२० औं एसियन गेम्स अन्तर्गत पुरुष म्याराथनमा नेपालका बहादुर खड्काले २ घण्टा २३ मिनेट ४२ सेकेन्डमा दौड पूरा गरी अन्तिम स्थान लिएका छन्। जापानका इचिटाका यामाशिताले २ घण्टा १० मिनेट ४९ सेकेन्डमा दौड समाप्त गरी स्वर्ण पदक जितेका छन्। भारतका सावन बरवाल दोस्रो र चीनका फेङ पेइयु तेस्रो स्थानमा पुगेका छन्।
पहिलो पटक एसियन गेम्समा सहभागिता जनाएका खड्काले करिब चार दशक पुरानो बैकुण्ठ मानन्धरको कीर्तिमान तोड्ने लक्ष्य राखेका थिए, तर सफल हुन सकेनन्। १० असोज, काठमाडौं । २० औं एसियन गेम्स अन्तर्गत पुरुष म्याराथनमा नेपालका बहादुर खड्काले अन्तिम स्थानमा रहेर दौड सम्पन्न गरेका छन्। उनले निर्धारित दूरी २ घण्टा २३ मिनेट ४२ सेकेन्डमा पूरा गरेका हुन्। विजेता जापानका इचिटाका यामाशिताभन्दा उनी १२ मिनेट ५३ सेकेन्ड पछि रहे।
जापानका यामाशिताले २ घण्टा १० मिनेट ४९ सेकेन्डमा दौड सकेर स्वर्ण पदक जितेका छन्। भारतका सावन बरवाल ४८ सेकेन्ड पछि दोस्रो स्थानमा रहेका छन् भने चीनका फेङ पेइयु १ मिनेट २४ सेकेन्ड पछि तेस्रो स्थानमा छन्।
पहिलो पटक एसियन गेम्समा सहभागी भएका खड्काले करिब ४ दशक पुरानो बैकुण्ठ मानन्धरको कीर्तिमान तोड्ने लक्ष्य राखेका थिए, तर त्यो सफल भएन। मानन्धरले सन् १९८७ मा भारतको कोलकाता मा भएको तेस्रो दक्षिण एसियाली खेलकुदमा २ घण्टा १५ मिनेट ०३ सेकेन्डको कीर्तिमान कायम गरेका थिए। धेरैले म्याराथनमा मानन्धरको कीर्तिमान तोड्ने प्रयास गरेका छन्, तर अहिलेसम्म कसैले सफल भएका छैनन्।
सम्बन्धित खबर
