नेपालमा पहिलो पटक आयोजना हुँदै गरेको पुरुष भलिबल फ्रेन्चाइज नेपाल भलिबल लिगको ट्रफी ललितपुर महानगरपालिकाका मेयर चिरीबाबु महर्जनले पाटन दरबार क्षेत्रमा सार्वजनिक गरेका छन्। ट्रफीलाई काठमाडौंको वसन्तपुर दरबार क्षेत्र र भक्तपुर दरबार स्क्वायरमा पनि प्रदर्शन गरिएको छ।
केडिया ग्रुपको आयोजनामा हुने पहिलो संस्करणको एनभीएल भदौ १९ देखि २७ गतेसम्म चल्नेछ। यस प्रतियोगितामा छ टोलीले प्रतिस्पर्धा गर्नेछन्, जसमा सगरमाथा स्म्यासर्स, मधेश वारियर्स, काठमाडौं रेड्स, अन्नपूर्ण स्पाइकर किङ्स, कर्णाली शिवराज र खप्तड फाल्कन्स सुदूरपश्चिम समावेश रहेका छन्।
