जापानमा भइरहेको २०औं एसियन गेम्सअन्तर्गत नेपालकी सविता राई महिला ताइजिच्वान तथा ताइजिजियान विधामा १०औं स्थानमा रहिन्। आइची प्रिफेक्चरल मार्सल आर्ट्स हलमा आयोजना भएको प्रतियोगितामा १२ जना सहभागी थिए भने सविताले ९.१८३ अंक प्राप्त गरिन्।
सवितासँगै नेपालबाट १० खेलाडी विभिन्न विधामा प्रतिस्पर्धामा रहेका छन्। पुरुष ताइजिच्वानमा विजय सिन्जाली पनि प्रतियोगिताबाट पराजित भएका छन्। चीनकी छिन टोङले ९.७८३ अंकसहित स्वर्ण पदक जितिन्। ९.७४० अंक पाएकी जापानकी शिहो साइतोले रजत पदक हात पारिन् भने ९.७२० अंक प्राप्त गरेकी सिंगापुरकी जियान झी निङ लाउ र ब्रुनाइकी बास्मा लाच्करले कास्य पदक हासिल गरे।
