लेखक: space4knews

एन्ड्रोइड अटोको सेटिङमा गएर नोटिफिकेसनहरूलाई अनुकूलन गर्न सकिन्छ जसले गर्दा गाडी चलाउँदा ध्यान भंग गर्ने अनावश्यक अलर्टहरू हटाउन सहयोग पुग्छ। एन्ड्रोइड अटोमा एपहरूको सूची व्यवस्थापन गर्न Settings > Connected Devices > Connection Preferences > Android Auto > Customize Launcher मा जान सकिन्छ। डेभलपर मोड सक्रिय गरेर AA Browser इन्स्टल गर्न सकिन्छ जसले गाडी पार्क गर्दा भिडियो प्लेब्याकको अनुमति दिन्छ र गाडी चलाउँदा स्वचालित रूपमा बन्द हुन्छ। १० वैशाख, काठमाडौं।

एन्ड्रोइड अटो एक शक्तिशाली इन्फोटेनमेन्ट प्रणाली भए तापनि यसका धेरै उपयोगी सुविधाहरू सेटिङभित्र लुकेका हुन्छन्। यी सुविधाहरूको सही प्रयोगले तपाइँको यात्रा सुरक्षित र सहज हुन सक्छ। यसका मुख्य सेटिङहरूलाई अनुकूल बनाउने तरिका निम्नानुसार छः

नोटिफिकेसन कस्टमाइज गर्नुहोस्: गाडी चलाउँदा अनावश्यक नोटिफिकेशनले ध्यान भंग गर्न सक्छ। यसलाई नियन्त्रण गर्न फोनको एन्ड्रोइड अटो सेटिङमा गएर आफ्नो आवश्यकताअनुसार अलर्टहरू अन वा अफ गर्न सकिन्छ। एपहरूको सूची व्यवस्थापन गर्नुहोस्: Settings > Connected Devices > Connection Preferences > Android Auto > Customize Launcher मा जानुहोस्। यहाँ अनावश्यक एपहरू हटाउन सकिन्छ र धेरै प्रयोग गरिने एपहरूलाई तानेर (Drag) अगाडि राख्न सकिन्छ।

असिस्टेन्ट सर्टकट थप्नुहोस्: Settings > Connected Devices > Connection Preferences > Android Auto > Customize Launcher > Add a shortcut to the launcher मा गएर बारम्बार गर्ने कार्यहरू जस्तै घर जाने बाटो खोज्ने वा कुनै सम्पर्क व्यक्तिलाई कल गर्ने कार्यहरूको सर्टकट बनाउन सकिन्छ। मिडिया कन्ट्रोल चालकको छेउमा सार्नुहोस्: Settings > Connected Devices > Connection Preferences > Android Auto मा गएर चालक बस्ने स्थान (Driver seat location) सेट गर्नुहोस् ताकि म्युजिक नियन्त्रणहरू तपाइँलाई नजिक र सजिलै उपलब्ध होस्।

वालपेपर परिवर्तन गर्नुहोस्: Settings > Connected Devices > Connection Preferences > Android Auto > Use Phone’s Wallpaper in Android Auto विकल्प चयन गर्नुहोस्। यसले तपाइँको फोनको वालपेपरलाई नै गाडीको स्क्रिनमा देखाउनेछ। डिजिटल असिस्टेन्ट रोज्नुहोस्: नयाँ जेमिनी एआई झन्झटिलो लागेमा Manage Your Digital Assistant > Digital Assistants from Google > Google Assistant मा गएर पुरानो गुगल असिस्टेन्ट रोज्न सकिन्छ।

भिडियो प्लेब्याकका लागि AA Browser: गाडी पार्क गरीरहँदा भिडियो हेर्न डेभलपर मोड अन गरी ‘AAAD’ मार्फत AA Browser इन्स्टल गर्न सकिन्छ। यो ब्राउजर गाडी चल्न थालेपछि सुरक्षाका कारण आफैँ बन्द हुन्छ। वायरलेस सुविधा र ब्याट्री बचतका लागि: यदि तार (Wired) बाट मात्र चलाउन चाहनुहुन्छ भने: Settings > Apps & notifications > See all apps > Android Auto > Advanced > Additional settings in the app > About मा जानुहोस्। त्यहाँ रहेको Version मा १० पटक ट्याप गरी डेभलपर मोड अन गर्नुहोस् र Three-dot menu > Developer settings मा गई Wireless Android Auto लाई अनचेक गर्नुहोस्। स्क्रिन रिजोल्युसन सुधार्नुहोस्: डेभलपर मोडभित्रै रहेको Three-dot menu > Developer settings मा गएर Video resolution र DPI सेटिङ मिलाएर धुंधलो देखिएको स्क्रिनलाई स्पष्ट बनाउन सकिन्छ।

सर्वोच्च अदालतमा योग्यता नपुगेको व्यक्तिलाई महान्यायाधिवक्ता नियुक्त गरिएको भन्दै तीन फरक रिट निवेदनमा प्रारम्भिक सुनुवाइ सुरु भएको छ। न्यायाधीश कुमार रेग्मीको इजलासमा आठ र पाँच जना अधिवक्ताहरूले छुट्टाछुटै रिट निवेदन दायर गरेका छन्। महान्यायाधिवक्ता डा. नारायणदत्त कँडेलको निरन्तर १५ वर्ष वकालत अनुभव नपुगेको हुनाले उनीलाई पदमुक्त गर्न माग गरिएको छ। १० वैशाख, काठमाडौं।

योग्यता नपुगेको व्यक्तिलाई महान्यायाधिवक्ता नियुक्त गरिएको दाबी गर्दै दायर गरिएका तीन फरक रिट निवेदनमाथि सर्वोच्च अदालतमा प्रारम्भिक सुनुवाइ भइरहेको छ। न्यायाधीश कुमार रेग्मीको इजलासमा यी तीन फरक रिट निवेदन एकसाथ बहस भइरहेका हुन्। अधिवक्ता माधव बस्नेत, शिवराज बरालसहित आठ जनाले र अधिवक्ता दिपकराज जोशीसहित पाँच जनाले छुट्टाछुटै रिट निवेदन दायर गरेका थिए। ती निवेदनलाई सुरुमा सर्वोच्च अदालत प्रशासनले दर्ता गर्न अस्वीकार गरेको थियो। त्यसपछि एकल इजलासकै आदेशले दरपीठ आदेश बदर गरी रिट निवेदनहरू दर्ता भएका हुन्।

सर्वोच्च अदालतको न्यायाधीशको सरहमा मानिने महान्यायाधिवक्ताको लागि निरन्तर १५ वर्ष वकालत गरेको हुनु पर्ने व्यवस्था छ। महान्यायाधिवक्ता डा. नारायणदत्त कँडेल लामो समय बेलायतमा बस्दै व्यवसाय गरेका र निरन्तर १५ वर्षको वकालत अनुभव नपुग्ने भएकाले रिट निवेदनहरूमा उनलाई पदमुक्त गर्न माग गरिएको छ।

पूर्वमिस नेपाल निकिता चाण्डकलाई नेटफ्लिक्सको वेब सिरिज ‘ग्लोरी’मा देख्न सकिने भएको छ। चाण्डकले इन्स्टाग्राममार्फत मे १ देखि ‘ग्लोरी’ हेर्न आग्रह गरेकी छन् र यो उनको पहिलो वेब सिरिज हो। सिरिज थ्रिलर र बदलाको कथामा आधारित छ र एटोमिक फिल्म्सले निर्माण गरेको हो।

काठमाडौं। पूर्वमिस नेपाल तथा अभिनेत्री निकिता चाण्डकलाई नेटफ्लिक्सको वेब सिरिज ‘ग्लोरी’मा देख्न सकिने भएको छ। चाण्डकले आफैं इन्स्टाग्राममार्फत यस सम्बन्धमा जानकारी दिएकी छन्। यो हिन्दी वेब सिरिज निकिताको डेब्यु हुनेछ, जसलाई १ मे देखि नेटफ्लिक्समा स्ट्रिमिङ गरिनेछ। निकिताले इन्स्टाग्राममा लेखेकी छन्, ‘मेरो लागि यो ‘रेड सिजन’ जस्तो देखिँदैछ, सायद यो मेरो ‘नेटफ्लिक्स सिजन’ भएकाले। मे १ देखि नेटफ्लिक्समा ‘ग्लोरी’ हेर्नुहोस्। यो मेरो पहिलो वेब सिरिज हो।’

पोस्टमा उनलाई बधाई र शुभकामनाका प्रतिक्रिया आइरहेका छन्। यो सिरिजलाई एटोमिक फिल्म्सले निर्माण गरेको हो र थ्रिलर तथा बदलाको कथामा आधारित रहेको देखिन्छ। यद्यपि, सिरिजमा निकिताको भूमिका के कस्तो र कति लामो छ भन्ने कुरा उनले खुलाएकी छैनन्।

निकिता नेपालको चर्चित मोडल, अभिनेत्री तथा सौन्दर्य प्रतियोगिता विजेता हुन्। उनले मिस नेपाल २०१७ जितेकी थिइन् र सोही वर्ष मिस वर्ल्डमा नेपाल प्रतिनिधित्व गरेकी थिइन्। उनले अभिनय यात्रा नेपाली फिल्म ‘साङ्लो’ बाट सुरु गरेकी हुन्। पछिल्ला वर्षमा उनी भारतको मुम्बईमा बसोबास गर्दै अभिनय, विज्ञापन र डिजिटल प्रोजेक्टमा सक्रिय छिन्। गत वर्ष उनले संजयलीला भन्सालीको आगामी फिल्ममा अभिनय गर्ने बताएकी थिइन्। उनले राजकुमार रावसँगै एक विज्ञापन फिल्ममा पनि अभिनय गरेकी छन्। उनले अभिनय गरेको पछिल्लो नेपाली फिल्म ‘राजागञ्ज’ हो, जसलाई निर्देशक दीपक रौनियारले निर्देशन गरेका हुन्। यो फिल्म भेनिसमा वर्ल्ड प्रिमियर भएको थियो।

१० वैशाख, गोक्षो, सोलुखुम्बु। जलवायु न्यायका लागि हिमाली र पर्वतीय राष्ट्रहरूको नेतृत्व नेपालले गर्नुपर्ने विषयमा ९ बुँदे गोक्षो घोषणापत्र जारी गर्दै खुम्बु क्षेत्रमा जलवायु सम्मेलन सम्पन्न भएको छ। विश्व पृथ्वी दिवसको अवसरमा बुधबार गोक्षोमा आयोजित सम्मेलनपछि घोषणापत्र जारी गरिएको हो। सो घोषणापत्रमा जलवायु कूटनीति सुदृढीकरण गर्न र अन्तर्राष्ट्रिय मञ्चहरूमा हिमाली मुद्दालाई प्राथमिकताका साथ उठाउनुपर्ने उल्लेख छ।

सोलुखुम्बुको खुम्बु पासाङ्ल्यामु गाउँपालिका र जलवायु न्याय तथा पर्यटन विकासमा सक्रिय संस्था मिलेर आयोजना गरेको गोक्षो जलवायु सम्मेलनपछि घोषणापत्र जारी गरिएको हो। विषयगत विज्ञसहित काठमाडौँदेखि लुक्ला-नाम्चे-खुम्जुङ-मचेर्मो हुँदै टोली गोक्षो पुगेको थियो। प्रतिनिधिसभाका पूर्व उपसभामुख तथा सांसद इन्दिरा रानाले घोषणापत्र पढ्दै नागरिक तहबाट जलवायु न्यायका लागि सरकारलाई दबाब दिने काम गरेकोमा आयोजकप्रति धन्यवाद व्यक्त गरिन्।

‘जलवायु परिवर्तनले ल्याएको समस्या रोक्न सरकार एक्लैले सक्दैन। प्रभावित क्षेत्रमा पुगेर नागरिकसँग सहकार्य गर्नुपर्छ,’ उनले भनिन्, ‘सरकार र संसदले यो घोषणापत्रका सुझावहरूलाई ध्यान दिनुपर्छ।’ हिमनदी विज्ञ अरूणभक्त श्रेष्ठले हिमताल फुट्ने जोखिमका विषयमा संबोधन गर्न यो सम्मेलन महत्वपूर्ण भएको बताए। सम्मेलनमा सहभागी युवा नेतृ टासी लाजुम, नवीकरणी ऊर्जा अनुसन्धानकर्ता कुशल गुरुङ, अधिकारकर्मी समा श्रेष्ठ, अधिवक्ता सारोज घिमिरे, सञ्चारकर्मी बबिता बस्नेतसहितले घोषणापत्रका बुँदा पढ्दै सहमति जनाएका थिए।

टोलीले खुम्जुङमा महिलाहरूसँग सामुदायिक संवाद र घरपरिवार सर्वेक्षण गरेको थियो भने जलवायु परिवर्तनले ल्याएका खतराबारे गोक्षोमा अवस्थित हिमतालहरूको अवलोकन गरेको थियो। घोषणापत्रमा वर्तमान ऊर्जा संकट निवारण र समाधान गर्न लैंगिक संवेदनशील र वातावरणमैत्री दिगो ऊर्जा समाधान अपनाउन सरकारलाई सुझाव दिइएको छ। यस घोषणापत्रसहितको अध्ययन प्रतिवेदन स्थानीय गाउँपालिका, प्रदेश र संघीय सरकार तथा नीतिगत व्यवस्थापनका लागि संघीय संसदलाई पनि बुझाइने आयोजक संस्था बाल कृष्ण बस्नेतले जानकारी दिए।

‘स्थानीय तहसँग सहकार्य गरेर जलवायु परिवर्तनको प्रभाव प्रत्यक्ष बुझ्ने काम भएको छ। गोक्षो क्षेत्रमा हिमतालबाट जोखिम बढेको विज्ञहरूले बताएका छन्,’ बस्नेतले भने। घोषणापत्रमा जलवायु कार्यलाई न्यायपूर्ण, समावेशी र अधिकारमा आधारित बनाउन प्रतिबद्धता व्यक्त गरिएको छ र सबै तहमा महिला, आदिवासी, युवा तथा सीमांतकृत समुदायको अर्थपूर्ण सहभागिता सुनिश्चित गर्नुपर्ने सुझाव छ। साथै, नेपाल पर्वतारोहण संघ, विद्युतीय गाडी बीवाईडी, एनसीएल, नेपाल एयरलाइन्स, टानसहितका संस्थाहरूसँग सहकार्य गरी सम्मेलन गरिएको छ।

नेपाली कथानक फिल्म ‘एलिफेन्ट्स इन द फग’ पहिलो पटक ७९औँ कान्स फिल्म महोत्सवको ‘अन सर्टेन रिगार्ड’ खण्डमा चयन भएको छ। यस फिल्ममा किन्नर समुदायकी अगुवा ‘पिरती’को कथा प्रस्तुत गरिएको छ, जसले छोरी खोज्न प्रेम र जिम्मेवारीबीचको द्वन्द्व सामना गर्नुपर्छ। निर्देशक अविनाशविक्रम शाहले फिल्मलाई इमानदारीपूर्वक तयार पारेको र दर्शकको प्रतिक्रिया जान्न उत्साहित रहेको बताएका छन्।

फिल्मका निर्माता अनुप पौडेलले भने, ‘सपना पूरा भएको जस्तो महसुस हुँदैछ।’ यो पहिलो पटक हो जब कुनै नेपाली कथानक फिल्म कान्समा चयन भएको हो। अविनाशविक्रम शाहले लेखन र निर्देशन गरेको यो फिल्म जंगलको बीचमा रहेको एक सानो नेपाली गाउँको कथा हो, जहाँ जंगली हात्तीहरू बसोबास गर्छन्। फिल्मले किन्नर समुदायकी अगुवा ‘पिरती’को जीवनको संघर्षलाई देखाउँछ।

शाहले भने, ‘यो धेरै वर्षको मेहनतको परिणाम हो। फिल्ममा ट्रान्स महिला आमाको कथा छ। दर्शकले पात्र र उनी प्रतिनिधित्व गर्ने समुदायलाई कसरी ग्रहण गर्छन् भन्नेबारे जान्न उत्साहित छु।’ सन् २०२२ मा शाह र पौडेल छोटो फिल्म ‘लोरी’ लिएर कान्स पुगेका थिए, जसले ‘स्पेशल मेन्सन’ पाएको थियो।

निर्माताले नेपालभर एलजीबीटीआईक्यू समुदायसँग काम गर्ने व्यक्तिहरूसँग सम्पर्क गरेर ट्रान्स कलाकार खोज्न झण्डै दुई वर्ष लागेको बताएका छन्। फिल्मको विश्व प्रिमियर पछि नेपालमा रिलिज गर्ने तयारी छ। निर्माता टोलीले अन्य अन्तर्राष्ट्रिय महोत्सवमा पनि लैजाने योजना बनाएको छ। शाह र पौडेलले नयाँ फिल्मकर्मीलाइ सन्देश दिएका छन्, ‘आफ्नो काम जारी राख्नुस्, इमानदार बन्नुस्।’

१० वैशाख, इलाम । २०५० सालमा हरिबहादुर तामाङले पसल सुरु गर्दा इलामको फिक्कल बजार अहिले जस्तो भीडभाड थिएन। साँघुरो सडक, सानो बस्ती र साना घरहरु थिए। उनले भने, ‘गाउँमा सडक थिएनन्। बजारमा खाजा पसल कम थिए। हिँडेर आउनेहरु मेरो पसलमै खाजा र खाना खान्थे।’ उहाँ सूर्योदय नगरपालिका–१० स्थित फिक्कल बजारमा तीन दशकदेखि मिठाई पसल निरन्तर सञ्चालन गर्दै आउनुभएको छ। स्वदेशमै मेहनत गरि मिठाई बेचेर खुसी कमाइरहनुभएको उहाँ बताउनुहुन्छ। बिहानदेखि ०५८ सालसम्म उहाँको व्यापार फस्टायो। सोही अवधिमा तराईमा घर किनियो। फिक्कल नजिकै नयाँचोकमा तीन ठाउँ जमिन पनि जोडी। दुई छोरीलाई पढाएर अमेरिका र अस्ट्रेलिया पठाउन सफल हुनुभयो। कान्छी छोरीलाई काठमाडौँमै राखेर चार्टर एकाउन्टेन्ड र बिएबीएस पढाउने खर्च पनि यो पसलले चलाइरहेको छ। ‘झापाको विर्तामोडमा जोडेको घर, नयाँचोकमा जमिनहरु सबै त्यतिबेलाको व्यापारले सम्भव भयो’, उहाँले भन्नुभयो, ‘०५० सालमा फिक्कल आएर २२ हजार लगानीमा पसल सुरु गरेँ। महिनाको २०० भाडा तिर्नुपथ्र्यो। पाँच रुपैयाँमा पेट भर्ने खाजा बेच्दा पनि पैसा कमाइयो। छोरीहरुलाई स्थिरता दिएको छु। मिठाई बेचेर खुसी कमाएको छु।’ अहिले पनि उहाँको पसल (जनता मिष्ठान्न भण्डार) चलिरहेको छ, तर त्यो बेला जस्तो नाफा छैन। तामाङ भन्छन्, ‘महँगी बढेको छ। सामान किन्ने क्रममा छु। मान्छे आइरहेका छन्, तर प्रतिस्पर्धा धेरै छ। पसल धेरै छन्। तथापि ६०–७० हजार बचत गर्न सक्छु।’ उनले आफ्नो इमानदार सोच र निरन्तर श्रमले तीन छोरीको उज्ज्वल भविष्य बनाएको बताए। ‘जेठी छोरीलाई काठमाडौँमा नर्सिङ पढाएर अमेरिका पठाएँ, मध्यकी छोरी अस्ट्रेलियामा छिन् र कान्छी काठमाडौँमै चार्टर एकाउन्टेन्ड र बिएबीएस पढ्दैछिन्। मलाई सन्तोष छ’, उनले भावुक हुँदै भने। छोरीहरूको पढाइका लागि उनले बिर्तामोडमा बनाएको घर नै बिक्री गरेको पनि बताए। समयसँगै व्यापारको स्वरूप परिवर्तन भयो। पहिले फिक्कलस्थित पशुपतिनगर स्टेनस्थित पसल फिक्कल बजारको इलाम स्टेन मुनि सरेको २० वर्ष भयो। खाजाको मूल्य पाँच रुपैयाँबाट बढेर १५० पुगेको छ। समोसा, सेलरोटी, पुरीदेखि लड्डु, खुर्मा, रसबरी, जेरी र भुजिया लगायतका परिकार पाइने पसलमा अहिले दुई जना कर्मचारी छन्। उनले भने, ‘प्रतिस्पर्धा धेरै बढेको छ, ग्राहकको बानी फेरिएको छ। अहिले जाँडरक्सी बेच्ने धेरै छन्, तर मैले कहिल्यै मदिरा, सुर्ती, चुरोट बेचिनँ।’ २०४२ तिर उनी झापाको काँकडभिट्टामा रिक्सा चलाउँथे। छ सय मजदुरको विश्वास जित्दै रिक्सा सङ्घको कोषाध्यक्ष बनेका थिए। केही समय होटलमा पनि काम गरेर मिठाई पसल सुरु गरेको बताए। अहिले पनि आफ्नो पसलमै व्यस्त छन्। उमेर ढल्कँदै गए पनि कामप्रतिको लगाव उस्तै छ। ‘काम नगरी हुँदैन, तर अहिलेका केटाकेटीले यस्ता मेहनत गर्न चाहँदैनन्’, उहाँ बताउनुहुन्छ। ऐतिहासिक गोर्खे बजार त्यो बेलाको व्यापारिक केन्द्र थियो। त्यहाँबाट सामान किनमेल गर्न भारी बोकेर आउजाउ गर्नुपर्थ्यो। ‘बिहानै भारी बोकेर फिक्कल हिँडिन्थ्यो। हामी हरिको मिठाई पसलमा पुगेर खाजा खाने भन्दै जान्थ्यौं। यी मानिस पुराना हुन्। अहिले पनि त्यसैगरी व्यापार गर्छन्’, गोर्खेका ७६ वर्षीय वीरबहादुर राईले सुनाए, ‘अहिले पनि फिक्कल जाँदा हरिको पसलमा समोसा नखाई फर्किंदिनँ।’

काठमाडौंको वायु प्रदूषण आज अत्यन्त अस्वस्थ स्तरमा पुगेको छ र वायु गुणस्तर सूचकांक (एक्युआई) २४७ पुगेको छ। वर्तमानमा नेपाल विश्वका प्रदूषित देशहरूमा दोस्रो स्थानमा रहेको छ, जहाँ पहिलो स्थान पाकिस्तानको छ। नेपाल सरकारको सूचकांक अनुसार एक्युआई २०१–३०० लाई धेरै अस्वस्थ र ३०१ माथि खतरनाक मानिन्छ।

१० वैशाख, काठमाडौं। काठमाडौंको वायु प्रदूषण अत्यन्त खराब अवस्थामा पुगेको छ। आज उपत्यकामा वायु प्रदूषणले धेरै अस्वस्थ स्तर पार गरेको छ। स्विट्जरल्याण्डको IQAir बाट रियल टाइममा मापन गर्दा आज बिहान वायु गुणस्तर सूचकांक (एक्युआई) २४७ पुगेको थियो, जुन समाचार तयार पार्ने समयमा २१६ मा झरेको छ। एक्युआई २०१ देखि ३०० धेरै अस्वस्थ स्तर मानिन्छ।

नेपाल अहिले विश्वका प्रदूषित देशहरूको सूचीमा दोस्रो स्थानमा छ, जहाँ पाकिस्तान पहिलो स्थानमा छ। राजधानी काठमाडौं उपत्यकामा बाक्लो तुवाँलो देखिएको छ। नेपाल सरकारले स्वीकृत गरेको वायु गुणस्तर सूचकांक अनुसार ०–५० राम्रो, ५१–१०० मध्यम, १०१–१५० संवेदनशील समूहका लागि अस्वस्थ, १५१–२०० अस्वस्थ, २०१–३०० धेरै अस्वस्थ र ३०१ माथि खतरनाक स्तर मानिन्छ।

१० वैशाख, काठमाडौं । कालीमाटी फलफूल एवं तरकारी बजार विकास समितिले आजका लागि कृषि उत्पादनको थोक मूल्य निर्धारण गरेको छ । समितिका अनुसार गोलभेँडा ठूलो (भारतीय) प्रतिकिलो ८०, गोलभेँडा सानो (लोकल) प्रतिकिलो ५०, गोलभेँडा सानो (भारतीय) प्रतिकिलो ५५, गोलभेँडा सानो (तराई) प्रतिकिलो ६५, आलु रातो प्रतिकिलो २६ र आलु रातो (भारतीय) प्रतिकिलो २५, प्याज सुकेको (भारतीय) प्रतिकिलो ३७ रहेको छ । यसैगरी, गाजर (लोकल) प्रतिकिलो ६०, गाजर (तराई) प्रतिकिलो ३०, बन्दा (लोकल) प्रतिकिलो ४५, बन्दा (तराई) प्रतिकिलो ३०, काउली स्थानीय प्रतिकिलो ३०, काउली स्थानीय (ज्यापु) प्रतिकिलो ४०, सेता मूला प्रतिकिलो ३०, सेतो मूला (हाइब्रिड) प्रतिकिलो ३०, भन्टा लाम्चो प्रतिकिलो ५० र भन्टा डल्लो प्रतिकिलो ६० कायम भएको छ ।

त्यसैगरी, बोडी (तने) प्रतिकिलो ५०, मटरकोसा प्रतिकिलो ६०, घिउ सिमी (लोकल) प्रतिकिलो ३०, घिउ सिमी (हाइब्रिड) प्रतिकिलो ३०, राजमा प्रतिकिलो ११०, भटमास कोसा प्रतिकिलो १८०, तीते करेला प्रतिकिलो ९०, लौका प्रतिकिलो ३०, परवर प्रतिकिलो ८०, परवर (तराई) प्रतिकिलो ८०, चिचिन्डो प्रतिकिलो ५० रुपैयाँ रहेको छ । घिरौँला प्रतिकिलो ३०, फर्सी पाकेको प्रतिकिलो ६०, हरियो फर्सी (लाम्चो) प्रतिकिलो ३०, हरियो फर्सी (डल्लो) प्रतिकिलो २५, भिन्डी प्रतिकिलो ६०, बरेला प्रतिकिलो ६०, सखरखण्ड प्रतिकिलो ७५, पिँडालु प्रतिकिलो ५० र स्कुस प्रतिकिलो ६० कायम गरिएको छ ।

रायोसाग प्रतिकिलो ६०, पालुङ्गो प्रतिकिलो १००, चमसुर प्रतिकिलो ८०, तोरीसाग प्रतिकिलो ४०, मेथी प्रतिकिलो ८०, हरियो प्याज प्रतिकिलो ८०, बकुला प्रतिकिलो ६०, च्याउ (कन्य) प्रतिकिलो २२८०, च्याउ (डल्ले) प्रतिकिलो ३५०, राजा च्याउ प्रतिकिलो ३०० र सिताके च्याउ प्रतिकिलो १,००० निर्धारण गरिएको छ । कुरिलो प्रतिकिलो ४५०, निगुरो प्रतिकिलो ८०, ब्रोकाउली प्रतिकिलो ८०, चुकन्दर प्रतिकिलो ५०, कोइराला प्रतिकिलो ३००, रातो बन्दा प्रतिकिलो ५०, जिरीको साग प्रतिकिलो ८०, ग्याठकोभी प्रतिकिलो ५०, पार्सले प्रतिकिलो १९०, सेलरी प्रतिकिलो १८०, सौफको साग प्रतिकिलो ८०, पुदिना प्रतिकिलो १००, गान्टेमुला प्रतिकिलो ५०, इमली प्रतिकिलो १८०, तामा प्रतिकिलो १५०, तोफु प्रतिकिलो १५० र गुन्द्रुक प्रतिकिलो २५० तोकिएको छ । स्याउ (झोले) प्रतिकिलो २५०, स्याउ (फुजी) प्रतिकिलो ३००, कागती प्रतिकिलो ३९०, केरा दर्जन २५०, अनार प्रतिकिलो ४००, अङ्गुर (हरियो) प्रतिकिलो २४०, अङ्गुर (कालो) प्रतिकिलो ३८०, तरबुजा हरियो प्रतिकिलो ४५, भुइँकटहर प्रतिगोटा २५० रुपैयाँ तोकिएको छ । काँक्रो (लोकल) प्रतिकिलो ४०, काँक्रो (हाइब्रिड) प्रतिकिलो १५, काँक्रो (लोकलक्रस) प्रतिकिलो ४०, खकटहर प्रतिकिलो ८०, नासपाती (चाइनिज) प्रतिकिलो २५०, मेवा (नेपाली) प्रतिकिलो ८०, मेवा (भारतीय) प्रतिकिलो ९० र किबी प्रतिकिलो ४५० र एभोकोडो प्रतिकिलो ८०० निर्धारण गरिएको छ । यसैगरी, अदुवा प्रतिकिलो १००, सुकेको खुर्सानी प्रतिकिलो ४५०, खुर्सानी (हरियो) प्रतिकिलो १००, खुर्सानी हरियो (बुलेट) प्रतिकिलो ८०, माछे खुर्सानी प्रतिकिलो ८०, खुर्सानी अकबरे प्रतिकिलो ५००, भेडे खुर्सानी प्रतिकिलो ८०, हरियो लसुन प्रतिकिलो ८० रुपैयाँ रहेको छ । हरियो धनियाँ प्रतिकिलो ८०, लसुन सुकेको (चाइनिज) प्रतिकिलो २००, लसुन सुकेको (नेपाली) प्रतिकिलो १३०, माछा सुकेको प्रतिकिलो १,०००, ताजा माछा (रहु) प्रतिकिलो ३४०, ताजा माछा (बचुवा) प्रतिकिलो ३१० र ताजा माछा (छडी) प्रतिकिलो ३०० निर्धारण गरिएको छ ।

मार्तडी-कोल्टी सडक खण्डको कालोपत्रको काम ठेकेदार पीएस बानियाँ निर्माण सेवाले समयमा पूरा नगरेको कारण पूर्वाधार विकास कार्यालय अछामले यस कामलाई अलपत्र अवस्थामा राखेको जनाएको छ। गत आर्थिक वर्षमा १५ करोड रुपैयाँको बजेटमा काम सम्पन्न नभएकोले १३ करोड ५० लाख रुपैयाँ बजेट फिर्ता पठाउनुपर्ने स्थिति आएको छ भने चालु आर्थिक वर्षमा २० करोड रुपैयाँ बजेट रहे पनि काम सुरु हुन नसकेको कार्यालय प्रमुख जङ्गबहादुर थापाले जानकारी दिनुभयो।

मार्तडी-कोल्टी सडक ४१ किलोमिटर लामो छ र १ अर्ब ५७ करोड बराबरको तीन प्याकेजमा टेन्डर भइसकेको छ, तर २६ वर्ष बित्दा पनि सडक निर्माण पूरा गर्न सकिएको छैन। १० वैशाख, बाजुरा। बाजुराको मार्तडी-कोल्टी सडक खण्डअन्तर्गत ढम्कनेदेखि कोल्टीसम्म कालोपत्रको काम हाल अलपत्र अवस्थामा रहेको छ। निर्माण कम्पनीले समयमै काम नगरेको भन्दै पूर्वाधार विकास कार्यालय अछामका प्रमुख जङ्गबहादुर थापाले बताउनुभएको छ।

काम संचालक पीएस बानियाँ निर्माण सेवाले समयमा काम नगरेको र बजेट वार्षिक रूपमा फिर्ता पठाइने काम भइरहेको कार्यालयले जनाएको छ। गत आर्थिक वर्षमा १५ करोड रुपैयाँ बजेटको काम समयमा सम्पन्न नभएपछि १३ करोड ५० लाख रुपैयाँ फिर्ता हुन पुगेको थियो। यस आर्थिक वर्षमा भने २० करोड रुपैयाँ बजेट रहे पनि ठेकेदारले काम सुरु नगरेको तथ्य कार्यालय प्रमुख थापाले स्पष्ट पार्नुभयो।

पीएस बानियाँ निर्माण सेवा नेपाली कांग्रेसका नेता इन्द्रबहादुर बानियाँको नाममा छ। उहाँ बागमती प्रदेश सभाका सदस्य तथा नेपाली कांग्रेस बागमती प्रदेशका सभापति हुनुहुन्छ। पीएस बानियाँ निर्माण सेवाका प्रतिनिधि तथा इन्जिनियर सरोज राईले विभिन्न कारणहरूले गर्दा काम हुन नसकेको स्वीकार गर्दै मेसिनहरू स्थलबाट हटाइएको र केही दिनभित्र काम सुरु हुने जानकारी दिनुभयो।