लेखक: space4knews

दक्षिणी इजरेलको सानो नगर अरदमा शनिबार इरानी क्षेप्यास्त्र आक्रमण भएको छ। हवाई सुरक्षा प्रणाली उक्त प्रहारलाई रोक्न असफल भएको छ। इजरेली आपतकालीन सेवाले आक्रमणपछि ८८ जनालाई अस्पताल पुर्‍याएको जनाएको छ, जसमा १० जना गम्भीर घाइते भएका छन्। साथै, दक्षिणी सहर डिमोनामा दर्जनौँ मानिसहरू घाइते भएका छन्। यो क्षेत्र अघोषित परमाणु हतियार केन्द्रबाट करिब १३ किलोमिटर टाढा छ र आक्रमणले त्यही केन्द्रलाई लक्षित गरेको देखिन्छ।

इजरेलका प्रधानमन्त्री बेन्जामिन नेतन्याहूले यस घटनालाई लिएर राष्ट्रका लागि “निकै कठिन साँझ” भएको बताएका छन्। इन्टरनेशनल एटोमिक एनर्जी एजेन्सी (आईएईए) ले आक्रमणले कुनै क्षति पुगेको बारेमा आफूलाई थाहा नभएको बताएका छन्। तर आईएईएका महानिर्देशकले “विशेष गरी परमाणु क्षेत्र वरिपरि कडा सैन्य नियन्त्रण” आवश्यक रहेको चेतावनी दिएका छन्। नेगेभ मरुभूमिमा अवस्थित शिमोन पेरेश नेगेभ न्यूक्लियर रिसर्च सेन्टरलाई “डिमोना रियाक्टर” भनेर चिनिन्छ। यसलाई इजरेलको अघोषित परमाणु हतियार भण्डार मानिन्छ।

इजरेली प्रधानमन्त्री नेतन्याहूले सम्पूर्ण मोर्चामा आफ्नो दुश्मनहरू विरुद्ध निरन्तर आक्रमण जारी राख्ने चेतावनी दिएका छन्। इजरायली फौज (आईडीएफ) ले इरानी नतान्ज परमाणु स्थलमा आक्रमण पश्चात तेहरानमा नयाँ आक्रमण शृङ्खला सुरु गरेको जनाएको छ। अमेरिकी राष्ट्रपति डोनाल्ड ट्रम्पले दिइएको धम्कीयुक्त ४८ घण्टे समयसीमापछि इरानले यस्तो चेतावनी दिएको हो। इरानले “अब युद्ध नयाँ चरणमा छ” भनेको छ।

८ चैत, बागलुङ । नेपाल पत्रकार महासंघ बागलुङ शाखाले आफ्नो स्थापना भएको २५औं वर्षको अवसरमा चैत २० र २१ मा ‘बागलुङ मिडिया मेला’ आयोजना गर्न लागेको छ। नेपालमै नमूना कार्यक्रमका रूपमा रहेको यो मिडिया मेलाको तयारीका लागि महासंघले विशेष तत्परता देखाएको छ। मिडिया मेला चैत २० र २१ गते बागलुङ बजारको जोजोलोपा ब्याक्वेट हलमा आयोजना हुनेछ। मेलाको सफलताका लागि अध्यक्ष राम थापाको संयोजनमा मूल आयोजक समिति र विभिन्न उपसमितिहरू गठन गरी तयारी थालिएको छ।

बागलुङलाई मिडियाका माध्यमबाट व्यापक रूपमा प्रचारप्रसार गरी समृद्ध बागलुङ निर्माणमा सहयोग पुर्‍याउन र निजी क्षेत्रको लगानी भित्र्याउन यो मेला आयोजना गरिएको हो। विशेष गरी बागलुङका पत्रकारहरू जो देशका विभिन्न मिडियामा क्रियाशील छन्, उनीहरूलाई स्वदेशी विकासमा चासो राख्न, पुनर्मिलन गराउन र निजी क्षेत्र र स्थानीय निकायबीच सम्बन्ध मजबुद पार्नका लागि बागलुङ बजारको ५० वर्षे इतिहास झल्काउने तस्वीर प्रदर्शनीजस्ता गतिविधिहरू गरिने नेपाल पत्रकार महासंघ बागलुङ शाखाका अध्यक्ष थापाले जानकारी दिए।

अध्यक्ष थापाका अनुसार, हाल आर्थिक उपसमितिले काठमाडौं र बागलुङका स्थानीय पालिकासँग मेलामा सहकार्यका लागि बैठक र छलफल गरिरहेको छ। मिडिया मेलामा आठवटा सेसनको प्यानल डिस्कसन हुनेछ भने पुराना सञ्चार सामग्रीहरूको प्रदर्शनी पनि गरिनेछ। पत्रकारिता, सञ्चार माध्यम, पत्रकारहरूको बदलिंदो भूमिका र ग्रामीण पत्रकारिताको महत्त्वलाई उजागर गर्ने उद्देश्यले मेला आयोजना गरिएको छ।

मेलामा गण्डकी प्रदेशका मुख्यमन्त्री, पत्रकार महासंघका पदाधिकारीहरू र गण्डकी प्रदेशका ११ जिल्ला पत्रकारहरूको पनि उपस्थिति रहनेछ। मेलामा विद्वतापूर्ण प्रवचन, प्यानल डिस्कसन, बागलुङका पत्रकारहरूको पुनर्मिलन, भित्तेपत्रिका लेखन प्रतियोगिता, तस्वीर प्रदर्शनी, लाइभ पेन्टिङ, सञ्चार सामग्री र उपकरणहरूको प्रदर्शनी समावेश गरिएको छ। शाखाका कोषाध्यक्ष खेमराज गौतमका अनुसार मेलामा १७ लाख रुपैयाँ खर्च गर्ने अनुमान गरिएको छ।

मेलामा आन्तरिक पर्यटकहरूलाई भित्र्याएर उनीहरूलाई बागलुङका सञ्चार माध्यम, पुस्तकालय तथा धार्मिक र पर्यटकीय स्थलहरूको भ्रमण गराउने लक्ष्य पनि रहेको शाखाका सचिव नारायण रिजालले जानकारी दिए। मेला प्रर्वद्धनमा सहयोगी निजी क्षेत्रका व्यावसायिक स्टलहरू पनि रहनेछन्। मेलामा राष्ट्रिय र स्थानीय कलाकारहरूको सांगीतिक प्रस्तुतिहरू रहने छन्। शाखाका उपाध्यक्ष सुवास आचार्यका अनुसार करिब २५ हजार जनाले मेलाको अवलोकन गर्ने अपेक्षा गरिएको छ। मिडिया मेलाको उद्घाटन चैत २० गते हुने छ।

८ चैत, नवलपरासी पूर्व। पूर्वपश्चिम राजमार्ग अन्तर्गत दाउन्ने सडकखण्डमा अहिले एकतर्फी सवारी साधन सञ्चालन भइरहेको छ। शुक्रबारदेखि वर्षाका कारण अवरुद्ध भएको नवलपरासी पूर्वको विनयी त्रिवेणी गाउँपालिका-२ स्थित दाउन्ने खण्डमा आज बिहानदेखि सवारी साधन एकतर्फी रुपमा सञ्चालनमा आएको छ। जिल्ला प्रहरी कार्यालय नवलपरासी पूर्वका प्रहरी उपरीक्षक (एसपी) युवराज खड्का अनुसार आज बिहानदेखि सडकमा पालैपालो रुपमा सवारी साधन सञ्चालन भइरहेको छ।

अहिलेसम्म दुम्कीबासको ज्यामिरेसम्म करिब पाँच किलोमिटर लामो सवारी जाम देखिएको छ। तीन दिनदेखि सडक अवरुद्ध भएको कारण यात्रुहरू अलपत्र परेको स्थिति रहेको छ। विस्तारको क्रममा रहेको दाउन्ने सडकखण्डमा वर्षा भएपछि सडक चिप्लो र हिलो भएकोले यातायात अवरुद्ध भएको छ। सडकमा भएको हिलाले गर्दा सवारी साधनहरूलाई दाउन्ने उकालो पार्न समस्या भइरहेको प्रहरीले जनाएको छ। नारायणगढ-बुटवल सडकखण्डको अधिकांश भाग कालोपत्र भइसके पनि दाउन्नेको करिब चार किलोमिटर सडक निर्माणको काम पूरा नहुँदा यात्रुले कठिनाई भोग्न परेको अवस्था छ।

८ चैत, जलेश्वर । महोत्तरीसहित नेपाल र भारतका सम्पूर्ण मिथिलाञ्चल क्षेत्रहरूमा आजबाट विधिवत् चैती छठ पर्वको सुरुवात भएको छ। चार दिनसम्म विभिन्न विधि अनुसार मनाइने यो पर्व आजदेखि तराई क्षेत्रका महोत्तरी, धनुषा, सिरहा, सप्तरी, सुनसरी, मोरङ, सर्लाही, रौतहट, बारा, पर्सालगायत सम्पूर्ण मिथिलाञ्चलभरि धार्मिक विधिपूर्वक सुरु गरिएको छ। चैती छठ महोत्तरीको जलेश्वर, मटिहानी, सुगा, गौशाला, पिपरा, सम्सी, बर्दिबास लगायतका विभिन्न दुर्गम क्षेत्रहरू तथा सहरी र ग्रामीण क्षेत्रमा रहेको पोखरी, ताल, र स्थानीय प्रसिद्ध नदीहरू जस्तै बिग्ही, रातो मरहा, जङ्गहा, अंकुसी नदी तथा नहरका किनारहरूमा धुमधामका साथ मनाइन्छ।

सत्य अहिंसाप्रति मानिसहरूको रुचि विकास गर्ने र सबै जीवप्रति सहानुभूति बढाउन प्रेरित गर्नु यस पर्वको मुख्य विशेषता रहेको छ भने जलेश्वर नगरपालिका–१ मा रहेको बाबा जलेश्वरनाथ महादेवका पुजारी कामेश्वर पाठकले बताए। उनी भन्छन्, सूर्य उपासना परम्पराको मनमोहक विधि मानिने यस संसारमा यही एक मात्र पर्व हो जसमा अस्ताउँदै र उदाउँदै गरेको सूर्यको पूजा गरिन्छ। पारिवारिक सुख, शान्ति, समृद्धि, शारीरिक कल्याण, रोगबाट मुक्ति तथा विभिन्न मनोकामना पूरा होस् भन्ने आशयका साथ श्रद्धापूर्वक मनाइने चैती छठ पर्वको बेला पोखरी, नदी, ताल र जलाशयहरूसमेत भक्तजनहरूको घुइँचो लाग्छ।

चार दिनसम्म मनाइने चैती छठ पर्वको पहिलो दिन (आज) आइतबार व्रतीहरूले नुहाएर खाना खाने अर्थात् शरीर शुद्ध गर्ने क्रिया सम्पन्न गर्नेछन्। पर्वको दोस्रो दिन (भोलि) सोमबार खर्ना मनाइने छ। खर्नाका दिन व्रतीहरूले दिनभरि उपवास बसेर रात्रि छठ देवतालाई आगमनको निम्तो दिँदै कूलदेवता पूजा गर्नेछन् र राति अरवा अरबाइन (नुन नभएको भोजन) खान चलन रहेको छ। षष्ठीका दिन अर्थात् (मङ्गलबार) साँझ गहुँ तथा चामललाई ओखल, जाँतो वा ढिकीमा पिसेर त्यहाँबाट निस्किएको पीठोबाट बनाइने विभिन्न मिठाइहरू जस्तै ठकुवा, भुसवा, खजुरिया, पेरुकिया लगायतका पकवानहरू र विभिन्न फलफूल तथा मूला, गाँजर, बेसारको गाँहो, भोगटे, ज्यामिरी, नरिवल, सुन्तला, केरा, नाङ्लो, कोनिया, सरवा, ढाकन, माटोको हात्ती, ठूलो ढाक्कीमा राखी परिवारका सबै सदस्यहरूले विभिन्न भक्ति गीत र लोकगीत गाउँदै निर्धारित जलाशय नजिकै बनाएको छठ घाटसम्म पुग्नेछन्।

षष्ठी (मङ्गलबार) साँझ व्रतीहरूले सूर्य अस्तँदासम्म पानीमा पसेर अस्ताउँदै भएका सूर्यलाई आराधना गर्नेछन्, दुवै हातमा पिठार र सिंदूर लगाई अक्षता फूल हालेर अर्घ अर्पण गर्ने क्रम पालो-पालो गर्दै सम्पूर्ण अर्घ सामग्री स्थापना गरी सूर्यलाई अर्घ दिने चलन छ। भोलिपल्ट बुधबार बिहान पुनः छठ घाटमा पुगेर जलाशयमा प्रवेश गरी अघिल्लो दिनको पूजालाई दोहोर्याउँदै उदाउँदै गरेको सूर्यलाई अर्घ दिई चैती छठ पर्व सम्पन्न गरिनेछ। महाभारत अनुसार, द्रौपदीसहित पाण्डवहरूले अज्ञातवासमा रहँदा उक्त गुप्तवास सफल होस् भन्न सूर्यदेवको आराधना गरेका थिए। त्यतिबेला पाण्डवहरू मिथिलाको किरात राजा क्षेत्रमै बसोबास गर्दै आएका थिए। लोक कथानुसार त्यस समयदेखि छठ पर्व मनाउने परम्परा शुरू भएको मानिन्छ। सूर्य पुराणअनुसार सर्वप्रथम पत्नी अनुसुइयाले छठ व्रत गरेकी थिइन् र फलस्वरूप उनले अटल सौभाग्य तथा गहिरो प्रेम प्राप्त गरिन्, तब देखि छठ व्रत गर्ने परम्परा सुरु भएको हो। धार्मिक आस्थासँगै सामाजिक सद्भावको रूपमा पनि विकसित छठ पर्व हिन्दूहरूसँगै मुस्लिमहरूले पनि मनाउँछन्। यस पर्वमा चढाइने सामग्रीको संख्या ७० पुग्नुपर्छ भन्ने विश्वास रहे तापनि चढाउन नसक्नेले गम्हरी धानको चामल मात्र चढाए पनि देवता प्रसन्न हुने जनविश्वास रहन्छ।

मदानीका अंगहरू जैसे कि तरी, नेती, कोइला, पोराका बारे हालका किशोर–किशोरीहरूलाई जानकारी नै नभए पनि फरक पर्दैन ।