चितवन राष्ट्रिय निकुञ्जमा गैँडा मार्न पूर्व तयारी गरेको आरोपमा पूर्वी नवलपरासीको कावासोतीबाट दुई जना पक्राउ परेका छन्। उनीहरूको साथबाट दुई थान भरुवा बन्दुक र एक थान कार्लोस बरामद गरिएको छ। स्थानीय सूचनाका आधारमा जेठ २३ गते राति निकुञ्ज प्रवेश गर्न लाग्दा उनीहरूलाई नियन्त्रणमा लिइएको हो।
अनुसन्धान टोलीले चितवन राष्ट्रिय निकुञ्जमा गैँडा मार्ने पूर्व तयारी गरेको आरोपमा पूर्वी नवलपरासीको कावासोती क्षेत्रबाट दुई जनालाई पक्राउ गरेको बताएको छ। स्रोतका अनुसार उनीहरूलाई घरबाटै हतियारसहित जेठ २३ गते राति पक्राउ गरी थप अनुसन्धान भइरहेको छ। उनीहरूको साथबाट दुई थान भरुवा बन्दुक र एक थान कार्लोससहित अन्य सामग्रीहरू पनि बरामद गरिएको छ।
निकुञ्जका सूचना अधिकारी अविनाश थापामगरले पक्राउ परेकाहरूको अनुसन्धान जारी रहेको बताउँदै थप विवरण प्रदान गर्न सकेनन्। ती व्यक्ति लामिचौर भुताहा क्षेत्रबाट तस्करहरूको योजनामा गैँडा मार्न तयारी गरेर निकुञ्ज प्रवेश गर्न लागेको भन्ने स्थानीय सूचनाका आधारमा पक्राउ गरिएको थियो। पक्राउ परेकाहरूलाई निकुञ्ज हिरासतमा राखेर अनुसन्धान जारी छ। निकुञ्जले गैँडाको चोरी शिकार रोकथामका लागि शून्य अभियान चलाइरहेको अवस्थामा गैँडा मार्ने योजना बनाएको आरोपमा उनीहरूलाई पक्राउ गरिएको हो।
सम्बन्धित खबर
