अस्ट्रेलियाका बाँयाहाते ओपनिङ ब्याट्सम्यान डार्शी शर्ट नेपाल प्रिमियर लिग (एनपीएल) २०२६ मा लुम्बिनी लायन्सबाट खेल्ने भएका छन्। लुम्बिनीले सामाजिक सञ्जालमार्फत शर्टको अनुबन्ध भएको जानकारी सार्वजनिक गरेको छ। उनी गत संस्करणमा लुम्बिनीको उपाधि यात्रा पूरा सिजन खेलेका थिए।
शर्टले पावरप्लेमा उत्कृष्ट प्रदर्शन गर्ने क्षमता राख्छन्। उनले अस्ट्रेलियाको वरिष्ठ टोलीबाट २३ टी-२० अन्तर्राष्ट्रिय खेलमा ६४२ रन बनाएका छन्। त्यस्तै, कुल टी-२०मा १९७ खेल्दै ५९१५ रनको ठूला योग दिएका छन्। बिग ब्याश लिगमा एडिलेड स्ट्राइकर्सबाट २ सिजन र होबार्ट हुरिकेन्सबाट ७ सिजन खेलेका उनी अत्यन्त सफल सावित भएका छन्। सन् २०१८ र २०१९ को सिजनमा उनी सर्वोत्कृष्ट खेलाडीको रूपमा समेत सम्मानित भएका थिए।
