१६ असोज, काठमाडौं । हङकङमा आयोजना हुन लागेको हङकङ सिक्सेस क्रिकेट प्रतियोगिताको समूह विभाजनसहित खेल तालिका सार्वजनिक गरिएको छ। आयोजकले शुक्रबार समूह विभाजन गर्दै प्रतियोगिताको खेल तालिका समेत सार्वजनिक गरेका छन्। सहभागी १२ टोलीलाई ४ वटा समूहमा विभाजन गरिएको छ। समूह ‘ए’ मा अस्ट्रेलिया, इंग्ल्यान्ड र हङकङ रहेका छन् भने समूह ‘बी’ मा बंगलादेश, स्कटल्यान्ड र श्रीलंका छन्। समूह ‘सी’ मा भारत, पाकिस्तान र यूएई रहेका छन् भने समूह ‘डी’ मा दक्षिण अफ्रिका, ओमान र अफगानिस्तानले स्थान पाएका छन्। पहिलो दिन पहिलो खेलमा अस्ट्रेलिया र हङकङको भिडन्त हुनेछ। त्यसै दिन अन्य ९ खेल पनि सम्पन्न हुनेछन्। नेपाल यसपटक प्रतियोगितामा सहभागी छैन। हङकङ सिक्सेसकै समयमा नेपालमा राष्ट्रिय प्रिमियर लिग (एनपीएल) को तेस्रो संस्करण आयोजना हुन लागेको कारण नेपाल सहभागी हुन सकेन। प्रतियोगिता अक्टोबर ३० देखि नोभेम्बर १ सम्म तीन दिनसम्म हङकङको तिनकोङ रोड रिक्रिएसन ग्राउन्डमा सञ्चालन हुनेछ। नेपालले यसअघि दुई संस्करणमा सहभागिता जनाएको थियो।
हङकङ सिक्सेस क्रिकेटका खेलहरू ६ ओभरको मात्र हुन्छन् र प्रत्येक टोलीमा ६ जना खेलाडी हुन्छन् जसको लक्ष्य हरेक बलमा छक्का प्रहार गर्नु हो। यसै कारण प्रतियोगिताको नाम ‘सिक्सेस’ राखिएको हो। यो खेलका लागि मैदान सानो हुन्छ र बॉलर र विकेटकिपरबाहेक फिल्डरहरू ४ जना मात्र हुन्छन्। ६ जना मात्र खेल्ने भएकाले बल्लेबाजहरूले हरेक बलमा ठूलो प्रहार गर्न प्रेरित हुन्छन्। बल्लेबाजी र बलिङमा आकर्षक नियमहरू लागू हुन्छन्। बल्लेतले ५० रन बनाएपछि स्वतः रिटायर हुनुपर्छ र अन्तिम विकेट बाँकी हुँदा मात्र फेरि खेलमा फर्कन पाउँछन्। पाँच विकेट गुमाइसकेपछि पनि एकजना बल्लेबाज एक्लै खेल्न सक्छन् र रनिङमा सहायताका लागि अर्का खेलाडी क्रिजमै बस्छन्। बलिङमा पनि विकेटकिपर बाहेक सबैले बलिङ गर्नुपर्छ र कुनै एक खेलाडी अधिकतम २ ओभर मात्र बलिङ गर्न पाउँछन्। प्रतियोगितामा विशेष गरी अन्तर्राष्ट्रिय क्रिकेटबाट सन्यास लिइसकेका खेलाडीहरूलाई समेटेर टोली पठाइन्छ। ६ जना मात्र खेलाडी हुने भएकाले ब्याटिङ र बलिङ दुवैमा सक्षम खेलाडीको छनोटमा विशेष ध्यान दिइन्छ।
