लेखक: space4knews

प्रतीकात्मक तस्वीर

गुल्मीको मालिका गाउँपालिका–३ ह्वाङ्दीमा विद्युत् मर्मत कार्य गर्दा करेन्ट लागेर नेपाल विद्युत् प्राधिकरणका कर्मचारी सूर्यबहादुर थापा गम्भीर घाइते भएका छन्। पोलमा चढेर मर्मत गर्दा करेन्ट लागेर भिरबाट खसेका ३० वर्षीय थापाको टाउको र शरीरमा गम्भीर चोट लागेको छ। घाइते थापालाई तत्काल उद्धार गरी उपचारका लागि जिल्ला अस्पताल तम्घास पठाइएको जिल्ला प्रहरी कार्यालय गुल्मीले जनाएको छ।

२४ जेठ, गुल्मी। गुल्मीको मालिका गाउँपालिका–३ ह्वाङ्दीमा विद्युत् मर्मत गर्दै गर्दा करेन्ट लागेर एक जना कर्मचारी गम्भीर घाइते भएका छन्। जिल्ला प्रहरी कार्यालय गुल्मीका अनुसार आइतवार दिउँसो करिब २:३० बजे नेपाल विद्युत् प्राधिकरण गुल्मीमा कार्यरत मालिका गाउँपालिका–५ छापाहिले निवासी ३० वर्षीय सूर्यबहादुर थापा पोलमा चढेर मर्मत कार्य गरिरहेका बेला करेन्ट लागेर दुर्घटनामा परेको हो। करेन्ट लागेपछि उनी पोलबाट करिब ५०० मिटर तलको भिरतर्फ खस्दा निधार र शरीरका विभिन्न भागमा चोट लागेको डीएसपी बीरेन्द्र वीर विश्वकर्माले जानकारी दिए। घटनाको सूचना पाएपछि प्रहरी चौकी अर्खाबाङबाट प्रहरी टोली घटनास्थल पुगेर घाइते थापालाई तत्काल उपचारका लागि जिल्ला अस्पताल तम्घास लैजानुभयो। विद्युत् प्राधिकरण गुल्मीलाई पनि घटनाबारे जानकारी गराइएको छ। थप अनुसन्धान भइरहेको छ।

कृषि, वन तथा वातावरण मन्त्री गिता चौधरीले झापाको बाहुनडाँगीस्थित हात्ती प्रभावित क्षेत्रको स्थलगत निरीक्षण गरेकी छिन्। उनले मानव–हात्ती द्वन्द्वको दीर्घकालीन समाधान तथा पीडित किसानलाई क्षतिपूर्तिको व्यवस्था गर्न सरकार उच्च प्राथमिकता दिने प्रतिबद्धता व्यक्त गरिन्।

मन्त्री चौधरी मेचीनगर नगरपालिका–१ र ४ अन्तर्गत पर्ने बाहुनडाँगीको वास्तविक अवस्था बुझ्न झापा पुग्नुभएको हो। निरीक्षणको क्रममा स्थानीयले जंगली हात्तीले बथान गाउँ भित्र पस्दै मकै, सुपारी लगायत अन्नबाली र नगदबालीमा दैनिक ठूलो क्षति पुर्‍याइरहेको गुनासो मन्त्रीलाई सुनाए।

स्थानीयको गुनासो र पीडा सुनेपछि मन्त्री चौधरीले हात्ती नियन्त्रण र नागरिकको जीवन तथा सम्पत्तिको सुरक्षाका लागि सम्बन्धित सबै निकायसँग तुरुन्त समन्वय गर्ने आश्वासन दिइन्। उनले मानव र हात्तीबीचको द्वन्द्व दीर्घकालीन रूपमा समाधान गर्न संघ, प्रदेश र स्थानीय तहबीच प्रभावकारी सहकार्य आवश्यक रहेको उल्लेख गरिन्।

राष्ट्रिय स्वतन्त्र पार्टीको बनस्थलीस्थित केन्द्रीय कार्यालयमा कलैया उपमहानगरपालिकाका पार्टी कार्यकर्ताहरूले आइतबार धर्ना तथा प्रदर्शन गरेका छन्। कलैया नगर अधिवेशनको निर्वाचन परिणाम र शपथग्रहण सकिएपछि पुनः निर्वाचन गराउने सूचना जारी भएपछि विवाद सिर्जना भएको हो। प्रदर्शनकारीहरूले बिनाहस्ताक्षर सामाजिक सञ्जालमार्फत निर्वाचन रद्द गरिएको भन्दै पार्टी नेतृत्वसँग स्पष्ट जवाफ र पारदर्शिताको माग गरेका छन्।

२४ जेठ, काठमाडौं। राष्ट्रिय स्वतन्त्र पार्टी (रास्वपा) को केन्द्रीय कार्यालय बनस्थलीमा कलैया उपमहानगरपालिकाका कार्यकर्ताहरूले प्रदर्शन गरेका छन्। पार्टीको नगर अधिवेशनको निर्वाचन परिणामलाई लिएर विवाद उत्पन्न भएपछि पारदर्शिताको माग गर्दै कार्यकर्ताहरूले आइतबार केन्द्रीय कार्यालयमा धर्ना दिएका हुन्। आन्दोलनरत कार्यकर्ताका अनुसार कलैया उपमहानगरपालिकाको नगर अधिवेशनमा उमाशंकर रौनियार १२४ मत प्राप्त गरी सभापतिमा निर्वाचित भएका थिए। निर्वाचित पदाधिकारीको शपथ ग्रहणसमेत सम्पन्न भइसकेपछि पुनः निर्वाचन गराउने सूचना जारी गरिएपछि विवाद सुरु भएको उनीहरूको भनाइ छ।

प्रदर्शनकारीहरूले मधेश प्रदेश समितिका तर्फबाट ५० प्लस १ बहुमत नपुगेको भन्दै पुनः निर्वाचनको सूचना जारी गरिएको दाबी गरेका छन्। उनीहरूले उक्त निर्णय पार्टी विधान र लोकतान्त्रिक प्रक्रियाविपरीत रहेको आरोप लगाएका छन्। उनिहरुले एकपटक निर्वाचन सम्पन्न भई विजयी घोषणा भइसकेपछि पुनः निर्वाचन गराउने निर्णय स्वीकार्य नहुने बताएका छन्। कार्यकर्ताहरूले कुनै आधिकारिक लेटरहेड वा हस्ताक्षरबिना सामाजिक सञ्जालमार्फत निर्वाचन रद्द गरिएको भन्दै पार्टी नेतृत्वसँग स्पष्ट जवाफ तथा निष्पक्ष निर्णयको माग गरेका छन्। साथै पार्टीले सञ्चालन गरिरहेको अधिवेशन प्रक्रियामा पारदर्शिता कायम गर्नुपर्ने र विधानसम्मत निर्णय गर्नुपर्ने माग गरेका छन्।

कक्रोच जनता पार्टी (सीजेपी) का संस्थापक अभिजित दीपकेले शनिबार आफ्ना समर्थकका साथ दिल्लीको जन्तरमन्तरमा विरोध प्रदर्शन गरेका छन्। प्रदर्शनमा अधिकांश युवाहरू थिए, जसले केन्द्रीय शिक्षामन्त्री धर्मेन्द्र प्रधानको राजीनामा माग गरिरहेका थिए। प्रख्यात वातावरणविद् तथा शिक्षाविद् सोनाम वाङचुक पनि यसमा सहभागी थिए, जो छ महिना लामो जेल सजाय बिताएर गत मार्च महिनामा रिहा भएका थिए। दीपके शनिबार बिहान मात्र अमेरिकाबाट दिल्ली आएका थिए। युवापुस्ताको यो प्रदर्शनलाई विश्वका विभिन्न देशका सञ्चारमाध्यमले महत्त्व दिएका छन् र कतिपयले यसलाई ‘जेन जी’ आन्दोलनको रूपमा अर्थ्याएका छन्।

अमेरिकी मिडिया सीएनएनले कक्रोच जनता पार्टी (सीजेपी) को आन्दोलनबारे लेखेको छ, “भारतका युवा अब दिक्क भइसकेका छन्। वर्षौँदेखि जाँचमा हुने गरेको अनियमितता, निरन्तरको बेरोजगारी र अवसरहरूको अभावका कारण मानिसहरूको निराशा अब अनलाइन र सडकमा खुला आक्रोशमा परिणत हुँदै छ।” सीएनएनका अनुसार, उत्तरदायित्वको यस्तो माग उठिरहेको छ कि त्यसलाई धेरैले अब बेवास्ता गर्न सक्दैनन्। भारतका प्रधानन्यायाधीश सूर्यकान्तको टिप्पणीका कारण कक्रोच जनता पार्टी बनेको विवरण छ।

फ्रान्स २४ ले “भारतको जेन जी ‘कक्रोच’ पार्टीका समर्थकहरूले पहिलो विरोध प्रदर्शन दिल्लीमा गरेको” उल्लेख गरेको छ। समर्थकहरूले ‘कक्रोचहरू आउँदै छन्, धर्मेन्द्र प्रधान जाँदै छन्’ जस्ता नारा लगाएका थिए। चीनको साउथ चाइना मोर्निङ पोस्टले पनि यस प्रदर्शनलाई प्राथमिकता दिएको छ। अल जजिराले भनेको छ, “भारतको जेन जी ‘कक्रोच अभियान’ ले राजधानीमा पहिलो प्रदर्शन गरेको छ र शिक्षामन्त्रीको राजीनामा माग गरेको छ।”

ब्रिटिश समाचारपत्र ‘द सन्डे गार्डियन’ ले जन्तरमन्तरमा भएको ‘कक्रोच जनता पार्टी’ को पहिलो ठूलो विरोध प्रदर्शनमा करिब २ हजार मानिस मात्र सहभागी भएको उल्लेख गरेको छ। यसले डिजिटल लोकप्रियता र वास्तविक धरातलमा मानिसहरूलाई एकजुट गराउन सक्ने क्षमताबीचको भिन्नता स्पष्ट रूपमा देखाउँदछ। सीजेपीले शनिबारको आन्दोलनपछि ७ दिनभित्र शिक्षामन्त्रीले राजीनामा नदिएमा फेरि आन्दोलन गर्ने चेतावनी दिएको छ। अभिजित दीपकेले प्रदर्शनपछि एक्समा लेखेका छन्, “आजको प्रदर्शन ट्रेलर मात्र हो।”

फाइल तस्वीर समाचार सारांश संपादकीय समीक्षा सहित। राष्ट्रिय स्वतन्त्र पार्टीका सचेतक प्रकाशचन्द्र परियारले पुराना राजनीतिक दलहरूसँग आफ्नो पार्टीको कुनै व्यक्तिगत वा राजनीतिक लडाइँ नरहेको बताएका छन्। उनले रास्वपाको मुख्य संघर्ष गरिबी, असमानता, विभेद, भ्रष्टाचार र बेरोजगारीविरुद्ध केन्द्रित रहने स्पष्ट पारेका छन्। आगामी स्थानीय तथा प्रादेशिक निर्वाचन लक्षित गर्दै उनले धनकुटालाई घण्टीमय बनाउने अभियानमा जुट्न कार्यकर्तालाई आह्वान गरेका छन्। २४ जेठ, धनकुटा।

राष्ट्रिय स्वतन्त्र पार्टी (रास्वपा) का केन्द्रीय सदस्य तथा संघीय संसदीय दलका सचेतक प्रकाशचन्द्र परियारले पुराना राजनीतिक दलहरूसँग अब कुनै व्यक्तिगत वा राजनीतिक लडाइँ नरहेको बताए। उनका अनुसार गरिबी, असमानता, भ्रष्टाचार र बेरोजगारीविरुद्ध रास्वपाको संघर्ष जारी रहनेछ। उनले पुराना दलहरूलाई पुरानै सोच, अहंकार र अस्वस्थ प्रतिस्पर्धामा अल्झिएको आरोप लगाए। ‘जनताबाट पटक–पटक दण्डित भइसकेका पुराना दलहरूसँग अब हाम्रो कुनै व्यक्तिगत वा राजनीतिक लडाइँ छैन,’ उनले भने, ‘तिनीहरूलाई गाली गरेर वा उनीहरूसँग प्रतिस्पर्धा गरेर समय खेर फाल्ने छुट हामीलाई छैन। नेपाली जनताले उनीहरूको प्रवृत्तिको फैसला गरिसकेका छन्।’

परियारले व्यवस्था परिवर्तनका नाममा नागरिकको अवस्था यथावत् राख्ने बिचौलिया संयन्त्रविरुद्ध पनि रास्वपा संघर्षरत रहेको बताए। ‘हामी गाली गरेर होइन, काम गरेर देश बदल्न आएका हौँ। आश्वासनको खेती गर्न होइन, जनताको जीवनमा प्रत्यक्ष परिवर्तन ल्याउन आएका हौँ,’ उनले थपे। उनले रास्वपाको मुख्य लडाइँ समाजभित्र जरा गाडेर बसेको गरिबी, असमानता, विभेद, भ्रष्टाचार र बेरोजगारीविरुद्ध रहेको बताए।

धनकुटाका किसानले उत्पादन गरेको सुन्तला, तरकारी र दूधको उचित मूल्य नपाउँदासम्म तथा युवाहरू रोजगारका लागि विदेशिन बाध्य भइरहँदासम्म संघर्ष जारी रहने उल्लेख गर्दै उनले भने, ‘सामान्य उपचार नपाएर नागरिकले ज्यान गुमाउनुपर्ने अवस्था अन्त्य नभएसम्म र राज्यको ढुकुटी लुट्ने भ्रष्ट प्रवृत्ति कायम रहुञ्जेल हाम्रो लडाइँ रोकिने छैन।’ उनले आगामी स्थानीय तह तथा प्रादेशिक निर्वाचनलाई लक्षित गर्दै धनकुटालाई ‘घण्टीमय’ बनाउने अभियानमा जुट्न कार्यकर्तालाई आह्वान गरेका छन्। रास्वपाका नेता–कार्यकर्ताको काँधमा धनकुटाबाट नयाँ राजनीतिक युगको सुरुवात गर्ने जिम्मेवारी परेको दाबी उनले गरेका छन्।

राष्ट्रिय स्वतन्त्र पार्टी झापाको पहिलो अधिवेशनबाट ओमनाथ भण्डारी ३४१ मत प्राप्त गरी जिल्ला सभापतिमा विजयी भएका छन्। शनिबार सम्पन्न अधिवेशनमा उपसभापतिमा पुष्पलाल ढकाल, सचिवमा विरोध सुवेदी र सहसचिवमा भिमबहादुर कुँवर निर्वाचित भएका छन्।

अधिवेशनमा भण्डारीले ३४१ मत प्राप्त गरे भने उनका प्रतिद्वन्द्वी लक्ष्मण बस्नेतले २४७ मत र अर्जुनकुमार मैनालीले २५ मत प्राप्त गरे। उपसभापतिमा विजयी भएका पुष्पलाल ढकालले २१० मत प्राप्त गरे, जबकि शान्ता तामाङले १९८, लिला खड्काले १११ र देव संग्रौलाले ९३ मत प्राप्त गरे।