लेखक: space4knews

बैतडीको मेलौलीमा इलाका प्रशासन कार्यालय स्थापना गरिएको छ। सुदूरपश्चिम प्रदेश सरकारका उद्योग, पर्यटन, वन तथा वातावरण मन्त्री शिवराज भट्टले उक्त कार्यालयको उद्घाटन गरेका छन्। यस कार्यालयले मेलौली नगरपालिका, पञ्चेश्वर गाउँपालिका, शिवनाथ गाउँपालिका र पाटन नगरपालिकाका नागरिकहरूलाई सरल, छरितो सेवा प्रदान गर्नेछ। २४ वैशाख, बैतडी।

मेलौली नगरपालिका–१ मा स्थापना गरिएको यस इलाका प्रशासन कार्यालयको उद्घाटन सुदूरपश्चिम प्रदेशका मन्त्री शिवराज भट्टले गरेका हुन्। उद्घाटन समारोहका क्रममा मेलौली–७ का दीपक अवस्थीलाई नागरिकता प्रमाणपत्र वितरण गरी कार्यालयको सेवा प्रारम्भ गरिएको छ।

यस कार्यालय सञ्चालनमा आएसँगै मेलौली नगरपालिका, पञ्चेश्वर गाउँपालिका, शिवनाथ गाउँपालिका तथा पाटन नगरपालिकाका केही वडाका नागरिकहरूले प्रत्यक्ष लाभ उठाउने अपेक्षा गरिएको छ। कार्यक्रममा प्रमुख जिल्ला अधिकारी डा. डिजन भट्टराईले स्थानीय नागरिकलाई छिटो, सहज र सञ्चालनयोग्य सेवा प्रदान गर्ने लक्ष्यका साथ कार्यालय स्थापना गरिएको बताए।

डा. भट्टराईले अब सामान्य प्रशासनिक कामका लागि सदरमुकाम जानुपर्ने बाध्यता क्रमशः हट्ने विश्वास व्यक्त गरे। स्थानीयवासी करन सिंह नेगीले नागरिकता तथा राष्ट्रिय परिचयपत्रसम्बन्धी प्रक्रियाका लागि सदरमुकाम जानुपर्ने समस्या अब अन्त्य हुने बताए। इलाका प्रशासन कार्यालयका प्रमुख महेश भट्टले सेवा प्रवाहलाई अझ प्रभावकारी बनाउने प्रतिबद्धता व्यक्त गरेका छन्।

वाणिज्य, आपूर्ति तथा उपभोक्ता संरक्षण विभागले काठमाडौंका तीन व्यावसायिक फर्महरूलाई उपभोक्ता हितविपरीत कार्य गरेको आरोपमा ७५ हजार रुपैयाँ जरिवाना तिराएको छ। लुगा जुत्ता प्रालिलाई ५० हजार, श्रेष्ठ कस्मेटिक्स शपलाई १५ हजार र पूजा शृङ्गारलाई १० हजार रुपैयाँ जरिवाना गरिएको विभागले जनाएको छ।

२४ वैशाख, काठमाडौं। वाणिज्य, आपूर्ति तथा उपभोक्ता संरक्षण विभागले बजार अनुगमनको क्रममा उपभोक्ता हित विपरीत कार्य गर्ने तीन व्यावसायिक फर्मलाई कुल ७५ हजार रुपैयाँ जरिवाना तिराएको छ। विभागले बिहीबार काठमाडौंका विभिन्न स्थानमा गरेको अनुगमन क्रममा उपभोक्ता संरक्षण ऐन २०७५ र नियमावली २०७६ अनुसार निर्देशन पालना नगर्ने र अनुचित व्यापारिक क्रियाकलापमा संलग्न फर्महरूलाई कारबाही गरेको हो।

काठमाडौं महानगरपालिका–२६ गोङ्गबुस्थित लुगा जुत्ता प्रालिलाई ५० हजार रुपैयाँ जरिवाना गरिएको विभागले जनाए। त्यसैगरी नयाँ बानेश्वरस्थित श्रेष्ठ कस्मेटिक्स शपलाई १५ हजार र गोङ्गबुस्थित पूजा शृङ्गारलाई १० हजार रुपैयाँ जरिवाना गरिएको छ। अनुगमन क्रममा विभागले अन्य १० उद्योग तथा फर्मलाई सामान्य निर्देशनसमेत प्रदान गरेको छ।

अख्तियार दुरुपयोग अनुसन्धान विभागले पोखरा विमानस्थल निर्माणमा भ्रष्टाचारको आरोपमा नयाँ मुद्दा दर्ता गरेको छ। यस मुद्दामा केहि पूर्वमन्त्रीहरूलाई विपक्षी बनाएर विशेष अदालतमा सुनुवाइ प्रक्रिया अघि बढाइएको छ। यसअघि पनि अख्तियारले सोही भ्रष्टाचारविरुद्ध मुद्दा दर्ता गरिसकेको छ। २४ वैशाख, काठमाडौं।

पोखरा विमानस्थल निर्माणसम्बन्धी भ्रष्टाचारको आरोपमा अख्तियार दुरुपयोग अनुसन्धान विभागले नयाँ मुद्दा दर्ता गरेको छ। अख्तियारका स्रोतका अनुसार, केही पूर्वमन्त्रीहरूलाई विपक्षी बनाएर दर्ता गरिएको यस मुद्दा हाल विशेष अदालतमा सुनुवाइ प्रक्रियामा छ। यसअघि पनि पोखरा विमानस्थल निर्माणसम्बन्धी भ्रष्टाचारविरुद्ध अख्तियारले मुद्दा दर्ता गरिसकेको छ।

गत २१ मंसिरमा पाँच मन्त्रीसहितलाई विपक्षी बनाएर अख्तियारले भ्रष्टाचारको मुद्दा दर्ता गरेको थियो। त्यसपछि ८ चैतमा पनि पोखरा विमानस्थल निर्माणमा भएको भ्रष्टाचारविरुद्ध अर्को मुद्दा दर्ता गरिएको थियो। तत्कालीन पर्यटन सचिव केदारबहादुर अधिकारीसहित २१ जना व्यक्ति र दुई कम्पनीलाई तेस्रो पक्ष प्रतिवादी बनाएर मुद्दा चलाइएको थियो।

तेल अभिभस्त नेपाली राजदूतावासले इजरायल र साइप्रसबाट हुन्डीमार्फत नेपालमा रेमिट्यान्स नपठाउन बुधबार अनुरोध गरेपछि यस अवैध कारोबार पुनः चर्चामा आएको छ। अवैध भएता पनि विदेशमा रहेका धेरै नेपाली कामदारहरूले अहिलेसम्म पनि हुन्डीमार्फत रकम पठाइरहेका छन्। इजरायलका लागि कार्यवाहक नेपाली राजदूत ओमकुमार भण्डारीले हुन्डीबाट रकम पठाउनेहरूले समस्या भोग्नुपर्ने हुनाले आफूहरूले पुनः सचेत गराएको बताए। उनका अनुसार खासगरी अवैध रूपमा बसेका नेपाली कामदारहरूले अझै पनि हुन्डीमार्फत रेमिट्यान्स पठाइरहेको हुन सक्छ।

औपचारिक माध्यमबाट रेमिट्यान्स पठाउन अहिले सहज भएकाले हुन्डीबाट रकम पठाउने प्रवृत्ति घटेको हुनुपर्ने इजरायलमा कार्यरत केही नेपालीहरूले बताएका छन्। एक अर्थविद्ले हुन्डीमार्फत नेपाल भित्रिने रकममाथि केन्द्रीय बैंकले निगरानी थप कडा बनाउन आवश्यक रहेको बताएका छन्। नेपाली राजदूतावासले बुधबार अनौपचारिक माध्यमबाट गरिने कारोबारबारे सचेत गराउने सूचना जारी गरेको हो। दूतावासका अधिकारीहरूले यसअघि पनि यस प्रकारका विषयमा पटक–पटक सचेत गराउँदै आएको बताएका छन्।

“नेपाल सरकार (मन्त्रिपरिषद्) ले मिति २०८२ चैत १३ गते स्वीकृत गरेको शासकीय सुधारसम्बन्धी १०० कार्यसूचीको बुँदा नं. ४५ मा ‘इन्टिग्रेटेड डिजिटल एसेट रजिस्ट्री’ स्थापना गर्ने, जोखिममा आधारित संकेत प्रणाली लागू गर्ने तथा शंकास्पद कारोबारको पहिचान गरी सम्बन्धित निकायमार्फत अनुसन्धान प्रक्रिया अघि बढाउने उल्लेख छ,” सूचनामा भनिएको छ।

कार्यवाहक राजदूत भण्डारीका अनुसार इजरायलमा आधिकारिक रूपमा दर्ता भएका नेपालीको संख्या ६,५०० छ। “दर्ता नभएर अवैध रुपमा रहेका नेपालीको संख्या करिब दुई हजार रहेको अनुमान छ,” उनले भने। “त्यस्ता व्यक्तिहरूले हुन्डी वा अनौपचारिक माध्यमबाट रकम पठाएको हुन सक्छ। तर अनौपचारिक च्यानलको कुनै ठोस प्रमाण नभएकोले यो असजिलो छ,” भण्डारीले बताए।

२४ वैशाख, काठमाडौं । नेपाली कांग्रेसका निवर्तमान कार्यवाहक सभापति पूर्णबहादुर खड्काले प्रधानन्यायाधीश नियुक्तिको झण्डै चार दशक लामो स्थापित परम्परालाई संवैधानिक परिषद्ले अवमूल्यन गर्न नहुने बताए। प्रधानन्यायाधीश नियुक्तिका लागि परिषद्को बैठक बस्न लागेको अवस्थामा बिहीबार सामाजिक सञ्जाल फेसबुकमार्फत उनले नियुक्तिको स्थापित परम्पराप्रति सरकारको ध्यान आकृष्ट गराएका छन्। ‘संवैधानिक परिषद्का अध्यक्ष सम्माननीय प्रधानमन्त्री बालेन्द्र शाहको अध्यक्षतामा परिषद्को बैठक आज बस्दैछ। जानकारी अनुसार सर्वोच्च अदालतको प्रधानन्यायाधीशको नियुक्ति आज हुने छ,’ खड्काले बताएका छन्, ‘करिब चार दशकदेखि कायम प्रधानन्यायाधीश नियुक्तिको स्थापित परम्परालाई परिषद्ले अवमूल्यन नगरोस्।’

प्रधानन्यायाधीश नियुक्तिको स्थापित परम्परालाई परिषद्ले तलमाथि गरे न्यायालयमा गम्भीर अस्थिरता आउने उनले बताए। ‘नत्र, ठूलो असुरक्षा र अनिश्चितताका कारण न्यायालयमा भयावह अस्थिरता निम्तिनेछ,’ खड्काले लेखेका छन्, ‘जसले हाम्रो स्थापित लोकतान्त्रिक प्रणालीमा बहुआयामिक नकारात्मक प्रभाव पार्न सक्ने खतरा छ। विशेष गरी परिषद्का अध्यक्षज्यूको गम्भीर ध्यानाकर्षण हुन आवश्यक छ।’

फोटो क्रेडिट : तस्वीर – एआई समाचार सारांश वैदेशिक रोजगारमा आकर्षक तलब दिने प्रलोभन देखाएर ठूलो रकम ठगी गरेको आरोपमा ५ जनालाई पक्राउ गरिएको छ। पक्राउ परेकाहरूले विभिन्न देशमा पठाउने भनेर विश्वास दिलाएर पीडितहरूबाट करोडौँ रुपैयाँ ठगी गरेको आरोप छ। उनीहरूलाई आवश्यक अनुसन्धानका लागि वैदेशिक रोजगार विभाग ताहाचल पठाइएको छ। २४ वैशाख, काठमाडौं। वैदेशिक रोजगारमा आकर्षक तलबको प्रलोभन देखाएर विभिन्न देशमा पठाउने भन्दै रकम ठगी गरेको आरोपमा पाँचजनालाई प्रहरीले पक्राउ गरेको छ। पक्राउ परेकामध्ये काठमाडौं तारकेश्वर नगरपालिका-८ का सुनसरी घर भएका ३२ वर्षीय राज कुमार तामाङ, काठमाडौं महानगरपालिका-१४ का दाङ घर भएका ३१ वर्षीय प्रकाश केसी, काठमाडौं गोकर्णेश्वर नगरपालिका-५ का काभ्रे घर भएका ३३ वर्षीय डिल्लीमान तामाङ, ललितपुर गोदावरी नगरपालिका-१४ का पाँचथर घर भएका ४७ वर्षीय श्रीहाङ एकतिन, र भक्तपुर मध्यपुर थिमी नगरपालिका-४ का स्याङ्जा घर भएका २८ वर्षीय नमुना भण्डारी रहेका छन्। राज कुमारले जापान पठाउने भन्दै एक पीडितबाट ११ लाख ५५ हजार रुपैयाँ, प्रकाशले अमेरिका पठाउने भन्दै १२ जना पीडितबाट ९३ लाख रुपैयाँ, डिल्लीमानले जापान पठाउने भन्दै दुई जना पीडितबाट १४ लाख ७५ हजार रुपैयाँ, श्रीहाङले दक्षिण कोरिया पठाउने भन्दै एक पीडितबाट १२ लाख २५ हजार रुपैयाँ, र नमुनाले मकाउ पठाउने भन्दै तीन जना पीडितबाट ५ लाख ५० हजार रुपैयाँ ठगी गरेको आरोप छ। पीडितहरूले रकम बुझाइसकेपछि उनीहरूसँग सम्पर्कविहीन भएपछि उजुरी गरेपछि उनीहरूलाई प्रहरीले पक्राउ गरेको हो। काठमाडौं उपत्यका अपराध अनुसन्धान कार्यालय, टेकुबाट खटिएको टोलीले राज कुमारलाई काठमाडौं कीर्तिपुरबाट, प्रकाशलाई काठमाडौं महानगरपालिका-२९ बाट, डिल्लीमानलाई काठमाडौं महानगरपालिका-१४ बाट मंगलबार, श्रीहाङलाई ललितपुर गोदावरी नगरपालिका-४ बाट, र नमुनालाई काठमाडौं महानगरपालिका-३ बाट बुधबार पक्राउ गरेको छ। उनीहरूलाई आवश्यक अनुसन्धान र कारबाहीका लागि वैदेशिक रोजगार विभाग ताहाचल काठमाडौं पठाइएको छ।

एसियाली विकास बैंकले पश्चिम एसियाको द्वन्द्वले गरिब र जोखिममा रहेका जनसंख्या सबैभन्दा बढी प्रभावित हुने जनाएको छ। एडीबीले पश्चिम एसियाको द्वन्द्वका कारण एसिया प्रशान्त क्षेत्रको आर्थिक वृद्धिदर ५.१ प्रतिशतबाट ४.७ प्रतिशतमा कम गरेको छ। एडीबीले सबैलाई अनुदान नदिई गरिबलाई लक्षित नगद सहायता दिन सरकारलाई सल्लाह दिएको छ। २४ वैशाख, समरकन्द (उज्बेकिस्तान)।

पश्चिम एसियामा जारी संकट लामो समयसम्म रहने अनुमान गर्दै एसियाली विकास बैंक (एडीबी) ले यसबाट गरिब तथा जोखिममा रहेका परिवारहरू सबैभन्दा बढी प्रभावित हुने बताएको छ। उज्बेकिस्तानको समरकन्दमा आयोजित ५९औं वार्षिक सम्मेलनमा एडीबीका प्रमुख अर्थशास्त्री डा. अल्बर्ट एफ पार्कले पश्चिम एसियाको युद्ध केवल अस्थायी झटका नभई द्वन्द्वको लामो शृङ्खला (दिगो परिवर्तन) को दिशामा अघि बढेको बताएका छन्। यसले इन्धन मात्र नभई रासायनिक मल र अन्य धेरै वस्तुको मूल्य बढाएको र यसबाट गरिब र वञ्चित परिवारहरू सबैभन्दा बढी पीडित भएको उनले बताए।

यस अवस्थामा सरकारले गरिब र जोखिममा रहेका परिवारलाई लक्षित गरी सहुलियत दिनुपर्ने उनको भनाइ छ। नेपालले त्यस्तो कुनै सहुलियत नदिएको र नेपालमा इन्धनको मूल्य दक्षिण एसियामै सबैभन्दा महँगो रहेको विषयमा उनले भने, सबैभन्दा जोखिममा रहेका समूहका लागि काम गर्नु सरकारको दायित्व हो। ‘यो बेलामा आवश्यक परेका जनतालाई राहत दिन चुनौतीपूर्ण छ, तर सबैभन्दा जोखिममा रहेका जनतालाई सहयोग गर्न सरकारले स्रोत परिचालन गर्नैपर्छ,’ एडीबीका प्रमुख अर्थशास्त्री पार्कले बताए।

पश्चिम एसियामा जारी द्वन्द्वका कारण एसिया प्रशान्त क्षेत्रको आर्थिक वृद्धि दरमा पुनः कटौती गरिएको छ। एडीबीले नयाँ परिदृश्यका रूपमा सन् २०२६ र २०२७ दुवै वर्ष निरन्तर इन्धन आपूर्तिमा अवरोध आउने र कच्चा तेलको मूल्य २०२६ मा ९६ डलर प्रतिबारेल र २०२७ मा ८० डलर प्रतिबारेल रहने प्रक्षेपण गरेको छ। यसले बजारमा इन्धनको अभाव बढाएको छ भने स्पट मूल्य र फ्युचर्स मूल्यबीच ठूलो अन्तर देखिएको छ।

एडीबीका प्रमुख अर्थशास्त्री पार्कका अनुसार युद्धविराम भए पनि स्ट्रेट अफ होर्मुजबाट हुने ढुवानी गत द्वन्द्वपूर्वको अवस्थामा फर्कन सकेको छैन। विशेष गरी कच्चा तेल, एलपीजी, एलएनजी र कन्टेनर जहाजहरूको आवागमनमा गम्भीर असर परेको छ। एडीबीले दक्षिण एसियाका लागि अर्काे चिन्ताजनक स्थिति प्रस्तुत गरेको छ। दक्षिण एसियाली देशहरूले प्रयोग गर्ने रासायनिक मलको ३५ प्रतिशत हिस्सा पश्चिम एसियाबाट आउने गर्दै आएको छ।

नेपालमा असारदेखि सुरु हुने धानको मुख्य रोपाइँका लागि आवश्यक मल उपलब्ध छैन। नेपालले भारतसँग रासायनिक मल सुनिश्चित गर्न अनुरोध गरेको भए पनि भारत आफैंमा समस्या भएकाले ती मलहरू आउने वा नआउने निश्चित नभएको बताइएको छ। यसले खाद्य सुरक्षामा दीर्घकालीन प्रभाव पार्ने सम्भावना बढाएको छ।

काठमाडौं जिल्ला अदालतले २०७६ असोज १ गते जन्मकैद सजाय सुनाएका फरार धीरज मोतिधन राईलाई प्रहरीले काभ्रे पाँचखाल नगरपालिका-७ बाट पक्राउ गरेको छ। धीरज मोतिधन राई गत भदौ २४ गते जेनजी आन्दोलनको क्रममा केन्द्रीय कारागार सुन्धाराबाट फरार भएका थिए। उनलाई आवश्यक कारबाहीका लागि केन्द्रीय कारागार जगन्नाथदेवल सुन्धारामा पठाइएको छ। २४ वैशाख, काठमाडौं।

कर्तव्य ज्यान मुद्दाका फरार प्रतिवादी काभ्रे पाँचखाल नगरपालिका-७ बस्ने र खोटाङ जिल्लाका ४३ वर्षीय धीरज मोतिधन राईलाई मंगलबार प्रहरीले पक्राउ गरेको छ। जिल्ला अदालत काठमाडौंले २०७६ असोज १ गतेको फैसलाले उनलाई जन्मकैद सजाय सुनाएको थियो। कैद भुक्तानीका लागि केन्द्रीय कारागार सुन्धारामा राखिएका उनी भदौ २४ गते जेनजी आन्दोलनको क्रममा फरार भएका थिए। फरार रहेका उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काभ्रे पाँचखाल नगरपालिका-७ शिखरपुरबाट पक्राउ गरेको हो। उनीलाई आवश्यक कारबाहीका लागि केन्द्रीय कारागार जगन्नाथदेवल सुन्धारामा पठाइएको छ।

इलामको सन्दकपुर गाउँपालिका–२ माइमझुवा क्षेत्रस्थित तालपोखरी जंगलमा मानव कंकाल फेला परेको छ। प्रहरीले गरेको अनुसन्धान अनुसार शवको टाउको र खुट्टामा मात्र मासु बाँकी छ। शवसँगै नाम थर उल्लेख भएको एनएमबी बैंकको चेकबुक पनि भेटिएको छ भने प्रहरीले यसबारे छानबिन गरिरहेको छ। २४ वैशाख, इलाम।

सन्दकपुर पर्यटकीय क्षेत्रमा मानव कंकाल फेला परेको घटनाबारे बुधबार गाईगोरू चराउन जानेहरूले शव देखेका थिए। उनीहरूको जानकारी मिलेर बिहीबार प्रहरीसहितको टोली सो स्थानमा पुगेको थियो। घटनास्थल पुगेका यातायात व्यवसायी पप्पु शिवाले भने, ‘टाउको र खुट्टामा मात्र मासु बाँकी छ, बाँकी सबै हाडखोर मात्रै भएको छ।’ जिल्ला प्रहरी कार्यालय इलामका सूचना अधिकारी डीएसपी लक्ष्मी भण्डारीले फेला परेको शवबारे प्रहरीले अनुसन्धान गरिरहेको बताएका छन्।

काठमाडौं महानगरपालिका–२७ जमलस्थित राष्ट्रिय नाचघर अगाडिको नालीमा एसएलआर बन्दुकका ६ राउन्ड गोली फेला परेको छ। काठमाडौं उपत्यका अपराध अनुसन्धान कार्यालयका अनुसार त्यहाँ चाचर २ पिस र एसएलआरको डमी गोली २ राउन्ड पनि भेटिएका छन्। प्रहरीले यस घटनासम्बन्धी थप अनुसन्धान भइरहेको जानकारी दिएको छ। २४ वैशाख, काठमाडौं। काठमाडौं महानगरपालिका–२७ स्थित जमल क्षेत्रमा एसएलआर बन्दुकका ६ राउन्ड गोली फेला परेको छ। राष्ट्रिय नाचघर अगाडिको नालीमा फेला परेको लाइभ गोलीहरूका बारेमा काठमाडौं उपत्यका अपराध अनुसन्धान कार्यालयले पुष्टि गरेको छ। यसैगरी, चाचर २ पिस र एसएलआरको डमी गोली २ राउन्ड पनि फेला परेको बताइएको छ। घटनाको अनुसन्धान जारी रहेको प्रहरीले जनाएको छ।