नखिपोट फोल्क्सले आफ्नो पहिलो महिला फुटसल प्रतियोगिता भदौ १९ गतेबाट नखिपोटस्थित फुटसल भिलेजमा आयोजना गर्ने घोषणा गरेको छ। आयोजकले करिब ३२ टोलीको सहभागिता अपेक्षा गरेका छन् र टोली दर्ता भदौ १७ गतेभित्र पूरा गर्नुपर्ने जानकारी दिएका छन्। प्रतियोगिताको विजेताले १ लाख १ हजार रुपैयाँ, उपविजेताले ५१ हजार रुपैयाँ र उत्कृष्ट खेलाडीले ७ हजार ५ सय रुपैयाँ नगद पुरस्कार पाउनेछन्।
संयोजक समितिका बेघा लिम्बूले शुक्रबार आयोजित पत्रकार सम्मेलनमा प्रतियोगिताबारे जानकारी दिँदै भने, “प्रतियोगिताले प्रत्येक वर्ष निरन्तरता पाउनेछ।” उनले नेपालमा महिला फुटसलप्रतिको आकर्षण बढ्दै गएकोले महिला खेलाडीहरूलाई अवसर प्रदान गर्न यस प्रतियोगिता आयोजना गरिएको बताए।
प्रतियोगिता दुई दिनसम्म नखिपोटस्थित फुटसल भिलेजमा चल्नेछ। प्रत्येक टोलीले ३ जना राष्ट्रिय फुटसल खेलाडी समावेश गर्न सक्नेछन्। इच्छुक टोलीहरूले भदौ १७ गतेभित्र दर्ता प्रक्रिया पूरा गरिसक्नुपर्नेछ।
सम्बन्धित खबर
