२०औं एसियन गेम्सअन्तर्गत महिला कबड्डीको दोस्रो खेलमा नेपाल चाइनिज ताइपेइसँग ३७-१८ ले पराजित भएको छ। जापानको तोकाइ सिटिजन जिम्नेसियममा बुधबार दिउँसो भएको खेलमा पहिलो हाफ १३-१३ को बराबरीमा सकिएको थियो। दोस्रो हाफमा नेपालले निराशाजनक प्रदर्शन गर्दै खेल २४-५ ले सुम्पियो र ३७-१८ ले हार बेहोर्नुपरेको छ।
नेपालले पहिलो खेलमा थाइल्यान्डलाई पराजित गरेको थियो भने चाइनिज ताइपेइले श्रीलंकालाई हराएको थियो। आठ टोली सहभागी रहेको कबड्डीको एक समूहमा चार राष्ट्र छन्। नेपाल रहेको समूहमा थाइल्यान्ड, श्रीलंका र चाइनिज ताइपेइ छन्। नेपालले अब समूह चरणको अन्तिम खेल बिहीबार श्रीलंकासँग खेल्नेछ। त्यसपछि सेमिफाइनल पुग्ने वा नपुग्ने टुङ्गो लाग्नेछ।
