१८ असार, काठमाडौं । अमेरिकी राष्ट्रपति डोनाल्ड ट्रम्पले इरानसँग भइरहेको वार्तामा देखिएको प्रगति ‘सकारात्मक’ रहेको बताएका छन्। हालै कतारमा भएका बैठकहरू पनि फलदायी रहेको उनले दाबी गरेका छन्। नर्थ डकोटा प्रस्थान गर्ने क्रममा पत्रकारहरूसँग कुरा गर्दै राष्ट्रपति ट्रम्पले इरानको आणविक कार्यक्रमलाई सीमित पार्ने प्रयासहरू उचित मार्गतर्फ अघि बढिरहेको जानकारी दिएका छन्।
एक प्रश्नको जवाफमा ट्रम्पले दुवै पक्षबीच निकै उपयोगी बैठकहरू भएको बताए पनि भविष्यप्रति सतर्क रहँदै ‘के हुन्छ त्यो हेर्न बाँकी नै छ’ भनी टिप्पणी गरेका छन्। उनले भने, अमेरिकाले इरानमाथि दबाब कडा बनाइरहेको भए पनि वार्ता प्रक्रिया निरन्तरता दिइराखेको स्पष्ट पारे। अर्कोतर्फ, इरानले भने आफ्नो आणविक कार्यक्रम पूर्ण रूपमा शान्तिपूर्ण उद्देश्यका लागि सीमित रहेको दावी निरन्तर गर्दै आएको छ। हाल इरान र अमेरिकाबीच कतारको राजधानी दोहामा अप्रत्यक्ष प्राविधिक वार्ता जारी छ, जसमा कतार र पाकिस्तानले मध्यस्थकर्ताको भूमिका निर्वाह गरिरहेका छन्।
