटको संरचना तथा नियमहरूमा गहिरो ज्ञान हुनु पर्ने र यसअघि कुनै अनुशासनात्मक कारबाही हुन नहुने क्यानले स्पष्ट पारेको छ।
शुक्रबार क्यानले ६ पदहरूमा आवेदन प्रक्रिया सुरु गरेको हो। खुला गरिएको पदहरूमा फ्रन्ट डेस्क अफिसर, इन्वेन्टोरी अफिसर, प्रोक्योरमेन्ट अफिसर, जुनियर अफिसर (फाइनान्स), महिला क्रिकेट विकास अधिकृत र राष्ट्रिय पुरुष क्रिकेट टोली व्यवस्थापक रहेका छन्। इच्छुक उम्मेदवारहरूले वैशाख २७ गतेभित्र आवेदन दिन सक्नेछन्।
राष्ट्रिय टोली व्यवस्थापक पदका लागि क्यानले आधुनिक क्रिकेट संरचना तथा परम्परागत अभ्यासबारे राम्रो अनुभव आवश्यक रहेको बताएको छ। साथै, चुनाव अधिकार क्षेत्रमा कुनै सक्रिय कोचिंग पदमा कार्यरत नभएको हुनुपर्ने, पछिल्ला पाँच वर्षमा कुनै स्वार्थ द्वन्द्व वा अनुशासनात्मक कारबाहीमा छैन भन्ने शर्त राखिएको छ। आवश्यक परेमा देशभित्र यात्रा गर्न सक्ने क्षमता समेत अनिवार्य रहेको छ। क्यानका अनुसार, प्रतिभा पहिचान, प्रदर्शन विश्लेषण र छनोट समितिमा कार्य अनुभव भएका व्यक्तिहरूलाई प्राथमिकता दिइनेछ।
सम्बन्धित खबर
