डेटा सेन्टरविरुद्ध आवाज उठाउने समुदायलाई ट्रम्पको कडा चेतावनी: ‘ठूलो गल्ती गर्दै हुनुहुन्छ’

८ भदौ, काठमाडौं । अमेरिकी राष्ट्रपति डोनाल्ड ट्रम्पले डेटा सेन्टरको विस्तारलाई समर्थन गर्दै यसको विरुद्धमा उभिने समुदायहरू ठूलो गल्ती गरिरहेको बताउनुभएको छ। पूर्व सहयोगी माइकल कोहेनसँगको अन्तर्वार्तामा ट्रम्पले यस विषयमा आफ्ना विचार व्यक्त गर्नुभएको हो। अन्तर्वार्तामा उनले भने, “अमेरिका कृत्रिम बुद्धिमत्तामा चीनभन्दा धेरै अगाडि छ।” ट्रम्पले डेटा सेन्टरहरू राष्ट्रिय ग्रिडबाट बिजुली नलिई आफ्नै पावर प्लान्टहरू निर्माण गर्दै रहेको जानकारी दिनुभयो। ‘तिनीहरूले सुन्दर पावर प्लान्टहरू बनाइरहेका छन्, यस्ता पावर प्लान्ट तपाईंहरूले पहिले कहिल्यै देख्नुभएको छैन,’ उहाँले थप्नुभयो।

उनको तर्क अनुसार, डेटा सेन्टरहरूले धेरै रोजगारी सृजना गरिरहेका कारण यसको विरुद्धमा हुने समुदायहरूले ठूलो गल्ती गरिरहेका छन्। ‘डेटा सेन्टर स्वीकार नगर्ने समुदायहरू गलत दिशा तर्फ जाँदैछन्,’ ट्रम्पले जोड दिनुभयो। ट्रम्पको यो अभिव्यक्ति त्यतिबेला आएको हो जब विभिन्न स्थानमा डेटा सेन्टरहरूको विरोध भइरहेको छ। केही डेटा सेन्टरहरूले आफ्नै पावर प्लान्ट निर्माण गरिरहेका छन् भने केहीले राष्ट्रिय ग्रिडबाट बिजुली प्राप्त गर्ने योजना बनाएका छन्। डेमोक्रेटिक र रिपब्लिकन दुवै पार्टीका नेताहरूले डेटा सेन्टर सम्बन्धि विषयमा आलोचना गर्नुभएको छ।