१६ वैशाख, काठमाडौं। नेपाली कांग्रेसका सभापति गगनकुमार थापा २१ फागुनमा सम्पन्न प्रतिनिधि सभा निर्वाचनपछि पहिलो पटक सर्लाही पुग्न सफल भएका छन्। सभापति थापा सर्लाही–४ बाट प्रतिनिधि सभा चुनावमा उठेका थिए, जहाँ निर्वाचन नतिजा उनको पक्षमा रहेन। यो क्षेत्रमा उनलाई रास्वपा उम्मेदवार उमरेश कुमार सिंहले पराजित गरेका थिए।
सभापति थापाको सचिवालयले निर्वाचनपछि पहिलो पटक सर्लाही भ्रमण गरेको जानकारी दिएको छ। सचिवालय सदस्य शंकर कुइँकेलका अनुसार उनी कांग्रेसको “जरा अभियान” अन्तर्गत सर्लाही–४ मा सहभागी हुने कार्यक्रममा रहेका छन्। थापाले सर्लाही–४ का मतदाताहरूसँग भेटघाट गर्ने योजना पनि बनाएका छन्। उनी बिहीबार काठमाडौं फिर्ता हुने जनाइएको छ।
