पश्चिम अफ्रिकी देश मालीका रक्षामन्त्री सादियो केमाराको राजधानी बमाको नजिकै आत्मघाती ट्रकमार्फत भएको विष्फोटमा निधन भएको छ। मालीको सरकारी टेलिभिजनले विष्फोटमा गम्भीर घाइते भएका रक्षामन्त्रीको मृत्यु भएको खबर सार्वजनिक गरेको छ। विद्रोही समूह जामाअत नुसरत अल–इस्लाम वाल–मुस्लिमीन (जे.एन.आई.एम.) ले मालीका सैन्य छाउनीहरूमा आक्रमण गरेको र आफ्नो संलग्नता स्वीकार गरेको छ।
१४ वैशाख, काठमाडौं। रक्षामन्त्री केमाराका परिवारले उनको निधन आत्मघाती ट्रक विष्फोटको कारण भएको पुष्टि गरेका छन्। मालीको सरकारी टेलिभिजनले पनि केही समयमै घाइते भएका रक्षामन्त्रीको मृत्यु भएको खबर प्रवाह गरेको थियो। मालीका राष्ट्रपति आसिमी गोइताको निवास पनि यस आक्रमणको निशानामा परेको बताइएको छ। राष्ट्रपति गोइतालाई सुरक्षित स्थानमा स्थानान्तरण गरिएको छ।
माली अहिले हिंसा र अस्थिरताले ग्रसित छ। राजधानी बमाकासहितका अन्य शहरहरूमा चरमपन्थी समूहहरू शनिबार बिहानदेखि लगातार आक्रमण गर्दैछन्। सैनिक शासन रहेको मालीमा सैन्य छाउनी, रक्षामन्त्रीको घर र अन्य महत्वपूर्ण स्थानहरूमा समेत हमला भएको छ। चरमपन्थी संगठन आजावाद लिबरेशन फ्रन्ट (एफ.एल.ए.) ले रूसी भाडाका सैनिकहरू फिर्ता गएपछि आफ्नो नियन्त्रणमा आएको दाबी गरेको छ।
विद्रोही समूह जामाअत नुसरत अल–इस्लाम वाल–मुस्लिमीन (जे.एन.आई.एम.) ले यस आक्रमणमा आफ्नो संलग्नता स्वीकार गरेको छ। उनीहरूले राष्ट्रका नेता जनरल गोइटा र रक्षामन्त्री केमाराका घरहरू तथा सैन्य छाउनीहरूलाई टार्गेट बनाएको बताएका छन्। अलजजिराले यस प्रकारको समन्वयात्मक आक्रमणलाई अभूतपूर्व भनेको छ र सैनिक पङ्क्तिमा त्यसले आतंक मच्चाएको उल्लेख गरेको छ। युरोपेली परिषदको बाह्य सम्बन्ध विभागका अफ्रिका निर्देशक एलेक्स वाइन्सले मालीका अधिकारीहरूले यस्ता आक्रमणबाट अचम्मित भएको प्रतिक्रिया दिएका छन्।
