आईपीएल टोली राजस्थान रोयल्सका कप्तान रियान परागले पञ्जाब किंग्सविरुद्धको खेलमा ड्रेसिङ रुममा भेप प्रयोग गरी आचारसंहिता उल्लंघन गरेको पाइएपछि कारबाही गरिएको छ। परागलाई म्याच फीको २५ प्रतिशत जरिवाना र एक डिमेरिट अंक दिइएको छ भने उनले आचारसंहिता उल्लंघन गरेको कुरा स्वीकार गरेका छन्। बीसीसीआईले टोली, खेलाडी र अधिकारीविरुद्ध कडा कारबाहीको सम्भावित विकल्पहरूको अध्ययन गरिरहेको छ।
१७ वैशाख, काठमाडौं। आईपीएल टोली राजस्थान रोयल्सका कप्तान रियान परागलाई आचारसंहिता उल्लंघन गरेको आरोपमा कारबाही गरिएको छ। प्रतियोगिताको मंगलबार पञ्जाब किंग्सविरुद्धको खेलमा ड्रेसिङ रुममा भेप प्रयोग गरेको पाइएको छ। परागलाई म्याच फीको २५ प्रतिशत जरिवाना र एक डिमेरिट अंक दिइएको छ। आईपीएलको आचारसंहिताअनुसार उनलाई ‘खेलको प्रतिष्ठामा आँच पुर्याउने व्यवहार’ को उल्लंघन गरेको जनाइएको छ। म्याच रेफ्री अमित शर्माले निर्णय गरेका थिए र रियान परागले उक्त निर्णय स्विकार गरेका छन्। यस घटनापछि बीसीसीआईले टोली, खेलाडी र सम्बन्धित अधिकारीविरुद्ध थप कडा कारबाही गर्ने सम्भावना अध्ययन गरिरहेको छ।
सम्बन्धित खबर
