१२ असोज, काठमाडौं । दशौं राष्ट्रिय खेलकुद आगामी मंसिर १६ देखि २७ सम्म कर्णाली प्रदेशमा आयोजना हुँदैछ । शिक्षा तथा खेलकुद मन्त्रालयले यसअघि नै दशौं राष्ट्रिय खेलकुद कर्णाली प्रदेशका विभिन्न जिल्लामा गर्ने निर्णय गरिसकेको छ । राष्ट्रिय खेलकुद परिषद् (राखेप)ले दशौं राष्ट्रिय खेलकुदमा ३२ वटा खेल समावेश गर्ने निर्णय गरेको छ । यसअघि २०७९ मा गण्डकी प्रदेशमा सम्पन्न नवौं राष्ट्रिय खेलकुदमा ३६ वटा खेल र २ वटा प्रदर्शनी खेल समावेश गरिएको थियो । ट्राईथेलेन र प्याराग्लाइडिङ जस्ता खेलहरूलाई यसपटक हटाइएको छ भने पहिलेनै समावेश नभएको ईस्पोर्ट्स यसपटक थपिएको छ ।
दशौं राष्ट्रिय खेलकुदमा समावेश खेलहरू : आर्चरी, एथलेटिक्स, ब्याडमिन्टन, बास्केटबल, शारीरिक सुगठन, बक्सिङ, बुद्धिचाल, क्रिकेट, साइकलिङ, फुटबल, फुल कन्ट्याक्ट कराते, जिम्न्यास्टिक, ह्यान्डबल, हक्की, आई.टी.एफ. तेक्वान्दो, जुडो, कबड्डी, कराते, खो–खोर, ग्बी ७ ए साइड, सुटिङ, स्क्वास, पौडी, टेबल टेनिस, तेक्वान्दो, टेनिस, भलिबल, भारोत्तोलन, कुस्ती, उसुई–स्पोर्ट्स, सेपाकताक्रो।
