कतारले इजरायली प्रधानमन्त्रि बेन्जामिन नेतान्याहूले संयुक्त राष्ट्रसंघको ८१औँ महासभामा लगाएका आरोपहरू अस्वीकार गरेको छ। विदेश मन्त्रालयका प्रवक्ता माजेद अल-अन्सारीले कतारले इजरायलविरुद्ध जनमत प्रभावित गर्न कुनै अभियान चलाईरहेको आरोप निराधार भएको बताएका छन्। उनले भने कि इजरायलले कब्जा गरेको प्यालेस्तिनी क्षेत्रमा भएका क्रियाकलाप र त्यसले उत्पन्न गरेको मानवीय परिणामबाट ध्यान हटाउन यस्तो बयानबाजी गरिएको हो।
९ असोज, दोहा (रासस/एएनआई) – कतारले इजरायली प्रधानमन्त्री नेतान्याहूले महासभामा कतारविरुद्ध लगाएका आरोपहरू अस्वीकार गर्दै यसलाई इजरायलको कार्यबाट ध्यान हटाउने प्रयासका रूपमा व्याख्या गरेको छ। अल-अन्सारीले सामाजिक सञ्जाल एक्समा नेतान्याहूका आरोपहरू स्पष्ट रूपमा अस्वीकार गर्दै भनेका छन् कि कतारले इजरायलविरुद्ध कुनै अभियान चलाइरहेको छैन।
उनीहरूले भने, “विश्वव्यापी जनमत, विशेष गरी युवाहरूमा आएको परिवर्तनलाई कुनै ‘प्रभाव अभियान’को परिणामको रूपमा हेर्नु उनीहरूको चेतना र निर्णय क्षमतालाई अपमान गर्ने कुरा हो।” उनले थपे, “यदि विश्वले इजरायललाई फरक दृष्टिले हेर्न चाहन्छ भने इजरायली नेताहरूले आफ्ना नीतिमा परिवर्तन गर्नुपर्छ।” कतारको यो प्रतिक्रिया नेतान्याहूले महासभामा कतार र टर्कीको नाम लिँदै इजरायलविरुद्ध झूटा प्रचार गर्न धेरै विदेशी मुलुकहरूले ठूलो रकम खर्च गरिरहेको आरोप लगाएपछि आएको हो।
