टेवल टेनिस पुरुष डबल्समा रुबिन महर्जन र संयोग कपाली जापानका सोरा मात्सुसिमा र शुन्सुके टोगामीसँग ३–० को हार ब्यहोर्दै दोस्रो चरणबाट बाहिरिएका छन्। जापानी जोडीले ११–१, ११–१ र ११–५ को सेट जित्दै अर्को चरणमा स्थान सुरक्षित गरेको छ।
९ असोज, काठमाडौं – २०औं एसियाली खेलकुद अन्तर्गत टेवल टेनिस पुरुष डबल्समा नेपालका रुबिन महर्जन र संयोग कपाली दोस्रो चरणबाट बाहिरिएको छ। स्काइ हल टोयोटामा शुक्रबार भएको खेलमा नेपाली जोडी जापानी जोडी सोरा मात्सुसिमा र शुन्सुके टोगामीसँग ३–० को सोझो सेटमा पराजित भएको हो।
यसअघि रुबिन महर्जन र संयोग कपाली दुवै पुरुष सिंगल्सतर्फ पनि पहिलो चरणबाटै बाहिरिएका थिए। यससँग नेपालले टेवल टेनिसका कुनै पनि विधामा पदक जित्न सकेन।
