गाजा विवादमा फ्रान्सका राष्ट्रपति म्याक्रोनको प्रश्न– के हामीले विश्वसामु निरन्तर लाज लाग्ने दृश्य हेर्दै बस्ने छौं?

फ्रान्सका राष्ट्रपति इम्यानुएल म्याक्रोनले संयुक्त राष्ट्रसंघको महासभामा गाजाको मानवीय अवस्थाबारे अन्तर्राष्ट्रिय समुदायको भूमिका माथि प्रश्न उठाएका छन्। उनले गाजा शान्ति योजनालाई मात्र कूटनीतिक उपलब्धि ठान्नु गलत भएको र पर्याप्त शान्ति प्रयास नभएको बताएका छन्।

७ असोज, काठमाडौं। म्याक्रोनले गाजामा जारी मानवीय संकटप्रति अन्तर्राष्ट्रिय समुदायको कमजोर भूमिकाले प्रश्नचिह्न खडा गरेको टिप्पणी गरेका छन्। उनले भने, ‘विश्वका सामु यस्तो दृश्य प्रस्तुत छ, जसलाई हेरेर हामी सबैले लाज मान्नुपर्छ।’ उनले गाजाको स्थितिसन्दर्भमा अन्तर्राष्ट्रिय समुदायको भूमिकामा सुधार नआएसम्म शान्ति सम्भव नहुने बताए।

म्याक्रोनले गाजा शान्ति योजनालाई मात्र कूटनीतिक सफलता मान्नु सही नभएको भन्दै आलोचना गरे। उनले थपे, ‘यदि हामी गाजाको विषयमा निरन्तर स्तब्ध भएर बस्ने हो भने हाम्रो विश्वसनीयता के हुनेछ? केही पक्षहरु कब्जा विस्तार गरिरहेका छन्। तर सबैभन्दा महत्वपूर्ण कुरा के हो भने हामी शान्ति सुनिश्चित गर्ने पर्याप्त प्रयास गरिरहेका छैनौँ।’ साथै उनले रुस र युक्रेनबीच पनि छिटो सार्थक वार्ता सुरु गराउन फ्रान्सले सबै सम्भावित पहलहरू गर्ने बताए।