२०औं एसियाली खेलकुदअन्तर्गत जापानमा जारी टेबलटेनिस मिक्स्ड डबल्स प्रतियोगितामा नेपालका रुबिन महर्जन र इभाना थापाको जोडी दोस्रो चरणबाट पराजित भएर बाहिरिएको छ। टोयोता शहरस्थित स्काइ हलमा मंगलबार भएको खेलमा नेपाली जोडी हङकङका यिउ क्वान टो र एनजी विङ लामसँग ३–० को सोझो सेटमा पराजित भयो। हङकङको जोडीले क्रमशः ११–२, ११–६ र ११–७ को सेटमा जीत हासिल गर्दै अन्तिम १६ मा स्थान बनाउन सफल भयो।
पहिलेको खेलमा रुबिन र इभानाले पाकिस्तानका मोहम्मद खान र कलसुम खानलाई ३–० को सोझो सेटमा पराजित गर्दै दोस्रो चरणमा प्रवेश गरेका थिए। टेबलटेनिस महिला सिंगल्समा आजै दिउँसो इभाना प्रतिस्पर्धा गरिरहेकी छन् भने इभाना र नविता श्रेष्ठको जोडीले वुमन्स डबल्समा बिहीबार प्रतिस्पर्धा गर्नेछ।
७ असोज, काठमाडौं।
