Skip to main content
Advertisement1200×100-inside-1
Advertisement1200×100-blank-1
Advertisementxtreme adv

अस्ट्रेलियामा कार्डद्वारा भुक्तानी गर्दा थप शुल्क हटाइने

Advertisement800×200-1

१४ असोज, सिड्नी । अस्ट्रेलियामा डेबिट वा क्रेडिट कार्डमार्फत सामान किन्ने र भुक्तानी गर्दा लाग्ने थप शुल्क आगामी अक्टोबरदेखि पूर्ण रूपमा हटाइने भएको छ। अस्ट्रेलियाका प्रधानमन्त्री एन्थोनी अल्बानीजले कार्ड प्रयोग गर्दा उपभोक्ताले थप शुल्क तिर्नुपर्ने बाध्यता अन्त्य गर्ने घोषणा गरेका छन्। यो नियम सन् २०२६ को अक्टोबर १ देखि लागू हुनेछ। नयाँ व्यवस्थाअनुसार पसल, क्याफे वा रेस्टुरेन्टमा सामानको जति मूल्य तोकिएको छ, कार्डबाट भुक्तानी गर्दा पनि त्यति नै रकम मात्र कटौती गरिनेछ।

प्रधानमन्त्री अल्बानीजले सामाजिक सञ्जालमा भनेका छन्, ‘कार्ड सरचार्जका कारण तपाईंले किनेको कफीको मूल्य त्यसको वास्तविक मूल्यभन्दा बढी हुनु हुँदैन।’ सरकारका अनुसार अक्टोबरदेखि भिसा, मास्टरकार्ड र एफ्टपोस नेटवर्कबाट हुने सबै कार्ड भुक्तानीमा सरचार्ज लगाउन प्रतिबन्ध लगाइनेछ। यो नियम लागू भएपछि अस्ट्रेलियाका उपभोक्ताले वार्षिक करिब १.६ अर्ब डलर सरचार्ज तिर्नबाट बच्ने सरकारी अनुमान छ। यसै गरी, साना व्यवसायहरूको सञ्चालन लागतमा पनि वार्षिक करिब ९१ करोड डलरको कमी आउने अपेक्षा गरिएको छ। पछिल्लो समयमा दैनिक जीवनयापनको महँगाई बढिरहेका बेला सर्वसाधारणलाई आर्थिक दबाबबाट केहि राहत दिन सरकारले यो नीति ल्याएको जनाएको छ।


Advertisementadv-800×200.png

सम्बन्धित खबर