नेपाल यसपटक नेपाल ए टोलीसहित मैदानमा उत्रँदैछ, जहाँ कप्तानको जिम्मेवारी अनिल शाहले बहन गर्नेछन्। एनटी स्ट्राइकको कप्तान डार्शी शर्ट रहेका छन्। अस्ट्रेलियाको नर्थन टेरिटोरीमा जारी टप एन्ड टी–२० सिरिजमा आज नेपालले आयोजक एनटी स्ट्राइकसँग दिउँसो सवा २ बजे खेल्नेछ। नेपालले गत संस्करणमा एनटी स्ट्राइकसँग ४२ रनले पराजित भइसकेको छ र यसपटक लगातार दोस्रोपटक टप एन्ड सिरिजमा प्रतिस्पर्धा गर्दैछ। ५ भदौ, काठमाडौं।
नेपालले आज पहिलो खेल खेल्दैछ। नेपाल र एनटी स्ट्राइकबीचको खेल दिउँसो सवा २ बजेदेखि सुरु हुनेछ। नेपाल यसपटक नेपाल ए टोलीकै साथ मैदानमा छ, कप्तान अनिल शाहको नेतृत्वमा। एनटी स्ट्राइक टोलीमा अस्ट्रेलियाका अनुभवी खेलाडी डार्शी शर्ट लगायत बिग ब्यास लिगका स्टार खेलाडी जोर्डन सिल्क, टम मेन्जिस, वेस एगर पनि छन्। गत संस्करणमा खेलेका डार्शी शर्ट, क्याडेल म्याकमहोन, हामिस मार्टिन, जोर्डन सिल्क, म्याट ह्यामन्ड र टम मेन्जिज यसपटक पनि टोलीमा समावेश छन्।
नेपालले प्रतियोगितामा ६ टोलीसँग प्रतिस्पर्धा गर्नेछ। एनटी स्ट्राइक, बंगलादेश हाई–परफर्मेन्स, होबार्ट हुरिकेन्स, एसीटी कमेट्स, किङ्समेन र भिक्टोरियासँगको खेलले नेपाली खेलाडीलाई विभिन्न शैली र स्तरका टोलीहरूसँग आफूलाई परीक्षण गर्ने अवसर प्रदान गर्नेछ। नेपालको खेल तालिका: अगस्ट २१ (५ भदौ) – एनटी स्ट्राइक विरुद्ध नेपाल, अगस्ट २२ (६ भदौ) – नेपाल विरुद्ध बंगलादेश हाई–परफर्मेन्स, अगस्ट २४ (८ भदौ) – नेपाल विरुद्ध हुरिकेन्स, अगस्ट २६ (१० भदौ) – नेपाल विरुद्ध एसीटी कमेट्स, अगस्ट २७ (११ भदौ) – नेपाल विरुद्ध किङ्समेन, अगस्ट २९ (१३ भदौ) – नेपाल विरुद्ध भिक्टोरिया।
नेपालको टोली: अनिल शाह (कप्तान), कुशल भुर्तेल, लोकेश बम, तृतराज दास, मयन यादव, पवन सर्राफ, दीपक डुम्रे, कुशल मल्ल, राशिद खान, नारायण जोशी, आकाश चन्द, शाहब आलम, बिपिन खत्री, युवराज खत्री, रिजन ढकाल।
