पेरिस सेन्ट–जर्मेनले युरोपियन च्याम्पियन्स लिग सेमिफाइनलको पहिलो लेगमा बायर्न म्युनिखलाई ५–४ को रोमाञ्चक जित हात पारेको छ। खेलको सुरुआतमा ह्यारी केनले १७ औं मिनेटमा पेनाल्टीमार्फत बायर्नलाई अग्रता दिलाएका थिए। तर पीएसजीले त्यसपछि लगातार पाँच गोल गर्दै खेलमा पुनः नियन्त्रण लिए। दोस्रो खेल बायर्नको घरेलु मैदानमा हुने छ, जहाँ फाइनलमा पुग्ने टिम अन्ततः निर्णय हुनेछ।
१६ वैशाख, काठमाडौं। युरोपियन च्याम्पियन्स लिग फुटबल अन्तर्गत सेमिफाइनलको पहिलो लेगमा पेरिस सेन्ट–जर्मेन (पीएसजी) ले जर्मन क्लब बायर्न म्युनिखलाई ५–४ को उत्साहजनक जित हासिल गरेको छ। घरेलु मैदानमा भएको यो अत्यन्त रोचक खेलमा पीएसजीले पहिलो हाफमै ३–२ को अग्रता बनाएको थियो। दुवै टोली आक्रामक फुटबल खेल्दै कुल ९ गोल गरियो।
बायर्नका लागि ह्यारी केनले १७ औं मिनेटमा पेनाल्टीबाट गोल गर्दै सुरुआती अग्रता दिलाए। तर त्यसपछि पीएसजीले लगातार दुई गोल गर्दै खेलमा नियन्त्रण सम्हाल्यो। पीएसजीका भिचा भरात्स्खेलियाले २४ औं मिनेटमा बराबरी गोल गरे भने जोआओ नेभेसले ३३ औं मिनेटमा गोल गर्दै टोलीलाई अगाडि बढाए। ४१ औं मिनेटमा माइकल ओलिसेले शानदार गोल गर्दा बायर्नले बराबरी कायम राख्यो। पहिलो हाफको अतिरिक्त समयमा उस्मान डेम्बेलेले पेनाल्टीमा गोल गरी पीएसजीलाई ३–२ को अग्रता दिलाए।
दोस्रो हाफमा पीएसजी अझ आक्रामक बनेको थियो। भरात्स्खेलियाले ५६ औं मिनेटमा व्यक्तिगत दोस्रो गोल गरे भने डेम्बेलेले ५८ औं मिनेटमा थप एक गोल गर्दै टोलीलाई ५–२ को सहज स्थितिमा पुऱ्याए। बायर्नले पछि खेल फर्काउने प्रयास गर्यो। ६५ औं मिनेटमा डायोट उपामेकानोले गोल गरे भने ६८ औं मिनेटमा लुइस डियाजले गोल गर्दै अन्तर घटाए, ५–४ मा पुऱ्याए। तर त्यसपछि कुनै थप गोल हुन सकेन। यस नतिजाले पीएसजीलाई दोस्रो खेलअघि मामुली अग्रता दिलाएको छ। अब दोस्रो खेल बायर्नको मैदानमा हुनेछ, जहाँ फाइनल टिमको निर्णय हुनेछ।
