Skip to main content
Advertisement1200×100-inside-1
Advertisement1200×100-blank-1
Advertisementxtreme adv

नेकपा एमालेमा पुनर्गठनका लागि सुझाव सङ्कलन कार्यतालिका तय

Advertisement800×200-1

नेकपा एमालेले पार्टी पुनर्गठनका लागि आगामी ३० जेठदेखि १९ असारसम्म प्रदेशगत रूपमा सुझाव सङ्कलन गर्ने योजना बनाएको छ। उपाध्यक्ष रामबहादुर थापाको नेतृत्वमा गठन गरिएको कार्यदलले सुझाव सङ्कलनका लागि कार्यतालिका तयार गरेको हो। यस कार्यक्रममा सम्बन्धित क्षेत्रका केन्द्रीय सदस्य, प्रदेश र जिल्ला पदाधिकारीहरू सहभागी हुनेछन्।

२६ जेठ, काठमाडौं। नेकपा एमालेको पुनर्गठनका लागि सुझाव प्रदेशगत रूपमा सङ्कलन गरिने भएको छ। उपाध्यक्ष रामबहादुर थापाको नेतृत्वमा गठन गरिएको कार्यदलको आज बैठक बसेको थियो। बैठकले प्रदेशगत रूपमा सुझाव सङ्कलन गर्न कार्यतालिका तय गरेको छ। महासचिव शंकर पोखरेलका अनुसार ३० जेठमा बागमती, २ असारमा कोशी, ४ असारमा लुम्बिनी, ६ असारमा सुदूरपश्चिम, ८ असारमा कर्णाली, १३ असारमा मधेश र १६ असारमा राजधानी प्रदेशमा सुझाव सङ्कलन हुनेछ। १७ असारमा सम्पर्क समन्वय, १८ असारमा जनसंगठन, र १९ असारमा विभाग प्रमुख र पदाधिकारीहरूबाट सुझाव सङ्कलन गरिनेछ। सुझाव सङ्कलन भेलामा सम्बन्धित भूगोलमा रहेका केन्द्रीय सदस्य, प्रदेश पदाधिकारी र जिल्लाका पदाधिकारीहरू सहभागी हुनेछन्। सुझाव सङ्कलन कार्यको सदस्य सचिव महासचिव पोखरेल रहने निर्णय गरिएको छ।


Advertisementadv-800×200.png

सम्बन्धित खबर