Skip to main content
Advertisement1200×100-inside-1
Advertisement1200×100-blank-1
Advertisementxtreme adv

राप्ती स्वास्थ्य विज्ञान प्रतिष्ठानमा मुटु रोग उपचार शुरु भयो

Advertisement800×200-1

दाङ। घोराहीस्थित राप्ती स्वास्थ्य विज्ञान प्रतिष्ठानमा मुटु रोगको उपचार सेवा शुरु भएको छ। प्रतिष्ठानले दाङमा पहिलोपटक एन्जियोग्राफी कोरोनरी सेवा सञ्चालनमा ल्याएको जनाएको छ। यस सेवाका लागि फिजिसियन तथा मुटु रोग विशेषज्ञ डा. दिनेश उप्रेतीको नेतृत्वमा टोली गठन गरिएको छ। डा. उप्रेतीले प्रतिष्ठानमा इन्टरभेन्सनल कार्डियोलोजी सेवा सञ्चालनमा ल्याउन सफल भएको जानकारी दिनुभयो। उनले बताए अनुसार coronay angiography र आकस्मिक पेरिकार्डियोसेन्टेसिसबाट सेवा सुरुवात गरिएको छ।

‘हामीले प्रतिष्ठानमा मुटु रोग उपचारको थालनी गरेका छौं, जसअन्तर्गत मुटुको रक्तनली परीक्षण गर्ने विधि कोरोनरी एन्जियोग्राफी सेवा पनि समावेश छ,’ डा. उप्रेतीले भन्नुभयो, ‘यसले मुटुको रक्तनलीमा समस्या छ वा छैन पत्ता लगाउन सहयोग पुर्याउँछ।’ उहाँले भने, थप उपकरणहरूको उपलब्धतासँगै हर्ट अट्याक भएका बिरामीहरुको एन्जियोप्लास्टी पनि गर्न सकिनेछ। क्याथ लेब मेसिनको आगमनले मुटु उपचार अझ सहज हुने उहाँको भनाइ छ। प्रतिष्ठानमा मुटुको इको सेवा पनि सञ्चालनमा रहेको जानकारी दिइएको छ।


Advertisementadv-800×200.png

सम्बन्धित खबर