एम्पुटी फुटबल खेलाडी एलिना श्रेष्ठ र पूजा विक सेप्टेम्बर ३ देखि ६ गतेसम्म फ्रान्सको एनिसमा आयोजना हुने अन्तर्राष्ट्रिय महिला एम्पुटी फुटबल क्याम्पमा सहभागी हुन बिहीबार फ्रान्स प्रस्थान गर्दैछन्। राष्ट्रिय खेलकुद परिषद्काका सदस्य–सचिव रामचरित्र मेहताले बुधबार उनीहरूलाई बिदाइ गरेका छन्।
एम्पुटी खेलकुद समाज नेपालका महासचिव डिल्लीबहादुर विष्टले क्याम्पको मुख्य उद्देश्य महिला एम्पुटी फुटबल खेलाडीहरूबीच सहकार्य र सञ्जाल विस्तार गर्नु रहेको बताएका छन्। युरोपियन एम्पुटी फुटबल महासंघ (इएएफएफ) को आयोजना र विश्व एम्पुटी फुटबल महासंघ (डब्लुएफएफ) को सहयोगमा यो क्याम्प सञ्चालन गरिएको हो।
