Skip to main content
Advertisement1200×100-inside-1
Advertisement1200×100-blank-1
Advertisementxtreme adv

डोनल्ड ट्रम्पको रात्रिभोजमा गोली चलाउने युवक पक्राउ, घाइते सुरक्षाकर्मीको उपचार भइरहेको छ

Advertisement800×200-1

अमेरिकी राष्ट्रपति डोनल्ड ट्रम्प ह्वाइट हाउसमा संवाददाताहरूसँगको रात्रिभोजको क्रममा गोली चलाउने संदिग्ध व्यक्ति पक्राउ परेका छन्। रात्रिभोज चलिरहेको बेलामा नजिकै गोली चलिदा सुरक्षा अधिकारीहरूले चारैतिर घेरा हालेर ट्रम्पलाई हल बाहिर लगाएका थिए। अमेरिकी सीक्रेट सर्भिसले धेरैजसो हतियार बोकेको व्यक्तिलाई नियन्त्रणमा लिएको ट्रम्पले बताएका छन्। पक्राउ परेका व्यक्तिको तस्विर राष्ट्रपति ट्रम्पले सामाजिक सञ्जालमार्फत सार्वजनिक गरेका छन्।

घटनापछि पत्रकारहरूसँग प्रतिक्रिया दिँदै ट्रम्पले राजनीतिलाई सबैभन्दा जोखिममय पेशा भएको बताए। “मलाई लाग्दछ, यसभन्दा खतरनाक अरू कुनै पेशा छैन्,” उनले भने, “कुनै पनि देश यसबाट अछुतो छैन।” गोली चलाएको आरोपमा पक्राउ परेका व्यक्ति क्यालिफोर्नियाका ३१ वर्षीय युवक रहेको अधिकारीहरूले बताएका छन्। उनी रात्रिभोज भइरहेको होटलमै बसेको वाशिङ्टन डीसीका प्रहरी प्रमुखले जानकारी दिएका छन्।

अधिकारीहरूले भनेका छन् कि उनलाई सोमबार अदालतमा पेश गरिनेछ। सीक्रेट सर्भिसका एक अधिकारी नजिकबाट लागेको गोलीले घाइते भएका छन्। तर बुलेटप्रुफ भेस्ट लगाएको कारण उनी बच्न सफल भएको ट्रम्पले ह्वाइट हाउसमा बताएका छन्। उनको उपचार भइरहेका अस्पतालमा सुरक्षा अधिकारीहरू पुगेका छन्। अधिकारीहरूले बन्दुकधारी कसरी त्यति नजिक पुग्न सके भन्ने बारे होटलका भिडियोहरूको विश्लेषण गरिरहेका छन्।


Advertisementadv-800×200.png

सम्बन्धित खबर