नेपालले २० औं एसियाली खेलकुदमा पहिलो पदक जित्यो, तेन्जिङले करातेमा कास्य पदक हात पारे

जापानमा जारी २० औं एसियाली खेलकुदमा नेपालले पहिलो पदक आफ्नो नाम गरेको छ। करातेका खेलाडी तेन्जिङ शेर्पाले पुरुष कुमिते ८४ केजीभन्दा माथि तौल वर्गमा कास्य पदक जितेका छन्। तेन्जिङले कास्यका लागि भएको खेलमा लाओसका वाथाना जायासनलाई ९–१ को फराकिलो अन्तरले पराजित गरेका हुन्। ७ असोज, काठमाडौं।

टोयाहाशी जिम्नेसियममा बुधबार सम्पन्न सेमिफाइनलमा तेन्जिङ इरानका महमुद नेमातीसँग ५–० ले पराजित भएका थिए। सेमिफाइनल हारिएपछि, उनले कास्य पदकका लागि खेल खेलेका थिए। उक्त खेलमा तेन्जिङले लाओसका वाथाना जायासनलाई ९–१ ले पराजित गरे। तेन्जिङले युकोबाट ६ अंक र इप्पोनबाट ३ अंक प्राप्त गरेका थिए।

यस अघि क्वाटरफाइनलमा तेन्जिङ मकाउका खेलाडीविरुद्ध १-० ले पछि परेका थिए, तर विपक्षीको गल्तीका कारण तेन्जिङ विजेता घोषणा भएका थिए। यससँगै जारी एसियाली खेलकुदमा नेपालको पदकको खाता खुल्न सफल भएको छ।