नेपाली १८ सदस्यीय युवा तेक्वान्दो टोली प्रह्लाद थापाको नेतृत्वमा २०२६ हाइनान सिङलोङ अन्तर्राष्ट्रिय युवा तेक्वान्दो खुला च्याम्पियनसिपमा भाग लिन चीन पुगेको छ। वानिङ नगरपालिका सरकार र हाइनान तेक्वान्दो संघको संयुक्त आयोजनामा प्रतियोगिता शुक्रबारदेखि आइतबारसम्म वानिङ सहर, हाइनान प्रान्त, चीनमा हुँदैछ।
प्रतियोगितामा नेपाली टोली प्रह्लाद थापाको नेतृत्वमा सहभागी हुँदैछ। टोलीमा दीपेश मानन्धर, प्रविण श्रेष्ठ, ओम भण्डारी, सोया चक्रधर, सृष्टि विक, केनिस खड्का, अवन्तिका झा, सान्वी शर्मा, अवानशिखा गुप्ता, श्रेयश तिवारी, सुविन सापकोटा, निर्भिघ्न घिमिरे, मोहम्मद सामी, सुजल लो तामाङ, प्रिन्स बोगटी, शुभम रायमाझी र सृष्टि शेर्पा रहेका छन्।
नेपाली टोलीलाई नेपाल तेक्वान्दो संघका उपाध्यक्ष भानबहादुर चन्द, महासचिव हेमन्त डाँगी, केन्द्रीय सदस्य तथा अन्तर्राष्ट्रिय निर्णायक बब्लु सिवाकोटी, कविराज नेगी लामा लगायतले बिदाइ गरेका थिए। टोलीमा विभिन्न उमेर समूहका खेलाडीहरू छन्, जसमा सन् २०१७ मा जन्मिएकी अवानशिखा गुप्ता सबैभन्दा कम उमेरकी खेलाडी हुन्।
सम्बन्धित खबर
