इंग्लिस प्रिमियर लिगको अन्तिम खेलमा आर्सनलले क्रिस्टल प्यालेसलाई २-१ गोल अन्तरले पराजित गरेको छ। खेलमा आर्सनलका गाब्रियल जेसस र नोनी माडुएकेले गोल गरेका थिए भने प्यालेसका जिन फिलिपे माटेटाले एक गोल फर्काएका थिए। जितसँगै आर्सनलले ३८ खेलबाट ८५ अंक जोडेको छ भने क्रिस्टल प्यालेस ४५ अंकसहित लिगको १५औं स्थानमा रहेको छ। १० जेठ, काठमाडौं।
शृंखलाको अन्तिम खेलमा आर्सनलले क्रिस्टल प्यालेसलाई हराउँदै आफ्नो सफलताको यात्रा थप मजबुत बनाएको छ। प्यालेसको आफ्नै घरेलु मैदानमा भएको खेलमा आर्सनलका लागि ४१औं मिनेटमा गाब्रियल जेससले गोल गर्दै टोलीलाई अग्रता दिलाए। ४७औं मिनेटमा नोनी माडुएकेले अर्को गोल गर्दै अग्रता दोब्बर बनाए। प्यालेसका जिन फिलिपे माटेटाले त्यसपछि एक गोल फर्काएर सान्त्वना दिए। यस जितसँगै आर्सनलले कुल ३८ खेलमा ८५ अंक जोडेको छ भने क्रिस्टल प्यालेस ४५ अंकसहित लिगको १५औं स्थानमा अडिग छ।
इंग्लिस प्रिमियर लिगको अन्तिम खेलमा सन्डरल्यान्डले चेल्सीलाई २-१ गोलअन्तरले पराजित गरेको छ। खेलमा सन्डरल्यान्डका ट्राइ हुमले एक गोल गरे भने चेल्सीका मालो गस्टोले आत्मघाती गोल गर्दा कोल पाल्मरले एक गोल फर्काए। जितपछि ५४ अंक जोडेको सन्डरल्यान्ड सातौं स्थानमा रहन सफल भयो भने ५२ अंकमा सीमित चेल्सी १०औं स्थानमा रह्यो।
१० जेठ, काठमाडौं। इंग्लिस प्रिमियर लिग फुटबलमा सन्डरल्यान्डले चेल्सीलाई २-१ गोलअन्तरले पराजित गरेको छ। आइतबार राति भएको सिजनको अन्तिम खेलमा सन्डरल्यान्डको जितमा ट्राइ हुमले एक गोल गर्दा एक गोल उपहार पाएको थियो। चेल्सीका कोल पाल्मरले एक गोल गरे। खेलको २४औं मिनेटमा हुमले गोल गर्दै सन्डरल्यान्डलाई अग्रता दिलाएका थिए। ४९औं मिनेटमा चेल्सीका मालो गस्टोबाट आत्मघाती गोल भएपछि सन्डरल्यान्डको अग्रता दोब्बर भयो। ५५औं मिनेटमा पाल्मरले गोल गर्दै खेलमा फर्काउने प्रयास गरेपनि पर्याप्त हुन सकेन। ६१औं मिनेटमा वेसले फोफाना रातो कार्ड पाउँदै मैदानबाट बाहिरिएपछि चेल्सी १० खेलाडीमा सीमित भएको थियो। जितपछि सन्डरल्यान्ड ३८ खेलमा ५४ अंकका साथ सातौं स्थानमा रहेर सिजन सकायो। चेल्सी ५२ अंकसहित १०औं स्थानमा रह्यो।
चिनियाँ एआई स्टार्टअप डिपसिकले आफ्नो फ्ल्यागसिप मोडल ‘भी४-प्रो’ को एपीआई शुल्कमा गरिएको ७५ प्रतिशत कटौतीलाई स्थायी रूपमा लागू गर्ने निर्णय गरेको छ। शनिबार एउटा आधिकारिक विज्ञप्ति जारी गर्दै कम्पनीले विशेष प्रमोशन अन्तर्गत दिइएको छुटलाई अब निरन्तरता दिने घोषणा गरेको हो। यसको अर्थ यो मोडलको प्रयोग शुल्क पहिलेको तुलनामा मात्र एक चौथाइ रहनेछ।
डिपसिकले आफ्नो भी४-प्रो मोडलमा हुवावे कम्पनीको ‘एसेन्ड ९५०’ चिप्स प्रयोग गरेर यसको कार्यक्षमता उच्च बनाएको छ। नयाँ मूल्य तालिका अनुसार, यो मोडलको एपीआई शुल्क प्रति १० लाख टोकनको आधारमा ०.०२५ युआनदेखि ६ युआनसम्म रहेको छ, जुन पहिले ०.१ युआनदेखि २४ युआनसम्म थियो। एआई क्षेत्रमा ‘टोकन’ शब्दले मोडलले प्रक्रिया गर्ने शब्द वा अक्षरको सानो एकाइलाई जनाउँछ।
हुवावेको एआई चिप्स बिक्रीमा अमेरिकी निर्यात नियन्त्रण नीतिको अप्रत्यक्ष फाइदा पुगिरहेको देखिन्छ, जसले अमेरिकी प्रविधि कम्पनी एनभिडियालाई चीनमा सबैभन्दा उन्नत सेमिकन्डक्टर बेच्न प्रतिबन्ध लगाएको छ। तथापि, चिप्स उत्पादनका उपकरणमा कडा प्रतिबन्धका कारण हुवावेलाई ‘एसेन्ड’ चिप्स उत्पादन वृद्धि गर्न केहि कठिनाइहरू भोग्नुपरेको छ। गत महिना डिपसिकले आफ्नो चौथो पुस्ताको ‘भी४’ मोडल सार्वजनिक गर्दा उच्च क्षमताको कम्प्युटिङ पावरको अभावका कारण प्रो संस्करणको उपलब्धता सीमित हुने र यसको मूल्य कम शक्तिशाली ‘फ्ल्याश’ संस्करणको तुलनामा १२ गुणा बढी हुने जानकारी दिएको थियो।
रुकुमपूर्वको पुथा उत्तरगंगा गाउँपालिका–१ मैकोट खोलामा निर्मित बेलिब्रिज आइतबारदेखि सञ्चालनमा आएको छ। गाउँपालिकाले आफ्नै आन्तरिक स्रोतबाट करिब १ करोड ५० लाख रुपैयाँको बजेटमा उक्त बेलिब्रिज निर्माण गरेको हो। बेलिब्रिज सञ्चालनमा आएसँगै वर्षायाममा स्वास्थ्य, शिक्षा र बजारसम्म पहुँचमा समस्या भोगिरहेका स्थानीय बासिन्दालाई सहजता मिल्ने भएको छ।
गाउँपालिका अध्यक्ष पुनिराज घर्तीमगरले एक कार्यक्रमका दौरान बेलिब्रिजको उद्घाटन गरेका छन्। बेलिब्रिज सञ्चालनपछि बर्खायाममा आवतजावत गर्न सर्वसाधारणलाई धेरै सहज भएको अध्यक्ष घर्तीमगरले जानकारी दिए। यो खोला पुथा हिमाल र ढालपानी क्षेत्रबाट बग्दै आएको सानीभेरी नदीको सहायक नदी हो। वर्षायाममा खोलाको बाढी बढेर तर्न कठिन हुँदा गाउँका नागरिकले स्वास्थ्य, शिक्षा र बजारसम्मको पहुँचमा गम्भीर समस्या भोग्नु परेको थियो। अब यी सबै समस्याबाट स्थानीयहरूले राहत पाउने स्थानीय पाना पुनले बताएका छन्।
इंग्लिस प्रिमियर लिगको अन्तिम खेलमा एस्टन भिल्लाले म्यान्चेस्टर सिटीलाई २–१ गोल अन्तरले हराएको छ। खेलको २४औं मिनेटमा सिटीका एन्टोइन सेमेन्योले अग्रता दिलाए तापनि भिल्लाका ओली वाट्किन्सले दुई गोल गर्दै टोलीलाई विजयी बनाएका छन्। यस हारपछि दोस्रो स्थानमा रहेको म्यान्चेस्टर सिटी ७८ अंकमा सीमित भएको छ भने एस्टन भिल्ला ६५ अंकसहित चौथो स्थानमा रहेको छ। १० जेठ, काठमाडौं। इंग्लिस प्रिमियर लिग सिजनको अन्तिम खेलमा म्यान्चेस्टर सिटीले घरेलु मैदानमा एस्टन भिल्लासँग पराजय व्यहोरेको छ। आइतबार राति सम्पन्न खेलमा सिटीलाई भिल्लाले २-१ गोलले हरायो। सुरुवाती अग्रता लिएका सिटीले त्यसलाई बचाउन सकेन। खेलको २४औं मिनेटमा एन्टोइन सेमेन्योले गोल गर्दै सिटीलाई अग्रता दिलाए। दोस्रो हाफमा भिल्लाका ओली वाट्किन्सले ४६औं र ६१औं मिनेटमा गोल गर्दै सिटीलाई पराजित बनाए। हारपछि दोस्रो स्थानमा रहेको सिटी ३८ खेलमा ७८ अंकमा सीमित रह्यो भने भिल्ला ६५ अंकसहित चौथो स्थानमा सिजन समाप्त भयो।
म्यान्चेस्टर युनाइटेडले ब्राइटनलाई ३–० को गोल अन्तरले पराजित गर्दै इंग्लिस प्रिमियर लिगको सिजन अन्त्य गरेको छ। युनाइटेडका तर्फबाट प्याट्रिक डोर्गु, ब्रायन एमबेउमो र ब्रुनो फर्नान्डेसले १–१ गोल गरे। यस जितसँगै युनाइटेड तालिकाको तेस्रो स्थानमा र ब्राइटन आठौँ स्थानमा रहँदै सिजन सकाएको छ। १० जेठ, काठमाडौं।
इंग्लिस प्रिमियर लिग फुटबलमा म्यान्चेस्टर युनाइटेडले ब्राइटनमाथि ३–० को सहज जित निकाल्यो। आइतबार राति भएको सिजनको अन्तिम खेलमा युनाइटेडले ब्राइटनलाई उसको घरमै पराजित गर्यो। युनाइटेडको जितमा प्याट्रिक डोर्गुले ३२औं मिनेटमा गोल गर्दै अग्रता दिलाए। ४३औं मिनेटमा ब्रायन एमबेउमोले गोल गर्दै अग्रता दोब्बर पार्यो। दोस्रो हाफको ४७औं मिनेटमा ब्रुनो फर्नान्डेसले गोल गर्दै ३–० को जित सुनिश्चित गरे। जितपछि युनाइटेड ३८ खेलमा ३१ अंकसहित तेस्रो स्थानमा रहँदै सिजन समाप्त गर्यो। ब्राइटन भने ५३ अंकसहित आठौँ स्थानमा रह्यो।
समाचार सारांश मधेशमा आठ वर्षदेखि सत्तामा रहेका मधेश केन्द्रित दल पहिलोपटक प्रतिपक्षी बनेका छन्। मधेश प्रदेशमा जसपा, जनमत र लोसपाले सरकार बनाउन नसकेपछि कांग्रेस नेतृत्वको गठबन्धनले सत्ता सम्हालेको छ। राजनीतिक विश्लेषकले मधेश केन्द्रित दल सत्ता स्वार्थमा केन्द्रित भएर जनताबाट समर्थन गुमाएको बताएका छन्। १० जेठ, जनकपुरधाम ।
मधेशमा आठ वर्षदेखि सत्ता चलाउँदै आएका मधेश केन्द्रित दलहरू पहिलोपटक प्रतिपक्षी अवस्थामा पुगेका छन्। कांग्रेस नेतृत्वको सरकारले जनता समाजवादी पार्टी (जसपा) लाई हटाएपछि मधेशको सत्ता पहिलोपटक मधेश केन्द्रित दलविहीन भएको छ। बिहीबार मधेशका मुख्यमन्त्री कृष्णप्रसाद यादवले जसपा नेपालबाट भौतिक पूर्वाधार मन्त्री राजकुमार गुप्ता, श्रम तथा यातायात मन्त्री मनिष सुमन र शिक्षा तथा संस्कृति मन्त्री रानीकुमारी तिवारीलाई बर्खास्त गरेका थिए। केही समय राजीनामाको लागि दिएर उनले यी मन्त्रीहरूलाई हटाउँदै नेकपा एमालेलाई सरकारमा सहभागी गराएका छन्।
२०७२ साल असोज ३ मा संविधान जारी भएपछि भएको पहिलो निर्वाचनले २०७४ मा सात प्रदेशमध्ये मधेशमा संघीय समाजवादी फोरमका लालबाबु राउत नेतृत्वको सरकार गठन गरेको थियो। सुरुमा फोरम र राष्ट्रिय जनता पार्टी नेपालले संयुक्त रूपमा आवश्यक ५४ सिटमध्ये ५५ सिट जितेका थिए। तर महन्थ ठाकुर नेतृत्वको लोसपा दुई वर्षपछि सरकारबाट बाहिर भयो। मधेश केन्द्रित दलकै प्रभावमा प्रदेश नं २ को नाम ‘मधेश प्रदेश’ राखिएको थियो। २०७९ मंसिरमा भएको दोस्रो प्रदेश निर्वाचनमा विगतको भाँति मधेश केन्द्रित दललाई बहुमत प्राप्त गर्न सकेन।
मधेश केन्द्रित दल प्रतिपक्षी भएर जिम्मेवार भएर काम गरे भविष्यमा अवसर मिल्न सक्ने बताउँछन्, तर सत्ता चाहना पूर्ण गर्न जे पनि गर्न पछि नपर्ने भएकाले त्यसबाट ठूलो आशा गर्न सकिंदैन।
चिनियाँ दूतावासले नेपाली पत्रकारलाई घुस उपलब्ध गराएर नेपाली राजनीतिज्ञविरुद्ध नकारात्मक समाचार लेख्न खोजिएको हल्लालाई चीनविरुद्ध योजनाबद्ध बदनाम प्रयास भएको भन्दै गम्भीर अनुसन्धानको माग गरेको छ। दूतावासले जारी गरेको वक्तव्यमा सामाजिक सञ्जालमा फैलाइएको हल्लामा संलग्न सबैलाई कानुनी कारबाही गर्न नेपाल सरकारसँग अनुरोध गरिएको छ। चीनले सधैं अरू देशको आन्तरिक मामिलामा हस्तक्षेप नगर्ने नीति पालना गर्दै नेपालको सार्वभौमसत्ता र राजनीतिक स्थिरतालाई समर्थन गरिरहेको उल्लेख छ।
नेपालस्थित चिनियाँ दूतावासले नेपाली पत्रकारलाई घुस दिई एक नेपाली राजनीतिज्ञविरुद्ध नकारात्मक सामग्री तयार पारिएको सामाजिक सञ्जालमा फैलिएको सूचना ‘चीनविरुद्ध योजनाबद्ध बदनामि’ भएकाले यससँग सम्बन्धित सबै व्यक्तिहरूमाथि कडाइका साथ कारबाही गर्न नेपाल सरकारलाई आग्रह गरेको छ। दूतावासका प्रवक्ताले जारी गरेको सूचनामा उक्त घटनाबारे गम्भीर, विस्तृत र निष्पक्ष अनुसन्धान गरी प्रत्यक्ष तथा अप्रत्यक्ष रूपमा संलग्न सबैलाई नेपाली कानुनअनुसार सजाय दिन अनुरोध गरिएको छ।
‘हामी सम्बन्धित नेपाली निकायहरूलाई यस हल्लाबारे गम्भीर, गहिरो र निष्पक्ष रूपमा अनुसन्धान गर्न र प्रत्यक्ष वा अप्रत्यक्ष रूपमा संलग्न व्यक्तिहरूलाई नेपाली कानुन अनुसार कडा कारबाही गर्न अनुकूल अनुरोध गर्दछौं,’ वक्तव्यमा भनिएको छ। सामाजिक सञ्जालमा केही दिनअघि एक चिनियाँ नागरिकले केही नेपाली सञ्चारकर्मीलाई निश्चित नेपाली राजनीतिज्ञविरुद्ध समाचार तयार गर्न आर्थिक प्रस्ताव गरेको दाबी सार्वजनिक भएको थियो। तथापि चिनियाँ दूतावासले ती आरोपहरूलाई पूर्णरूपमा अस्वीकार गर्दै यो चीनको छवि बिगार्न लक्षित नियोजित प्रचार भएको स्पष्ट पारेको छ।
दूतावासले चीनले सधैं ‘अर्को देशको आन्तरिक मामिलामा हस्तक्षेप नगर्ने सिद्धान्त’ पालना गर्दै आएको उल्लेख गर्दै आएको छ र नेपालको सार्वभौमसत्ता, राजनीतिक स्थिरता र आर्थिक विकासमा सहयोग गर्दै आएको दाबी गरेको छ। वक्तव्यमा दुई देशबीच साझा हितको संरक्षणका लागि सुरक्षा तथा कानुनी सहयोगलाई सुदृढ बनाउन तयार रहेको पनि उल्लेख गरिएको छ।
भारतको गोवामा हुने आठौं साफ महिला च्याम्पियनसिपको पहिलो खेलमा सोमबार नेपालले भुटानसँग प्रतिस्पर्धा गर्नेछ। कप्तान एन्जिला तुम्बापो सुब्बाले भनिन्, “हामीले धेरै फाइनल खेलिसकेका छौँ। यस पटक हामी उत्कृष्ट प्रदर्शनका लागि तयार छौँ र आगामी खेलहरूमा केन्द्रित छौँ।” राष्ट्रिय खेलकुद परिषद्ले अखिल नेपाल फुटबल संघमाथि गरेको निलम्बन फुकुवा गरेपछि नेपाली टोलीको साफ सहभागिता सुनिश्चित भएको छ। १० जेठ, काठमाडौं।
भारतको गोवा स्थित मर्गाओमा सोमबारदेखि सुरु हुने आठौं साफ महिला च्याम्पियनसिपका लागि नेपाली टोली तयार रहेको मुख्य प्रशिक्षक नविन न्यौपाने र कप्तान एन्जिला तुम्बापो सुब्बाले सार्वजनिक रूपमा बताएका छन्। च्याम्पियनसिप अघि आइतबार आयोजित पूर्व खेल सम्मेलनमा कप्तान र प्रशिक्षकले टोली तयारी अवस्थामा रहेको र पहिलो खेलमा फोकस गरिरहेको उल्लेख गरेका थिए।
साफ च्याम्पियनसिपमा तेस्रो पटक कप्तानी गर्दैछिन् एन्जिला, जसले टोली पूर्णरूपमा तयारी अवस्थामा रहेको बताइन्। उनले विगतमा नेपालले साफ र अन्य प्रतियोगिताहरूमा धेरै फाइनल खेले पनि उपाधि जित्न नसकेको तर यसपटक उत्कृष्टता प्रदर्शन गर्ने लक्ष्य रहेको भनिन्। ‘हाम्रो लक्ष्य ट्रफी जित्नु हो र हामी हाम्रो सर्वोत्तम प्रदर्शन दिनेछौँ।’ नेपालले अहिलेसम्म सात संस्करणमध्ये छ पटक फाइनल खेलेको छ र सबैमा पराजित भइसकेको छ।
मुख्य प्रशिक्षक नविन न्यौपानेले टोली राम्रो अवस्थामा रहेको र साफका लागि तयार रहेको बताए। राष्ट्रिय खेलकुद परिषद्ले अखिल नेपाल फुटबल संघ (एन्फा) लाई चैत ११ मा तीन महिनाका लागि निलम्बन गरेपछि साफ महिला च्याम्पियनसिपमा नेपालको सहभागिता अनिश्चित बनेको थियो। तर शिक्षामन्त्रीको पहलमा दुुई महिनाभित्रै निलम्बन फुकुवा भएपछि नेपाली महिला समूहको सहभागिता निश्चित बनेको हो।
१० जेठ, काठमाडौं । नेकपा एमालेका नेताहरूको कार्यविभाजन प्रस्ताव संशोधन गरी पारित गर्ने निर्णय भएको छ। आवश्यक छलफलपछि कार्यविभाजन टुंगो लगाउने जिम्मा महासचिव शंकर पोखरेल र अध्यक्ष केपी शर्मा ओलीलाई सुपुर्द गरिएको छ। ‘प्रस्तावित जिम्मेवारीप्रति असन्तुष्टि देखिएको छ। मिलाउनुपर्ने कुराहरू छन्,’ एक पदाधिकारीले भने, ‘महासचिवले थप गृहकार्य गरी सुझावहरू सँगालेर कार्यविभाजन प्रस्ताव टुंगो लगाउने भएको छ।’ एमाले नेताहरूको कार्यविभाजन अघि नै सार्वजनिक भइसकेको थियो। उपमहासचिव लेखराज भट्टले केन्द्रीय सदस्यहरूलाई आगामी चुनावमा केन्द्रित गर्न कार्यविभाजन गरिएको जानकारी दिएका थिए।
काठमाडौंको नरेफाँटमा १८ वर्षीय युवकमाथि धारिलो हतियार प्रहार गरेको आरोपमा प्रहरीले धनुषाका २८ वर्षीय धनराज यादवलाई पक्राउ गरेको छ। छुरा प्रहारबाट घाइते सिरहाका करणकुमार साहले ज्यान मार्ने उद्योग र डाँका कसुरमा नयाँ बानेश्वर प्रहरी वृत्तमा उजुरी दिएका थिए। प्रहरीका अनुसार रिसइबीका कारण मामाले बदला लिन शुक्रबार आफ्नै भान्जा साहमाथि आक्रमण गरेको प्रारम्भिक अनुसन्धानले देखाएको छ।
१० जेठ, काठमाडौं। काठमाडौं महानगरपालिका–३२ नरेफाँटमा दिउँसै एक युवकमाथि धारिलो हतियारबाट आक्रमण गरेको आरोपमा एक जनालाई पक्राउ गरिएको छ। पक्राउ पर्ने व्यक्ति धनुषा घर भई हाल ललितपुरको टिकाथली बस्ने धनराज यादव रहेको जिल्ला प्रहरी परिसर, काठमाडौंका एसपी पवन भट्टराईले जानकारी दिएका छन्। आक्रमणबाट सिरहाको कर्जन्हा नगरपालिका–१० घर भई नरेफाँट बस्ने १८ वर्षीय करणकुमार साह घाइते भएका थिए।
आफूमाथि आक्रमण भएको भन्दै ज्यान मार्ने उद्योग र डाँका गर्ने कसुरमा प्रहरी वृत्त नयाँ बानेश्वरमा उनले उजुरी दिएका थिए। उजुरी पछि प्रहरीले खोजी सुरु गरेको थियो। सोही घटनामा संलग्न रहेको भन्दै धनुषा नै घर भई टिकाथली बस्ने २८ वर्षीय धनराज यादवसहित परिचय नखुलेका ५/६ जनाको नाममा पनि प्रहरीमा उजुरी परेको थियो। घटनामा संलग्न अन्यलाई पनि खोजिरहेको प्रहरीले जनाएको छ।
घटना शुक्रबार दिउँसो २ बजेतिरको हो। छुरा आक्रमणबाट हात, ढाड, घाँटी र टाउकोमा चोट लागेको पीडितले दाबी गरेका छन्। प्रहरीका अनुसार कुट्ने र कुटाइ खाने सहोदर मामा–भान्जा हुन्। मामाले सम्झाउन खोज्दा उल्टो भान्जाले टिकाथली मामा माथि आक्रमण गरेको बताइएको छ। त्यसको बदलामा शुक्रबार मामाले भान्जालाई आक्रमण गरेको देखिएको प्रहरीले जनाएको छ।
समाचार सारांश परराष्ट्रमन्त्री शिशिर खनालले नेपालको परराष्ट्र सेवालाई समयसापेक्ष परिमार्जन गर्दै आर्थिक कूटनीतिमा केन्द्रित गर्नुपर्नेमा जोड दिएका छन्। मन्त्री खनालले वैदेशिक नियोगहरूलाई मात्र प्रशासनिक अड्डा नभई लगानी र प्रविधि केन्द्र बनाउनु पर्ने बताएका छन्। उनले विश्व भू-राजनीतिमा भइरहेको परिवर्तन र जलवायु संकटका चुनौतीहरू सामना गर्न कूटनीतिक चातुर्यता आवश्यक रहेको बताएका छन्। १० जेठ, काठमाडौं।
परराष्ट्रमन्त्री शिशिर खनालले नेपालको परराष्ट्र सेवालाई समयसापेक्ष परिमार्जन गर्दै आर्थिक कूटनीतिमा केन्द्रित हुनुपर्नेमा जोड दिएका छन्। आइतबार परराष्ट्र सेवा दिवसको उपलक्ष्यमा आयोजित समारोहमा उनले मन्त्रालय र वैदेशिक नियोगहरूलाई परिणाममुखी बनाउनु पर्ने बताएका छन्। मन्त्री खनालले सिमित स्रोत र साधनका बाबजुद राष्ट्रिय सार्वभौमसत्ता र हितको संरक्षणमा पूर्व प्रशासक र कूटनीतिज्ञहरूले खेलेको भुमिका प्रशंसनीय रहेको बताए।
उनीहरूले भने, “परराष्ट्र नीति आन्तरिक प्राथमिकताको प्रतिबिम्ब हुनुपर्छ। विश्व भू-राजनीतिमा भइरहेको तीव्र परिवर्तन, जलवायु संकट र प्रविधिको विकासले निम्त्याएका चुनौतीलाई सामना गर्न कूटनीतिक चातुर्यता र रणनीतिक दूरदर्शिता आवश्यक छ।” मन्त्री खनालले नेपालले विश्व परिवेशमा हुने परिवर्तनहरूको मात्र प्रतिक्रिया नगरी तिनको पूर्वानुमान गरी राष्ट्रिय हितमा उपयोग गर्नुपर्नेमा जोड दिए।
‘हाम्रो रणनीतिक ध्यान अब आर्थिक कूटनीतिमा केन्द्रित हुनुपर्छ। वैदेशिक प्रत्यक्ष लगानी, पर्यटन प्रवर्द्धन, प्रविधि हस्तान्तरण र बजार पहुँचका लागि परम्परागत शैलीलाई त्यागेर सक्रिय अन्तर्राष्ट्रिय साझेदारी निर्माण गर्नुपर्ने समय आएको छ,’ उनले भने, ‘वैदेशिक नियोगहरू अब केवल प्रशासनिक अड्डा मात्र नभई लगानी र प्रविधिका केन्द्र बन्नुपर्छ। नियोगको पदस्थापनलाई अधिकार मात्र नभई कार्यसम्पादनमा आधारित जिम्मेवारीका रूपमा लिइनेछ।’ मन्त्री खनालले परराष्ट्र मन्त्रालयलाई राष्ट्रिय सुरक्षा र समृद्धिको पहिलो घेराको रूपमा स्थापना गर्ने प्रतिबद्धता व्यक्त गर्दै सेवा प्रवाहलाई प्रविधिमैत्री र झन्झटमुक्त बनाइने बताए।
समाचार सारांश समीक्षा गर्नुहोस्। सामाजिक सञ्जालमा भाइरल भएका कक्रोच जनता पार्टीलाई टक्कर दिन ‘ओगी जनता पार्टी’ नामक नयाँ सङ्गठनको उदय भएको छ। ओगी जनता पार्टीले पशु कल्याणका लागि ६ बुँदे घोषणापत्र जारी गरेका छन् साथै भारतको निट परीक्षाको प्रश्नपत्र चुहावट जस्ता विषयमा टिप्पणी पनि गरेका छन्। बेरोजगार युवालाई साङ्लासँग तुलना गरिएको अभिव्यक्तिको विरोधमा सुरु भएको यस अनलाइन व्यङ्ग्य शृङ्खलाले इन्टरनेटमा धेरै लोकप्रियता प्राप्त गरेको छ। ९ जेठ, काठमाडौं। सामाजिक सञ्जालमा अहिले एक अनौठो राजनीतिक व्यङ्ग्य शृङ्खला सुरु भएको छ। भाइरल ‘‘कक्रोच जनता पार्टी’’ (सीजेपी) लाई चुनौती दिन डिजिटल प्लेटफर्ममा ‘ओगी जनता पार्टी’ (ओजेपी) नामक नयाँ संगठनको उदय भएको छ। यसले अनलाइन राजनीतिक बहस र व्यङ्ग्यमा नयाँ तरंग ल्याएको छ। नवगठित ओगी जनता पार्टीले आफूलाई कक्रोच जनता पार्टीको ‘प्यारोडी प्रतिपक्षी’ को रूपमा चिनाएको छ। यसको मुख्य उद्देश्य कक्रोच जनता पार्टीका संस्थापक अभिजीत दिपकको राजनीतिक पृष्ठभूमि उजागर गर्नु रहेको दाबी गर्छ। ओजेपीले जनाएको छ कि दिपकले पहिले आम आदमी पार्टी (आप) को सामाजिक सञ्जाल र चुनावी अभियानमा स्वयंसेवकको रूपमा काम गरेका थिए। यो नयाँ घटनाले कक्रोच जनता पार्टीको अनौठो उदयमा अर्को रोचक मोड थपेको छ। भारतका प्रधानन्यायाधीश सूर्यकांतले बेरोजगार युवालाई ‘परजीवी’ र ‘साङ्लो’ (कक्रोच) सँग तुलना गर्ने अभिव्यक्तिको विरोधमा सीजेपीले सो प्रतीकलाई आत्मसात् गरी व्यङ्ग्यात्मक अभियान थालेपछि यो विषय सामाजिक सञ्जालमा तेज रूपमा चर्चित भएको हो। निराश भारतीय युवाहरुलाई लक्षित गर्दै सीजेपीले सुरू गरेको अभियानको काउन्टर न्यारेटिभको रूपमा अहिले ओजेपी उभिएको छ। ‘ओगी जनता पार्टी’ नाम चर्चित एनिमेटेड टेलिभिजन श्रृङ्खला ‘ओगी एन्ड द कक्रोचेस’ बाट प्रभावित छ। ओजेपीले ह्युमर, मिम्स र व्यङ्ग्य प्रयोग गरी सीजेपीले अपनाएको साङ्लो प्रतीकको विरोधमा आफ्नो अनलाइन पहिचान बनाएको छ। आफ्नो एउटा भाइरल पोस्टमा ओजेपीले स्वतन्त्रता सेनानीहरूको तस्वीरहरूको कोलाज सेयर गर्दै युवाले आफूलाई ‘साङ्लो’ भन्न गर्व गर्ने कुरा खिल्ली उडाएको छ। पछिल्लो पुस्ताका युवाहरूले तलवारले कोरिएको देशको इतिहासमा आफूलाई साङ्लो भन्न रुचाउनु देशको बेरोजगारी समस्याको एउटा सङ्केत रहेको ओजेपीको पोस्टमा उल्लेख छ। यसले सामाजिक सञ्जालमा देखिएको प्रवृत्ति केवल इन्टरनेटको ठट्टा मात्र नभई भारतीय युवाहरूमा व्याप्त गहिरो आर्थिक निराशाको सङ्केत पनि गरेको देखिन्छ। कक्रोच जनता पार्टीलाई लक्षित गर्दै ओगी जनता पार्टी मुद्दामा आधारित सन्देश प्रवाह गरी आफ्नो छुट्टै राजनीतिक पहिचान बनाउने प्रयासमा छ। यस पेजले हालै जनावर कल्याण र अधिकारमा केन्द्रित ६ बुँदे घोषणापत्र जारी गरेको छ। जसमा सडकका बेवारिसे जनावरलाई निःशुल्क स्वास्थ्योपचार, जनावरमाथि हुने क्रूरता विरुद्ध कडा कानून र पशु संरक्षणका लागि जनचेतना जगाउने जस्ता प्रस्तावहरू छन्। साथै, ओजेपीले भारतको निट परीक्षाको प्रश्नपत्र चुहावट जस्ता राष्ट्रिय विषयमा पनि टिप्पणी गरेको छ। व्यङ्ग्यात्मक प्रस्तुती भए पनि यो पेज इन्टरनेटमा तीव्र गतिमा लोकप्रिय हुँदैछ। छोटो समयमा ओजेपीको इन्स्टाग्रामले ९ हजार भन्दा बढी फलोअर्स जुटाइसकेको छ। विभिन्न अड्कलबाजीका बीच ओजेपीले स्पष्ट पार्दै कुनै पनि राजनीतिक दलसँगको सम्बन्ध नरहेको उल्लेख गरेको छ। सीजेपी र ओजेपी दुवैको उदयले इन्टरनेट संस्कृति, राजनीतिक व्यङ्ग्य र युवाको आक्रोश सामाजिक सञ्जालमा कसरी मिसिएका छन् भन्ने विषय देखाएको छ। यो ओगी जनता पार्टी क्षणिक अनलाइन ठट्टा मात्र रहन्छ वा ठूलो व्यङ्ग्य आन्दोलन बन्ने भविष्यमा हेर्न बाँकी छ, तर यसले इन्टरनेटको इतिहासमा एउटा अनौठो राजनीतिक भिडन्तलाई पक्कै रोचक बनाएको छ।
सभापति गगनकुमार थापाले तरूण दलको अध्यक्षमा मनिष कोइरालालाई नियुक्त गरेका छन्। तरूण दलको म्याद समाप्त भई स्वतः विघटन भएकाले विधानअनुसार कोइरालालाई नियुक्त गरिएको कार्यवाहक मुख्यसचिव कृष्णप्रसाद दुलालले बताएका छन्। मनिष कोइरालालाई तोकिएको समयमा महाधिवेशन सम्पन्न गर्ने ९ बुँदे कार्यादेश सहित जिम्मेवारी दिइएको छ। १० जेठ, काठमाडौं।
तरूण दलको अध्यक्षमा मनिष कोइराला नियुक्त भएका छन्। सभापति गगन कुमार थापाले कोइरालालाई पार्टी आबद्ध भ्रातृ संगठन तरूण दलको अध्यक्ष नियुक्त गरेको जानकारी कार्यवाहक मुख्यसचिव कृष्णप्रसाद दुलालले दिएका छन्। २१ वैशाखमा बसेको केन्द्रीय कार्यसम्पादन समितिको बैठकको निर्णय अनुसार सभापति थापाले उनलाई नियुक्त गरेको दुलालले जारी गरेको विज्ञप्तिमा जनाइएको छ।
पार्टीको विधान, २०१७ (संशोधन सहित) को धारा ४२ (१) (च) अनुसार म्याद समाप्त भई तरूण दल स्वतः विघटन भएको र कोइरालालाई अध्यक्ष पदमा नियुक्त गरिएको हो भनी उनले बताएका छन्। त्यसैगरी, तोकिएको समयमा महाधिवेशन सम्पन्न गर्न ९ बुँदे कार्यादेश र कार्यविवरण सहित जिम्मेवारी प्रदान गरिएको पनि दुलालले जारी गरेको विज्ञप्तिमा उल्लेख छ।
हङकङका वित्त सचिव पावल च्यान मो-पोले हङकङ र युरोपबीच व्यापार, लगानी तथा प्रविधि क्षेत्रहरूमा सहकार्यको सम्भावना रहेको बताएका छन्। उनले अन्तर्राष्ट्रिय मुद्रा कोषद्वारा हङकङको आर्थिक उत्थानशीलता र अन्तर्राष्ट्रिय वित्तीय केन्द्रको रूपमा रहेको गरिमालाई अनुमोदन गरिएको जानकारी दिएका छन्। हालै फ्रान्स, बेल्जियम र स्विट्जरल्यान्डको भ्रमणमा युरोपेली लगानीकर्ताहरूले हङकङमा व्यवसाय स्थापना र लगानी प्रणालीमा चासो देखाएका छन्।
च्यानले भनेका छन् कि युरोपमा परिवर्तनको ठूलो चाहना छ र बहुपक्षीय सहकार्य तथा जोखिम विविधीकरणमार्फत थप बलियो आर्थिक उत्थानशीलता निर्माण गर्न खोजिरहेको छ। उनले आफ्नो साप्ताहिक ब्लगमा लेखेका छन् कि चिनियाँ र बृहत् एसिया-प्रशान्त क्षेत्रका बजारहरू युरोपेली व्यवसायका लागि ठूला अवसर हुन् र हङकङ यी सम्भावनाहरूको फाइदा उठाउन र व्यवसाय विस्तार गर्न आदर्श प्रवेशद्वार हो।
च्यानले हङकङमा इजाजतपत्र आवश्यकताहरू, व्यवसाय स्थापना समय र स्थानीय लगानी प्रणालीका बारेमा सल्लाह माग्ने युरोपेली वित्तीय संस्थाहरूको चासोको उल्लेख गरेका छन्। उनले भने कि हङकङले सीमापार सम्पत्ति व्यवस्थापनका लागि विभिन्न लगानी विकल्प र जोखिम व्यवस्थापन उपकरणहरू उपलब्ध गराउँछ।
अन्तर्राष्ट्रिय मुद्रा कोषले हङकङको सन् २०२६ को ‘आर्टिकल ४ कन्सल्टेसन’ प्रतिवेदनमा यस सहरको आर्थिक उत्थानशीलता र अन्तर्राष्ट्रिय वित्तीय केन्द्रको रूपमा रहेको गरिमालाई समर्थन गरेको छ। च्यानले युरोपेली संघ र अन्तर्राष्ट्रिय संस्थाका प्रतिनिधिलाई हङकङ र ग्रेट बे क्षेत्रमा भ्रमणको लागि आमन्त्रण गरेका छन्।
