जापनको नागोया सिटीस्थित मिजुहो पार्क एथलेटिक्स स्टेडियममा आज साँझ ६ बजे २०औँ एसियन गेम्सको औपचारिक उद्घाटन कार्यक्रम हुँदैछ। ३२ वर्षपछि जापानमा फर्किएको यस एसियन गेम्समा ४३ खेलका ७१ विधामा ४६९ पदकहरूको लागि करिब १७ हजार खेलाडी तथा अधिकारीहरू सहभागी हुनेछन्। नेपालबाट २१ खेलका कुल १३५ खेलाडी सहभागी हुनेछन्, जसमा ५७ महिला र ७८ पुरुषहरू रहेका छन्।
नेपालबाट १३५ खेलाडी सहभागी रहेको यो २०औँ एसियन गेम्सको उद्घाटन समारोह स्थानीय समय अनुसार साँझ ६ बजे नागोया सिटीस्थित मिजुहो पार्क एथलेटिक्स स्टेडियममा आयोजना गरिनेछ। उद्घाटनको पूर्वसन्ध्यामा नै विभिन्न खेलकुद प्रतियोगिता सम्पन्न भइरहेका छन्। एआइची प्रिफेक्चरका विभिन्न शहरहरू, साथै गिफु, शिजुओका, टोकियो र ओसाकामा विभिन्न खेलहरू सञ्चालनमा छन्।
जापानले यो एसियन गेम्स तेस्रो पटक आयोजना गर्दैछ। यसअघि सन् १९५८ र १९९४ मा जापानले एसियन गेम्स आयोजना गरिसकेको छ। ३२ वर्षपछि जापानमा फर्किएको यस प्रतियोगितामा ४३ खेलका ७१ विधामा ४६९ पदकका लागि प्रतिस्पर्धा हुनेछ। यस पटक मिक्स्ड मार्शल आर्ट्स, प्याडेल, सर्फिङ, भर्चुअल तेक्वान्दो र टेकबल नयाँ खेलका रूपमा समावेश भएका छन्। साथै, ई–स्पोर्ट्स र ब्रेकिङले पनि आफ्नो स्थान पाएका छन्।
नेपालबाट यस प्रतियोगितामा १३५ खेलाडी सहभागी छन् जसमा ५७ महिला र ७८ पुरुष खेलाडीहरु रहेका छन्। त्यस्तै, २९ प्रशिक्षक, १७ व्यवस्थापक र २ खेल प्राविधिक पनि सहभागी छन्। नेपालबाट आर्चरीका २, एथलेटिक्सका ६, ब्याडमिन्टनका ४, बक्सिङका ७, क्रिकेटका १५, साइकलिङका २, गल्फका ४, जुडोका ६, कबड्डीका २४, करातेका ८, राफ्टिङ र क्यानोइङका २, स्केट र स्केटबोर्डिङका २, सफ्ट टेनिसका ४, स्क्वाशका २, पौडीका ५, टेबलटेनिसका ६, तेक्वान्दोका ३, टेनिसका ५, भलिबलका १२, कुस्तीका ६, उसुका १० खेलाडीले एसियन गेम्समा प्रतिस्पर्धा गरिरहेका छन्। तथापि, नेपाल महिला भलिबल टोली पदकको दौडबाट बाहिरिसकेको छ।
