Skip to main content
Advertisement1200×100-inside-1
Advertisement1200×100-blank-1
Advertisementxtreme adv

विश्व प्रेस स्वतन्त्रता दिवस आज, राष्ट्रपति र उपराष्ट्रपतिद्वारा शुभकामना व्यक्त

Advertisement800×200-1

विश्वभर प्रेस स्वतन्त्रता दिवस मे ३ मा मनाइन्छ र नेपालमा पनि विभिन्न कार्यक्रम गरी यो दिवस मनाइँदैछ। स्वतन्त्र र बहुलवादी प्रेसका लागि विन्डहक घोषणापत्र जारी गरिएको दिन सम्झनामा हरेक मे ३ तारिखमा विश्वव्यापी रुपमा प्रेस स्वतन्त्रता दिवस मनाइन्छ। २० वैशाख, काठमाडौं।

आज विश्वभर प्रेस स्वतन्त्रता दिवस मनाइँदैछ भने नेपालमा पनि विभिन्न कार्यक्रमहरू आयोजना गरिएका छन्। प्रत्येक वर्ष मे ३ तारिखमा ‘स्वतन्त्र एवं बहुलवादी प्रेसका लागि विन्डहक घोषणापत्र’ जारी भएको सम्झनामा यो दिवस मनाइन्छ। सन् १९९३ मा युनेस्कोको आयोजना अन्तर्गत अफ्रिकी राष्ट्र नामिबियाको विन्डहक शहरमा वरिष्ठ पत्रकार, पत्रकारिता प्राध्यापकहरू र स्वतन्त्रताका पक्षधरहरूको सहभागितामा यो घोषणापत्र जारी गरिएको थियो।

यस अवसरमा नेपाल पत्रकार महासंघले अन्तर्क्रिया, प्रदर्शन लगायतका कार्यक्रम आयोजना गरेको छ। राष्ट्रपति रामचन्द्र पौडेल र उपराष्ट्रपति रामसहाय प्रसाद यादवले शुभकामना व्यक्त गरेका छन्। राष्ट्रपति पौडेलले स्वतन्त्र पत्रकारितामार्फत सत्यको खोजी र तथ्यको सम्प्रेषण गर्दै समाजमा सही र सत्य कुरा स्थापना गर्न विशेष ध्यान दिनुपर्ने धारणा व्यक्त गरेका छन्। उनले प्रेस स्वतन्त्रतालाई लोकतन्त्रको आधार स्तम्भ भएको बताएका छन्।

उपराष्ट्रपति यादवले नेपालको संविधानले प्रेस स्वतन्त्रतालाई मूल अधिकारको रूपमा सुनिश्चित गरेको उल्लेख गर्दै स्वतन्त्र प्रेस लोकतन्त्रको मेरुदण्ड भएको बताए। उनले संविधानले दिएको अधिकारको प्रयोग र संरक्षण गर्दै पत्रकारितालाई निर्भयताका साथ अगाडि बढाउन शुभकामना व्यक्त गरे।


Advertisementadv-800×200.png

सम्बन्धित खबर