१४ असोज, काठमाडौं । नेपाली क्रिकेट टोलीका बाँयाहाते स्पिनर ललित राजवंशी आईसीसी टी-२० आई बलिङ वरीयतामा ३८ स्थानले उक्लिएका छन्। आईसीसीले बुधबार प्रकाशित गरेको नयाँ वरीयताअनुसार ललित ३८ स्थान माथि पुगेका छन् र उनी हाल ८०औं स्थानमा छन्। उनको रेटिङ अंक ४६८ रहेको छ। जापानमा सम्पन्न एसियन गेम्समा नेपालले दुई खेल मात्र खेलेको थियो, जसमा एक खेलमै मात्र ललितले बलिङ गरेका थिए। अफगानिस्तानसँगको खेलमा ललितले ४ ओभरमा १३ रन दिएर ३ विकेट लिएपछि उनको वरीयतामा सुधार आएको छ। बलिङ वरीयतामा सन्दीप लामिछाने दुई स्थान उक्लेर ४७औं स्थानमा पुगेका छन् भने दीपेन्द्रसिंह ऐरी एक स्थान उक्लेर ५९औं स्थानमा छन्। टी-२० आई अलराउन्डर वरीयतामा दीपेन्द्र चौथो स्थानमा यथावत् कायम छन्।
