“आँखैअगाडि दुई जनालाई बाढीले बगायो, तर म १० सेकेन्डले बाँचेँ” नुवाकोटको बट्टारकी युनिशा अमात्य स्थानीय त्रिभुवन त्रिशूली विद्यालयमा अंग्रेजी माध्यमबाट कक्षा ११ मा अध्ययनरत छिन्। गत बुधवार जब बाढी आयो, उनी विद्यालयमै थिइन्। कक्षा चलिरहेको समयमा शिक्षकहरूले बाढीका कारण घर जान भन्दा पहिले बजारभन्दा माथि रहेको जलविद्युत् आयोजनाको बाँध फुटेको रहेछ भन्ने कुरा थाहा पाउनुभयो।
पहिले उनले घरमा फोन गरेर बुवालाई लिन आउन बोलाइन्। तर सबै जना भाग्न थालेपछि उनी पनि साथीहरूसँग पछिपछि दौडिन थालिन्। उनलाई त्रिशूलीको पुलछेउमै झण्डै बाढीले समातेको थियो।
“हामी पनि १० सेकेन्डको अन्तरालले मात्र बचेका हौँ। साथीहरू र म,” उनी सुनाउँछिन्। युनिशाका अनुसार उनको आँखाअगाडि दुई जनालाई बाढीले बगाएर लग्यो।
