Skip to main content

लेखक: space4knews

फिफा विश्वकप २०२६ मा आठ दाजुभाइ जोडी सहभागि, चार जोडी फरक-फरक देशबाट खेल्ने

Written by space4knews on . Posted in खेलकुद. फिफा विश्वकप २०२६ मा आठ दाजुभाइ जोडी सहभागि, चार जोडी फरक-फरक देशबाट खेल्ने मा कुनै टिप्पणी छैन

सन् २०२६ को फिफा विश्वकपमा आठ दाजुभाइ जोडीले समान वा फरक राष्ट्रिय टोलीबाट सहभागि हुने भएका छन्। तीमध्ये चार जोडी दाजुभाइले फरक–फरक देश रोजेका छन्, जसमा घाना र स्पेनबाट खेल्ने विलियम्स दाजुभाइ पनि रहेका छन्। एउटै देशबाट खेल्नेमा फ्रान्सका हर्नान्डेज र नेदरल्यान्ड्सका टिम्बर दाजुभाइ छन्, जसले नकआउट चरणमा आमनेसामने हुने सम्भावना राख्छन्। २४ जेठ, काठमाडौं।

सन् २०२६ को फिफा विश्वकपमा एउटा दुर्लभ पारिवारिक कथा प्रस्तुत हुने छ, जहाँ आठ दाजुभाइ जोडी विभिन्न राष्ट्रिय टिमहरूबाट प्रतिस्पर्धामा सहभागी हुनेछन्। यी मध्ये केही दाजुभाइ एउटै टिममा खेल्नेछन् भने केहीले फरक–फरक देशको प्रतिनिधित्व गर्दै एकअर्काविरुद्ध खेल्न सक्नेछन्। सबैभन्दा रोचक पक्ष के छ भने चार जोडीले फरक राष्ट्र रोजेका छन्, जसले पारिवारिक सम्बन्ध र राष्ट्रिय पहिचानबीचको आधुनिक फुटबलको जटिलता झल्काउँछ।

फ्रान्स र आइभरी कोस्टका लागि क्रमशः खेल्ने डिजायर डुए र गुएला डुए यी सूचीका प्रमुख नाम हुन्। गुएलाले आइभरी कोस्टबाट खेल्दै २० खेलमा ३ गोल गरेका छन् भने डिजायरले फ्रान्सका लागि ६ खेलमा २ गोल गरेका छन्। केही दिनअघि भएको खेलमा गुएलाले फ्रान्सविरुद्ध उत्कृष्ट प्रदर्शन गर्दै जितमा महत्वपूर्ण भूमिका खेलेका थिए। सबैभन्दा चर्चित जोडी इङ्ल्यान्डमा आधारित विलियम्स दाजुभाइ हुन्। इन्जाकी विलियम्सले घानाको प्रतिनिधित्व गरेका छन् भने उनका भाइ निको विलियम्सले स्पेनका लागि खेल्दै युरोकप २०२४ जितिसकेका छन्।

अन्य उदाहरणहरूमा घानाका डेरिक लकासेन र नेदरल्यान्ड्सका ब्रायन ब्रोबी छन्, जसले फरक–फरक राष्ट्रिय टोली छनोट गरेका छन्। त्यस्तै, स्कटल्याण्डका जोन साउटर र अष्ट्रेलियाका ह्यारी साउटर पनि फरक देशबाट खेल्ने दाजुभाइ हुन्। त्यस्तै केही दाजुभाइ एउटै देशबाट खेलिरहेका छन्। फ्रान्सका लुकास हर्नान्डेज र थियो हर्नान्डेज दुवै राष्ट्रिय टोलीका सदस्यहरू हुन्। नेदरल्यान्ड्सका क्विन्टेन र जुरिएन टिम्बर पनि एउटै देशका लागि खेल्छन्। केप भर्डेका लारोस र डेरोय डुआर्टे तथा कुराकाओका लियान्द्रो र जुनिन्हो बाकुना पनि दाजुभाइ जोडीका रूपमा विश्वकपको यात्रा गर्दैछन्। समूह चरणको ‘ड्र’ अनुसार फरक देश रोजेका दाजुभाइहरू प्रारम्भिक चरणमा एकअर्कासँग भिड्ने सम्भावना छैन। तर नकआउट चरणमा पुग्दा मात्र उनीहरू आमनेसामने हुन सक्छन्।

सगरमाथाको चुचुरोमा पुग्दा स्वर्गीय अनुभूति

Written by space4knews on . Posted in बिजनेस. सगरमाथाको चुचुरोमा पुग्दा स्वर्गीय अनुभूति मा कुनै टिप्पणी छैन

नेपाली गाइड र अमेरिकी भ्लगर ज्याण्डरले जेठ १० गते राति क्याम्प ४ बाट आफ्नो यात्रा सुरु गरी भोलिपल्ट बिहान ६ बजे सगरमाथाको चुचुरोमा पुग्न सफल भए। हिमालसँग पहिला देखि नै राम्ररी परिचय रहेको थियो। ६ हजारदेखि ७ हजार मिटरसम्मका आठ वटा हिमाल चढिसकेका थिएँ। विश्वकै सर्वोच्च शिखर तर्फ पाइला अघि बढाउन पाउँदा उत्साह अलग प्रकारको थियो। त्यसैगरी मनमा डर पनि उत्तिकै थियो। जेठ १० गते राति १० बजेतिर हामी क्याम्प ४ छाडेर अगाडी बढ्यौं। सगरमाथाको चुचुरो तर्फ उकालो लाग्ने अरू धेरै मानिसहरू पनि थिए। सगरमाथाको चुचुरोमा पुग्ने समयको कल्पना गर्दा मनमा अत्यधिक आनन्द हुन्थ्यो। तर त्यो लक्ष्य त्यति सजिलो थिएन। अनेकौँ कठिनाईसँग जुझ्न बाँकी थिए। लक्ष्य भन्दा निकै टाढा थियौं। अन्य दिनभन्दा त्यो दिन हावाको वेग बढी थियो। यसले यात्रालाई अझ कठिन बनाएको थियो। मेरो मुख्य जिम्मेवारी केवल आफू पुग्नु मात्र थिएन। संसारको उच्चतम शिखर चुम्ने लक्ष्य लिएर नेपाल आएका अमेरिकी पर्यटक ज्याण्डरलाई माथि पुर्‍याउनु थियो। ३६ वर्षीय ज्याण्डर एक चर्चित भ्लगर हुन्। उनी साहसी र उत्साहित देखिन्थे। सगरमाथा चढ्न करिब दुई महिना अघिदेखि बेस क्याम्प पुगेर तयारी गरिरहेका थियौं। उत्साहसँगै पुग्न सकिन्छ कि सकिँदैन भन्ने डर मनमा थियो। हरेक वर्ष धेरै मानिस सगरमाथाको चुचुरोमा पुग्छन्। धेरै असफल भएर फर्किन्छन्। कतिले यही आफ्नो ज्यान गुमाउँछन्। अरुको सफल चढाइ सुन्दा सामान्य लागे पनि यो यात्रा निकै चुनौतीपूर्ण हुन्छ। हरेक क्षण मृत्युसँग लड्दै अगाडी बढ्नुपर्छ। उकालो चढ्दै गर्दा धेरैलाई थकाइले सिथिल भएर बसेको भेटिन्छ। केहीले माथि चढ्ने हिम्मत गुमाएर फर्किरहेका हुन्छन्। कति बिरामी पर्छन्। कतिपय ठाउँमा शव लगभग लडिरहेको समेत देखिन्छ। त्यो दृश्यले सबैलाई सिहर पुर्याउँछ। केही दिनअघि क्याम्प २ बाट क्याम्प ३ जाने बाटोमा आफ्नै आँखापछि एउटा गाइडको मृत्यु भयो। एमपीसी २ ठाउँमा त्यो शेर्पा चिप्लिएर तल खसेर त्यही मृत्यु भयो। यसले ठूलो डर दियो तर सतर्क पनि बनायो। ‘सानो असावधानीले पनि ज्यान जान सक्छ’ भन्ने सम्झना भयो। हावा बढी भएकाले हाम्रो यात्रा अझ कठिन थियो। सास फेर्न गाह्रो, अनुहार मा हावाको वेगले पोल्ने, दुख्ने जस्ता समस्याहरु थिए। थकाईले शरीर तन्किरहेका थिए। माथि पुगेर फर्कनेहरूलाई अब कति बाँकी छ सोध्ने गर्थ्यौं। हिलारी स्टेप भन्दा केही तल ट्यांगुलर रकमा पुगेपछि ज्याण्डरले अलिकति हरेस देखाए। उनले अब सकिँदैन होला, फर्किनुपर्छ कि भनि कुरा गर्न थाले। तर लक्ष्य नजिक थियो। एक घण्टा को आसपासमा हामी माथि पुग्न सक्छौं भन्ने खबर फर्कनेहरूले दिएका थिए। मैले उनको अक्सिजन बढाएँ, चकलेट खुवाएँ। यसैगरी उनले यस यात्रा गर्न यहाँसम्म आएको कुरा सम्झाएँ। त्यो सपना अब धेरै नजिक छ भनेपछि उनले हिम्मत जुटाए। उज्यालो पनि हुन थालिसकेको थियो। निरन्तर अगाडि बढ्यौँ। बिहान ६ बजे उत्तिकै हामी सगरमाथाको चुचुरोमा पुगे। त्यो क्षण अद्भुत थियो। हामी विश्वकै सबैभन्दा अग्लो स्थानमा पुगेका थियौं। घामको किरणले हिमाल हृदयमा चम्किरहेको थियो। मौसम खुलेको थियो। हामीले एकअर्कालाई अँगालो हालेर धन्यवाद व्यक्त गर्यौं। ज्याण्डर र मेरो साथमा हाम्रो कम्पनीका फोटोग्राफरसहित थिए। त्यहाँ पुग्दा अन्य १५-२० जना पनि चुचुरोमा थिए। धेरैजसो खुशी हुँदै रमाउँदै फोटो खिचिरहेका थिए। थकाइले कारण केही व्यक्तिहरू लखतरान देखिन्थे। त्यो उचाइमा खुसीमा पनि सबै सुगमता अनुभव गर्न सकिरहेका थिएनन्। हिमाल यात्राका लागि सगरमाथाको चुचुरोमा पुग्नु भन्दा ठूलो खुशी अरू केही हुन सक्दैन। हामीले धेरै फोटो र भिडियो खिच्यौँ। चारैतिर नियाल्दै लामो समय घुम्यौं। नेपालतर्फ धेरै टाढा देखिन्थ्यो। अर्को तर्फ तिब्बत र चीनका टाढा भूभागहरू स्पष्ट र सुन्दर देखिन्थे। अहिलेसम्म कहाँ पुगेका थियौं त्यो भन्दा पृथक संसार देखियो। मैले सोचेँ-सायद संसारको स्वर्ग यही होला। खुशीले आँखा भिजेको महसुस भयो। उत्साहले गर्दा तलबाट उक्लिंदा लागेको सबै थकाइ मेटियो। करिब २० मिनेट बिताएर हामी फर्कियौँ। लक्ष्य प्राप्त भएपछि यात्रा सजिलो हुने रहेछ। अब तल पुगेर मनपर्ने भोजन खान र आराम गर्ने सोचले थकाइ महसुस भएन। करिब ४ घण्टामा हामी सुरक्षित रूपले क्याम्प ४ आइपुग्यौँ।

राष्ट्रिय स्वतन्त्र पार्टीले मधेशका पाँच जिल्लामा अधिवेशन सुरु गर्छ

Written by space4knews on . Posted in समाचार. राष्ट्रिय स्वतन्त्र पार्टीले मधेशका पाँच जिल्लामा अधिवेशन सुरु गर्छ मा कुनै टिप्पणी छैन

राष्ट्रिय स्वतन्त्र पार्टी (रास्वपा) ले मधेशका महोत्तरी, रौतहट, सिराहा, पर्सा र सर्लाही जिल्लामा आज नयाँ नेतृत्व चयन गर्ने तयारी गरेको छ। प्रतिनिधि विवादका कारण हिजो रोकिएका महोत्तरी र रौतहट जिल्लाको अधिवेशन पनि आज सञ्चालन हुँदैछ। जनकपुर उपमहानगरपालिकाको अधिवेशन विवादपछि आज पुनः गर्न लागिएकाले धनुषा जिल्लाको अधिवेशन २६ जेठका लागि सारिएको छ।

आजका लागि सिराहा, धनुषा, पर्सा र सर्लाही जिल्लाको अधिवेशन मिति तय गरिएको थियो, तर धनुषा जिल्लाको अधिवेशन आज हुने छैन। हिजो रोकिएका महोत्तरी र रौतहटका साथै थप तीन जिल्लाको अधिवेशन आज सञ्चालन हुने जानकारी मधेश संगठन विभाग प्रमुख कामिनी चौधरीले दिइन्।

अधिवेशन रोकिनुको कारण प्रतिनिधि विवाद रहेको मधेशबाट प्रतिनिधि सभा सदस्य रहेका एक सांसदले बताए। उनले भने, ‘वैशाख १५ पछि विभाग सदस्य बनेकालाई प्रतिनिधि बनाउन नमिल्ने पत्र आएको रहेछ। प्रतिनिधि छनोटको विषय हिजो मिलाउन समय नपुगेको कारण अधिवेशन स्थगित गरिएको हो।’

चौधरीले प्रक्रिया पूरा गर्न ढिलाइ भएका कारण महोत्तरी र रौतहटको अधिवेशन पनि आज गरिने जानकारी दिइन्। जनकपुर उपमहानगरपालिकाको अधिवेशन नगरी सो जिल्लाको अधिवेशन गर्न नसकिने हुँदा धनुषाको अधिवेशन रोकिएको छ। सम्भवत: जेठ २६ गते धनुषाको अधिवेशन हुनेछ भनी उनले बताइन्। बारा र सप्तरी जिल्लाको अधिवेशन मिति भने अहिलेसम्म निश्चित भएको छैन।

फिफा विश्वकप २०२६: अमेरिकी सरकारले इरानी खेलाडीलाई भिसा दिएको तर टिम स्टाफलाई दिन अस्वीकार गरेको आरोप

Written by space4knews on . Posted in समाचार. फिफा विश्वकप २०२६: अमेरिकी सरकारले इरानी खेलाडीलाई भिसा दिएको तर टिम स्टाफलाई दिन अस्वीकार गरेको आरोप मा कुनै टिप्पणी छैन

इरानले अमेरिकाले आफ्नो राष्ट्रिय फुटबल टोलीका केही प्रतिनिधिलाई भिसा दिन अस्वीकार गरेको आरोप लगाउँदै विभेदपूर्ण व्यवहार र विश्वकपको आयोजकको रूपमा आफ्नो दायित्व उल्लंघन गरेको आरोप लगाएको छ। इरानी सञ्चारमाध्यमका अनुसार अमेरिकाले इरानी प्रतिनिधिमण्डलका १५ जनालाई भिसा दिन अस्वीकार गरेको छ, तर त्यसमध्ये खेलाडीहरू समावेश छैनन्।

इरानी खेलाडीहरूलाई आगामी विश्वकपका लागि भिसा दिइएको वाशिङ्टनले पुष्टि गरेपछि केही घण्टामै इरानले आफ्नो टिमका “अभिन्न” सदस्यहरूलाई भिसा दिन अमेरिका अस्वीकार गरेको आरोप लगाएको हो। अमेरिकी अधिकारीहरूले जुन १५ मा लस एन्जलसमा हुने इरानको उद्घाटन खेलभन्दा १० दिन पहिले शुक्रबार सबै खेलाडी र “आवश्यक सहयोगी स्टाफ”लाई भिसा दिइएको बताएका छन्।

अमेरिकी अधिकारीहरूले भनेका छन् कि इरानलाई “झूटो बहाना गरी आतंकवादीलाइ अमेरिकामा लुक्न अनुमति नदिइने” प्रणाली दुरुपयोग गर्न दिइने छैन। टर्कीस्थित इरानी दूतावासले अमेरिकामाथि “खेलकुदमा राजनीतिक पूर्वाग्रहयुक्त हस्तक्षेप” गरेको पनि आरोप लगाएको छ।

२०२६ को विश्वकप तीन देश—अमेरिका, क्यानडा र मेक्सिको—ले संयुक्त रूपमा आयोजना गर्दैछन् जुन जुन ११ मा सुरु हुनेछ। इरानले सन् २०२५ को मार्चमा छनोट समूहमा शीर्ष स्थान हासिल गर्दै आफ्नो स्थान सुरक्षित गरेको थियो, अमेरिकासँग युद्ध सुरु हुनु भन्दा लगभग एक वर्ष अघि।

नेयमारले लेखे ‘द लास्ट डान्स’, विश्वकपपछि सन्यासको संकेत

Written by space4knews on . Posted in खेलकुद. नेयमारले लेखे ‘द लास्ट डान्स’, विश्वकपपछि सन्यासको संकेत मा कुनै टिप्पणी छैन

ब्राजिलका फुटबलर नेयमारले सन् २०२६ को फिफा विश्वकप आफ्नो अन्तिम खेल हुन सक्ने सङ्केत गर्दै सामाजिक सञ्जालमा “द लास्ट डान्स” लेखेका छन्। हाल साउदी अरेबियाको अल-हिलालबाट खेलिरहेका ३४ वर्षीय नेयमार सन् २०२३ अक्टोबरमा लागेको चोटका कारण लामो समयदेखि मैदान बाहिर छन्। क्यानडा, मेक्सिको र अमेरिकामा संयुक्त रूपमा आयोजना हुने सन् २०२६ को विश्वकपमा ब्राजिलले लगातार २३औं पटक सहभागिता जनाउँदैछ। २४ जेठ, काठमाडौं।

ब्राजिलका स्टार फुटबलर नेयमार जुनियरले सन् २०२६ को फिफा विश्वकप आफ्नो अन्तर्राष्ट्रिय करियरको अन्तिम प्रतियोगिता हुन सक्ने संकेत दिएका छन्। उनले यसलाई ‘द लास्ट डान्स’ भन्दै उल्लेख गरेका हुन्। यो टिप्पणी उनले फिफाको सामाजिक सञ्जाल पोस्टको कमेन्टमा गरेका थिए, जहाँ उनको ब्राजिल टोलीसँगको यात्रा देखाउने तस्बिरहरू राखिएको थियो। सो पोस्टमा ‘वी ह्याभ वाच्ड हिम ग्रो अप’ (हामीले उनलाई हुर्कँदै गरेको देख्यौं) भन्ने क्याप्सन थियो, जसको कमेन्टमा नेयमारले ‘द लास्ट डान्स’ लेखेका थिए।

यसअघि विभिन्न अन्तर्वार्ताहरूमा पनि नेयमारले सन् २०२६ को डिसेम्बरमा आफ्नो फुटबल करियर टुङ्ग्याउन सक्ने सम्भावना रहेको र यो विश्वकप नै आफ्नो अन्तिम प्रयास हुने बताउँदै आएका थिए। सन् २०२६ को विश्वकप क्यानडा, मेक्सिको र अमेरिकामा संयुक्त रूपमा आयोजना हुनेछ। ब्राजिलले भने यस प्रतियोगितामा आफ्नो लगातार २३औं सहभागिता जनाउँदैछ र अहिलेसम्म सबै संस्करणमा छनोट हुने एकमात्र देश पनि हो।

हाल ३४ वर्षका नेयमार चोटका कारण लामो समयदेखि मैदान बाहिर छन्। सन् २०२३ अक्टोबरमा उरुग्वे विरुद्धको विश्वकप छनोट खेलमा एसीएल (ACL) चोट लागेपछि उनी ब्राजिलका लागि खेल्न सकेका छैनन्। त्यसयता उनको पुनरागमन यात्रा निरन्तर चोटका समस्याले प्रभावित हुँदै आएको छ। उनी हाल साउदी अरेबियाको अल-हिलाल क्लबबाट खेलिरहेका छन् तर चोटका कारण लामो समय मैदान बाहिर रहनुपरेको छ। पछिल्लो चोटले समेत उनको विश्वकप सहभागितामाथि प्रश्न उठाएको छ।

नेयमारको विश्वकप यात्रा सन् २०१० मा दक्षिण अफ्रिकाबाट सुरु भएको थियो, जहाँ उनले अमेरिकाविरुद्ध आफ्नो पहिलो अन्तर्राष्ट्रिय गोल गरेका थिए। सन् २०१४ को ब्राजिल विश्वकपमा उनले घरेलु मैदानमा टोलीको मुख्य आशा बोकेका थिए तर कोलम्बियाविरुद्धको क्वार्टरफाइनलमा लागेको चोटले उनको प्रतियोगिता अन्त्य भएको थियो। सन् २०१६ मा उनले रियो ओलम्पिकमा ब्राजिललाई स्वर्ण पदक दिलाउँदै करियरको महत्वपूर्ण सफलता हात पारे। त्यसपछि २०१८ विश्वकपमा पनि उनी चोटपछि फर्किएर खेले तर ब्राजिल सेमिफाइनलभन्दा अघि बढ्न सकेन। अब २०२६ को विश्वकप उनको लागि अन्तिम अवसर बन्न सक्ने संकेतसँगै नेयमारको अन्तर्राष्ट्रिय करियरको अर्को महत्वपूर्ण अध्याय सुरु भएको देखिन्छ।

सातै प्रदेश सभामा संघ-प्रदेश समन्वय शाखा स्थापना गर्ने निर्णय

Written by space4knews on . Posted in समाचार. सातै प्रदेश सभामा संघ-प्रदेश समन्वय शाखा स्थापना गर्ने निर्णय मा कुनै टिप्पणी छैन

सुदूरपश्चिमको टीकापुरमा सम्पन्न अन्तर व्यवस्थापिका मञ्चको एघारौँ सम्मेलनले सातै प्रदेश सभामा सङ्घ–प्रदेश समन्वय शाखा स्थापना गर्ने निर्णय गरेको छ। तीन तहका व्यवस्थापिकीय कामकाजलाई नवप्रवर्तनमा आधारित बनाउन संघीय संसद अन्तर्गत एक व्यवस्थापिकीय प्रतिष्ठान स्थापना गरिने भएको छ। संसदीय बजेट निर्माणलाई प्रभावकारी बनाउन आगामी आर्थिक वर्ष भित्र संघीय संसद र प्रदेश सभामा संसदीय बजेट कार्यालय स्थापना गरिनेछ। २४ जेठ, काठमाडौं।

सातै प्रदेश सभामा संघ–प्रदेश समन्वय शाखा स्थापना गरिने भएको छ। सुदूरपश्चिम प्रदेशको टीकापुरमा सम्पन्न अन्तर व्यवस्थापिका मञ्चको एघारौँ सम्मेलनले यस्तो नीति निर्धारण गरेको हो। सम्मेलनपछि जारी गरिएको सन्देशपत्रमा, बुँदा नम्बर २ मा तहगत संसद र सभाबीच प्रभावकारी सहकार्य तथा अन्तर–आवद्धताबारे उल्लेख छ। त्यस अनुसार संघीय संसदसँग समन्वय गर्न सबै प्रदेश सभाले सङ्घ–प्रदेश समन्वय शाखा/इकाई स्थापना गर्ने जनाइएको छ।

साथै, अन्तर व्यवस्थापिका मञ्चको सचिवालयको कार्य संघीय संसद सचिवालयको प्रदेश सभा सम्पर्क तथा समन्वय शाखाले गर्ने पनि निर्णय गरिएको छ। तीनै तहका कानुन निर्माण र व्यवस्थापिका कामकारबाहीलाई अनुसन्धान, विकास र नवप्रवर्तनमा आधारित बनाउनुपर्ने भनिएको छ। त्यस्तै, सङ्घीय संसद, प्रदेश सभा र स्थानीय तहका जनप्रतिनिधि तथा कर्मचारीहरूको क्षमता अभिवृद्धि गर्न संघीय संसद अन्तर्गत एक व्यवस्थापिकीय प्रतिष्ठान स्थापना गर्न विशेष पहल गर्ने संकल्प गरिएको छ।

सरकारको नीति तथा कार्यक्रम, पूर्व बजेट छलफल र संसदीय बजेट निर्माण कार्यलाई प्रभावकारी र परिणाममुखी बनाउन आगामी आर्थिक वर्ष भित्र संघीय संसद र प्रदेश सभाबाट आवश्यक कानुनी व्यवस्था सहित संसदीय बजेट कार्यालय स्थापना गरिने विषय पनि समावेश छ। संघीय संसद र प्रदेश सभाका सदस्यहरूको कार्यगत दक्षता अभिवृद्धि गरेर कानुन तर्जुमा र संसदीय क्रियाकलापलाई गुणस्तरीय तथा प्रभावकारी बनाउने उद्देश्यले सदस्यहरूलाई आवश्यक सहयोगी कर्मचारी व्यवस्था गर्ने विषयमा सम्बन्धित निकायमा पहल गरिने उल्लेख छ। सङ्घ, प्रदेश र स्थानीय तहबीच उदाहरणीय विधायिकी अभ्यास तथा व्यवस्थापिकी कार्य कुशलता आदानप्रदान गर्न आवश्यक परे अन्तरक्रिया, छलफल र समीक्षा कार्यक्रम आयोजना गर्ने नीति पनि लिइएको छ।

नेपाल विद्युत् महसुल: ‘बिजुलीमा भ्याट’ लागे पनि के इन्डक्शन चुलो ग्यासभन्दा सस्तो पर्छ?

Written by space4knews on . Posted in समाचार. नेपाल विद्युत् महसुल: ‘बिजुलीमा भ्याट’ लागे पनि के इन्डक्शन चुलो ग्यासभन्दा सस्तो पर्छ? मा कुनै टिप्पणी छैन

‘बिजुलीमा भ्याट’ लागे पनि के इन्डक्शन चुलो त्यसैले ग्यास चुलोभन्दा सस्तो नै पर्छ? सरकारले हालै ५० युनिटभन्दा बढी बिजुली खपतमा थप कर लाग्ने नियम लागू गरेको छ। यसले गर्दा ग्यास चुलो र इन्डक्शन चुलो प्रयोग गर्दा कति खर्च हुन्छ भनेर धेरैको जिज्ञासा बढेको छ। नेपाल विद्युत् प्राधिकरणका इलेक्ट्रिकल इन्जिनियर प्रकाश बुढाका अनुसार, थप कर लागू भए पनि एलपीजी ग्यासको तुलनामा इन्डक्शन चुलो चलाउने खर्च कम नै पर्छ। यस विषयमा बिजुलीको प्रयोगबाट तिर्नुपर्ने शुल्क कसरी कम गर्ने भन्ने जान्नका लागि सृजना श्रेष्ठले तयार गरेको यो भिडियो अवश्य हेर्नुहोस्।

फुटबलमा राष्ट्रिय पहिचानमा आएको परिवर्तन

Written by space4knews on . Posted in खेलकुद. फुटबलमा राष्ट्रिय पहिचानमा आएको परिवर्तन मा कुनै टिप्पणी छैन

समाचार सारांश समीक्षा सम्पन्न। फिफाले नियम लचिलो बनाएपछि दोहोरो नागरिकता भएका खेलाडीहरूले आफ्नो राष्ट्रिय टोली परिवर्तन गर्ने प्रक्रिया तीव्र भएको छ। सन् २०२६ को विश्वकपमा खेलाडीहरूले जन्मभूमिबाट फरक देशको प्रतिनिधित्व गर्ने प्रवृत्ति बढ्ने अपेक्षा गरिएको छ। विश्वकपमा टोली संख्या ४८ पुगेपछि खेलाडीहरूले विश्वकप खेल्ने राष्ट्र रोज्न सक्ने विकल्प थप व्यापक भएको छ। २३ जेठ, काठमाडौं ।

आधुनिक फुटबलमा राष्ट्रिय टोली परिवर्तन गर्ने खेलाडीहरूको संख्या निरन्तर बढ्दै गएको छ। पारिवारिक सम्बन्ध, दोहोरो नागरिकता र विश्वकप खेल्ने अवसरका कारण धेरै खेलाडीहरूले जन्मभूमि वा हुर्किएको देशभन्दा फरक राष्ट्रको प्रतिनिधित्व गर्न थालेका छन्। सन् २०२६ को फिफा विश्वकप यस दृष्टिले सबैभन्दा रोचक संस्करण हुन सक्छ। एक देशमा जन्मिएका, अर्को देशमा फुटबल सिकेका र तेस्रो देशको राष्ट्रिय टोलीबाट खेल्ने प्रवृत्ति आधुनिक फुटबलको नयाँ यथार्थ बन्दै गएको छ।

फिफाले पछिल्ला वर्षहरूमा राष्ट्रिय संघ परिवर्तनसम्बन्धी नियमलाई लचिलो बनाएपछि यस्तो प्रवृत्ति अझ तीव्र भएको छ। अहिले उमेर समूहका आधिकारिक प्रतियोगिता खेलेका वा सीमित रूपमा सिनियर टोलीबाट खेलेका केही खेलाडीले निश्चित मापदण्ड पूरा गरेपछि राष्ट्रिय टोली परिवर्तन गर्न सक्छन्। यसले दोहोरो नागरिकता भएका खेलाडीलाई नयाँ अवसर दिएको छ। युरोपमा विकास भएका खेलाडीबाट अन्य महादेशका टोलीले फाइदा लिइरहेका छन्।

जर्मनीको युवा टोलीबाट खेलेका रानी खेदिराले पछि ट्युनिसियाको प्रतिनिधित्व गर्ने निर्णय गरेका थिए भने इंग्ल्यान्डको युवा टोलीमा रहेका आरोन वान–बिसाकाले प्रजातान्त्रिक गणतन्त्र कंगोबाट खेल्न योग्य भएका छन्। त्यस्तै, इंग्ल्यान्डसँग सम्बन्धित कालम हडसन–ओडोई र एडी एन्केटियाह घानाबाट खेल्न सक्छन् भन्ने सम्भावना लम्बो समयदेखि जोडिएको छ, यद्यपि उनले अहिलेसम्म औपचारिक रूपमा राष्ट्रिय टोली परिवर्तन गरेका छैनन्। यो अफ्रिकी राष्ट्रले दोहोरो योग्यताका खेलाडीमाथि बढ्दो चासो देखाएको संकेत हो। कन्काकाफ क्षेत्रमा पनि प्रतिभाको लागि प्रतिस्पर्धा बढिरहेको छ। अलेजान्द्रो जेन्डेजासले मेक्सिकोसँग सम्बन्ध हुँदाहुँदै अमेरिकाको प्रतिनिधित्व गर्ने निर्णय गरेका छन्। त्यस्तै, मेक्सिकन-अमेरिकी खेलाडी ब्रान्डन भास्केजको फुटबल यात्रा पनि अमेरिका र मेक्सिको दुवैसँग जोडिएको छ।

आधुनिक फुटबलमा राष्ट्रिय पहिचानको परिवर्तनलाई सबैभन्दा राम्रो तरिकाले प्रतिनिधित्व गर्ने खेलाडी मध्ये मार्सेलो फ्लोरेस पनि एक हुन्। क्यानडामा जन्मिएका फ्लोरेसले केही समय इंग्ल्यान्डमा फुटबल सिकेका थिए भने आफ्ना पितामार्फत मेक्सिकोबाट खेल्न योग्य थिए। उनी मेक्सिकोको युवा तथा सिनियर टोलीबाट खेलेपछि फिफाले स्वीकृत एकपटकको संघ परिवर्तन प्रक्रियामार्फत पुनः आफ्नो जन्मभूमि क्यानडाको प्रतिनिधित्व गर्ने निर्णय गरेका थिए। विश्लेषकहरूका अनुसार ४८ टोलीको विश्वकपले यो प्रवृत्तिलाई अझ धेरै तेज बनाउन सक्छ। पहिलेभन्दा बढी राष्ट्रले विश्वकपमा स्थान पाउने भएपछि धेरै खेलाडीले आफूलाई विश्वकपमा पुर्‍याउन सक्ने राष्ट्र रोज्न सक्ने सम्भावना बढेको छ। अफ्रिका, एसिया र कन्काकाफका धेरै राष्ट्रका लागि यस्ता खेलाडी अब अतिरिक्त विकल्प मात्र होइनन्, बरु दीर्घकालीन विश्वकप योजनाका महत्वपूर्ण हिस्सा बन्दै गएका छन्। यसैसंगै आधुनिक फुटबलमा राष्ट्रिय पहिचानको परम्परागत अवधारणा परिवर्तन हुँदै गएको छ। जन्म एक देशमा, हुर्काई अर्को देशमा र प्रतिनिधित्व तेस्रो देशबाट गर्ने खेलाडी विश्व फुटबलमा सामान्य दृश्य बन्दै गएका छन्।

कर दर हेरफेरबारे कांग्रेस नेता केसीको टिप्पणी: ‘निरंकुश प्रवृत्तिको स्पष्ट संकेत’

Written by space4knews on . Posted in समाचार. कर दर हेरफेरबारे कांग्रेस नेता केसीको टिप्पणी: ‘निरंकुश प्रवृत्तिको स्पष्ट संकेत’ मा कुनै टिप्पणी छैन

नेपाली कांग्रेसका नेता अर्जुननरसिंह केसीले सरकारले आर्थिक विधेयकमा मनपरीगरी कर दरमा हेरफेर गरेकोमा आपत्ति जनाएका छन्। उनले विधेयक संसदमा पेश भइसकेपछि ‘त्रुटि सुधार’को नाममा कर दर परिवर्तन गर्नु संसदीय मर्यादा र नियमावलीको ठाडो उल्लंघन भएको बताएका छन्। सरकार गल्ती स्वीकार्दै विधेयकलाई औपचारिक संशोधनसहित संसदमा पेश गर्नु सम्मानजनक बाटो हुने उनले उल्लेख गरे। २४ जेठ, काठमाडौं।

सरकारले संसदबाट पारित आर्थिक विधेयकमा आफूखुशी संशोधन गरेर कर दरमा मनगढन्ते परिवर्तन गरेको विषयमा केसीले कडा आलोचना गरेका छन्। उनले अर्थमन्त्रीले ‘त्रुटि सुधार’को बहानामा पत्रमार्फत कर दर परिवर्तन गर्नु विधायिकालाई छल्ने र कार्यपालिकाले मनपरी काम गर्नसक्ने खतरा रहेको बताएका छन्। सामाजिक सञ्जाल एक्समा उनले लेखेका छन्, ‘यो संसदीय नियमावली, मर्यादा तथा विश्वव्यापी प्रचलनको स्पष्ट उल्लंघन हो। यो सार्वभौम संसद्को विशेषाधिकारमाथिको नाङ्गो हस्तक्षेप हो।’

केसीले भनेका छन् कि बजेटजस्तो संवेदनशील मामिलामा सरकारले नियम तोडेर मनमौज गर्न पाउने हो भने संसद्को आवश्यकता के हुन्छ? उनले थप लेखेका छन्, ‘यो निरंकुश प्रवृत्तिको स्पष्ट संकेत हो। यसले संसदीय लोकतन्त्रको मूल्यमान्यतालाई नै धक्का दिएको छ।’ उनले देश निर्वाचित अधिनायकवादी दिशातर्फ उन्मुख भएको स्पष्ट संकेत देखिएको भन्दै यो प्रक्रिया तत्काल रोकिनुपर्ने माग गरेका छन्।

ओमान ९४ रनमै अलआउट, नेपाललाई सेमिफाइनलमा साधारण लक्ष्य

Written by space4knews on . Posted in खेलकुद. ओमान ९४ रनमै अलआउट, नेपाललाई सेमिफाइनलमा साधारण लक्ष्य मा कुनै टिप्पणी छैन

सिङ्गापुरमा जारी एसियन गेम्स पुरुष क्रिकेट छनोटको सेमिफाइनलमा ओमानले नेपाललाई ९५ रनको साधारण लक्ष्य दिएको छ। टस जितेर पहिले ब्याटिङ गरेको ओमान १९.४ ओभरमा ९४ रनमा अलआउट भयो। ओमानका लागि कप्तान सुफिया मेहमुदले सर्वाधिक ३८ रन बनाएका छन् भने जुबेर अली अकबरले २२ रन जोड्न सफल भए। नेपालका लागि करण केसीले ३ विकेट लिए भने सोमपाल कामी र सन्दीप लामिछानेले २-२ विकेट लिए। शाहब आलम, दीपेन्द्रसिंह ऐरी र कुशल मल्लले १-१ विकेट लिए।

सेमिफाइनल जितेमा नेपालले फाइनलमा हङकङ र मलेसियाबीचको विजेतासँग प्रतिस्पर्धा गर्नेछ। सेमिफाइनलमा पुगेका नेपालसहित चार टोली एसियन गेम्सका लागि छनोट भइसकेका छन्।

इस्मा घटनामा प्रहरी र प्रशासनको भूमिका निन्दनीय, चार दलको आरोप र आन्दोलन चर्काउने चेतावनी

Written by space4knews on . Posted in समाचार. इस्मा घटनामा प्रहरी र प्रशासनको भूमिका निन्दनीय, चार दलको आरोप र आन्दोलन चर्काउने चेतावनी मा कुनै टिप्पणी छैन

गुल्मीको इस्मा गाउँपालिकाकी उपाध्यक्ष र महिला कर्मचारीमाथि भएको दुर्व्यवहारको घटनामा प्रहरी प्रशासनले पीडितको जाहेरी दर्ता गर्न आनाकानी गरेको आरोप लागेको छ। चार राजनीतिक दलले संयुक्त विज्ञप्ति जारी गर्दै प्रशासन र प्रहरीले आफ्नो कमजोरी नसच्चाए आन्दोलनका कार्यक्रम अघि बढाउने चेतावनी दिएका छन्। रास्वपाका सांसद गोविन्द पन्थीले भने इस्माको घटनालाई सामान्य भन्दै यसलाई राजनीतिक रूपमा अतिरञ्जित गरिएको दाबी गरेका छन्। २४ जेठ, गुल्मी।

गुल्मीको इस्मा गाउँपालिकाकी उपाध्यक्ष, महिला कर्मचारी र शिक्षकहरूमाथि भएको दुर्व्यवहार प्रकरणमा प्रहरी–प्रशासनको भूमिका निन्दनीय रहेको भन्दै जिल्लाका चार राजनीतिक दलले गम्भीर आपत्ति जनाएका छन्। नेपाली कांग्रेस, नेकपा एमाले, नेकपा र राष्ट्रिय जनमोर्चाले संयुक्त प्रेस विज्ञप्ति जारी गर्दै घटनाका पीडितहरूको जाहेरी दर्ता गर्न प्रहरी प्रशासनले आनाकानी गरेको आरोप लगाएका छन्। अनुसन्धान प्रक्रिया प्रभावकारी रूपमा अघि नबढाएको तथा आन्दोलनरत महिलाहरूलाई झुक्याएर आरोपितहरूलाई रिहा गरेको दलहरूले आरोप लगाएका छन्।

विज्ञप्तिमा २०८३ जेठ ८ गते सिमलटारीमा आयोजित आध्यात्मिक कार्यक्रममा सहभागी हुन जाने क्रममा इस्मा गाउँपालिकाकी उपाध्यक्ष, महिला कर्मचारी, शिक्षक तथा चालकमाथि अराजक समूहले पिछा गर्ने, बाटो रोक्ने, गालीगलौज गर्ने र चालकलाई लछारपछार गर्ने जस्ता गतिविधि भएको उल्लेख गरिएको छ। घटनामा न्यायको माग गर्दै आन्दोलनरत महिलाहरूले शुक्रबार जिल्ला प्रशासन कार्यालय र जिल्ला प्रहरी कार्यालय गुल्मीमा प्रदर्शन समेत गरेका थिए। महिलाहरूले दोषीमाथि तत्काल कानुनी कारबाही र निष्पक्ष अनुसन्धानको माग गर्दै दबाबमूलक कार्यक्रमलाई निरन्तरता दिएका छन्।

चार दलले आन्दोलनरत महिलाहरूको न्यायका लागि उठेको आवाजप्रति पूर्ण ऐक्यबद्धता जनाउँदै प्रमुख जिल्ला अधिकारी, प्रहरी उपरीक्षक र जिल्ला न्यायाधिवक्तालाई जिम्मेवार बनेर अनुसन्धान अघि बढाउन आग्रह गरेका छन्। प्रशासन र प्रहरीले आफ्नो कमजोरी नसच्चाए संयुक्त रूपमा थप सशक्त आन्दोलनका कार्यक्रम अघि बढाउन बाध्य हुने चेतावनी दिएका छन्। संयुक्त विज्ञप्तिमा नेपाली कांग्रेसका सभापति खिलध्वज पन्थी, नेकपा एमालेका उपसचिव चक्रबन्धु भुसाल, नेकपाका संयोजक तेजिन्द्र सलामी मगर तथा राष्ट्रिय जनमोर्चाका प्रतिनिधि हरि न्यौपानेको हस्ताक्षर छ। राष्ट्रिय स्वतन्त्र पार्टी (रास्वपा) गुल्मीको जिल्ला अधिवेशनमा गुल्मी क्षेत्र नम्बर–२ का सांसद गोविन्द पन्थीले इस्मा घटनाबारे बोल्दै उक्त घटनालाई सामान्य भन्दै घटनालाई अतिरञ्जित गरिएको बताएका थिए। उनले सांसददेखि जिल्ला तहसम्म रास्वपालाई घेराबन्दी गर्ने प्रयास भएको दाबी गरेका थिए। उनको भनाइ अनुसार घटनालाई अनावश्यक रूपमा राजनीतिक रंग दिइएको र रास्वपा तथा आफ्नाविरुद्ध योजनाबद्ध रूपमा प्रचार गरिएको संकेत गरेका थिए। इस्मा घटनाको दोषीलाई कारवाहीको माग गर्दै महिला जनप्रतिनिधि र ४ संगठनका महिलाहरु प्रहरी प्रशासन कार्यालयमा प्रदर्शन गरेका थिए।

इजरायलमाथि ट्रम्प सरकारलाई जासुसी गरेको आरोप, इजरायलको प्रतिक्रिया के छ?

Written by space4knews on . Posted in अन्तर्राष्ट्रिय. इजरायलमाथि ट्रम्प सरकारलाई जासुसी गरेको आरोप, इजरायलको प्रतिक्रिया के छ? मा कुनै टिप्पणी छैन

समाचार सारांश सहितका सम्पादकीय समीक्षा। इरानसँग सम्बन्धित विषयमा अमेरिका र इजरायलबीच मतभेद बढिरहेको बेला अमेरिकी रक्षा मन्त्रालयले इजरायलसँग जुध्ने खुफिया जोखिमलाई उच्च स्तरमा पुर्‍याएको छ। अमेरिकी राष्ट्रपति ट्रम्प र इजरायली प्रधानमन्त्री नेतन्याहुबीच इरान र लेबनान रणनीतिका विषयमा गम्भीर मतभेद देखिएका छन्। अमेरिकी सुरक्षा एजेन्सीहरूले पूर्वमा जोनाथन पोलार्ड प्रकरणजस्ता घटनामा इजरायलको जासुसी क्रियाकलापमा सतर्कता अपनाउँदै आएका छन्। २४ जेठ, काठमाडौं। अमेरिका र इजरायलबीच इरानसंबन्धी विवाद बढ्दै गएको छ। यसबीच अमेरिकी रक्षा मन्त्रालय (पेन्टागन) भित्र इजरायलले अमेरिकी अधिकारी र ट्रम्प सरकारको आन्तरिक जानकारी संकलन गर्न कोशिश गरेको आरोप लागेको छ। एनबीसी न्युजको रिपोर्ट अनुसार दुई वर्तमान र एक पूर्व अमेरिकी अधिकारीले पेन्टागनको डिफेन्स इन्टेलिजेन्स एजेन्सी (डीआईए) ले भर्खरै इजरायलसँग सम्बन्धित काउन्टर-इन्टेलिजेन्स खतरा स्तर उच्च बनाएको बताएका छन्। यो एजेन्सीको सबैभन्दा उच्च सतर्कता स्तर हो। अमेरिका र इजरायलजस्ता निकट सहयोगीबीच यस्तो घटनाको असामान्यता उल्लेखनीय छ।

तर, इजरायलले यी आरोपहरूलाई पूर्णरूपमा अस्वीकार गरेको छ। इजरायली दूतावासले भनेको छ उनीहरूले अमेरिकी अधिकारीहरूको जासुसी गर्दैनन् र आफ्ना गुप्तचर एजेन्सीहरू शत्रुहरूमा निगरानी केन्द्रित गर्छन्। ती अधिकारीहरूले फोन र कम्प्युटरको सामान्य प्रयोग नगर्ने हुँदा काउन्टर-इन्टेलिजेन्स खतरा स्तर वृद्धि हुँदा सबैभन्दा बढी प्रभावित हुनेहरू अमेरिकी अधिकारीहरू हुन् जसले इजरायल भ्रमण गर्छन् वा इजरायली अधिकारीहरूसँग प्रत्यक्ष सम्पर्कमा रहन्छन्। तथापि अमेरिका र इजरायलबीच गुप्त सूचनाको आदानप्रदान जारी रहनेछ। एक अमेरिकी अधिकारीले एनबीसीलाई बताएअनुसार, अमेरिकाले उच्च अधिकारीहरूको इजरायल भ्रमणका क्रममा विशेष सतर्कता अपनाएको छ। अमेरिका-स्थित अधिकारीहरूले फोन र ल्यापटप सामान्य रूपमा प्रयोग नगरेर, “बर्नर फोन” अर्थात् छिटो निरुपण हुने फोन तथा विशेष कम्प्युटर प्रयोग गर्छन्। धेरै पटक उनीहरू होटल वा संभावित निगरानी क्षेत्रहरूमा संवेदनशील विषयमा छलफल गर्दा अत्यन्त सतर्क रहन्छन् किनभने इजरायली गुप्तचर एजेन्सीलाई जानकारी जुटाउन आक्रामक रूपमा परिचित छ। तथापि जोखिम स्तर अचानक उच्च गर्नु कुनै ठूलो घटना कारणले भएको छैन, बरु विभिन्न घटनाक्रम र मूल्याङ्कनको आधारमा निर्णय गरिएको हो। यो विवाद ट्रम्प र इजरायली प्रधानमन्त्री बेन्जामिन नेतन्याहुको बीच इरानलाई लिएर बढ्दो मतभेदको परिप्रेक्ष्यमा देखा परेको हो। अप्रिलमा भएको युद्धविरामपछि ट्रम्पले इरानसँग ठूलो सम्झौताको अभियानमा रहेका छन्, भने नेतन्याहु इरानले सम्झौतापालना नगरेको आरोप लगाउँदै आक्रमण जारी राख्न चिन्तित छन्। यस्तै, लेबनानका हिज्बुल्लाह विरोधी सैन्य अभियानमा पनि अमेरिका-इजरायलबीच मतभेद भएका खबर आएका छन्। रिपोर्ट अनुसार ट्रम्प र नेतन्याहुको बीच फोन वार्तामा तीव्र विवाद भएको थियो। हालै ट्रम्पले इजरायली प्रधानमन्त्रीलाई आपत्तिजनक शब्द प्रयोग गरेको स्वीकार गरेका थिए, जसले पश्चिम एसियाली रणनीतिमा गम्भीर मतभेद रहेको संकेत थप पुर्‍याएको छ। ट्रम्पले ३ जुनमा न्युयोर्क पोस्टको एक पडकास्टमा नेतन्याहुलाई उपयुक्त नभएको भाषा प्रयोग गरेको खुलासा गरेका थिए।

पहिलेदेखि पनि अमेरिका-इजरायलबीच यद्यपि निकट मित्रता छ, तर गुप्तचर तहमा अविश्वास र जासुसीको पुरानो इतिहास छ। अमेरिकी सुरक्षा एजेन्सीहरूले विभिन्न पटक इजरायलको जासुसी गतिविधिमा सावधानी अपनाए साथै द्विपक्षीय ठूला विवादहरू देखा परेका छन्। सन् १९८५ को जोनाथन पोलार्ड प्रकरण महत्त्वपूर्ण थियो। पोलार्ड अमेरिकी नौसेनाको खुफिया विभागमा कार्यरत थिए र १९८५ मा अमेरिकी गोप्य दस्तावेजहरू इजरायललाई उपलब्ध गराएको आरोप लागेको थियो। उनले इजरायललाई सहयोग गर्न खोजेको बताएका थिए, तर अमेरिकाले यसलाई जासुसी ठानेको थियो। अनुसन्धान क्रममा उनी इजरायली दूतावासमा शरण लिन खोज्दा पक्राउ परे। सन् १९८७ मा अमेरिकी अदालतले उनलाई आजन्म कैदको फैसला सुनायो। यो घटनाले अमेरिका-इजरायल सम्बन्धमा तनाव ल्याएको थियो। लगभग ३० वर्ष जेल बसेपछि २०१५ मा उनीलाई प्यारोलमा छोडियो र २०२० मा इजरायल पुगे जहाँ राष्ट्रिय नायकको रूपमा स्वागत गरियो। यो घटनालाई अमेरिकामा विदेशी सहयोगीका लागि भएको सबैभन्दा ठूलो जासुसी प्रकरण मानिन्छ। अर्को घटना सन् २००८ को बेन-अमी कादिश प्रकरण हो। कादिश अमेरिकी सेनाका पूर्व मेकानिकल इन्जिनियर थिए र १९८० को दशकमा अमेरिकी गोप्य दस्तावेजहरू इजरायललाई दिने आरोप लागेका थिए। यी दस्तावेजहरूमा मिसाइल सुरक्षा प्रणाली, लडाकु विमान र आणविक हतियारसम्बन्धी संवेदनशील जानकारी थिए। कादिशले इजरायली सम्पर्ककर्तालाई यी जानकारीहरू दिएका थिए। उनलाई जेल नपठाई जरिवाना र निगरानी सजाय दिइएको थियो। त्यस्तै सन् २०१९ को स्टिङ्ग्रे जासुसी विवादमा अमेरिकी मिडियाले वाशिङटन क्षेत्रमा नक्कली मोबाइल टावरजस्ता उपकरणहरू भेटिएको रिपोर्ट गर्‍यो जसले वरपरका मोबाइल फोनबाट जानकारी संकलन गर्थे। अनुसन्धान एजेन्सीहरूले ती उपकरणहरूको स्रोत इजराइल हुने आशंका व्यक्त गर्दा यसको उद्देश्य ट्रम्प र उनका निकट अधिकारीहरूको गतिविधि निगरानी गर्नु रहेको अनुमान गरिएको थियो। यद्यपि अमेरिकी सरकारले सार्वजनिक रूपमा इजरायललाई दोष दिदैन् र इजरायलले पनि जासुसी नगरेको दाबी गरेको छ। (एजेन्सीहरूको सहयोगमा)

विश्वकपअघिका मैत्रीपूर्ण खेलमा जर्मनी, पोर्चुगल, इंग्ल्यान्ड र बेल्जियमको शानदार जीत

Written by space4knews on . Posted in खेलकुद. विश्वकपअघिका मैत्रीपूर्ण खेलमा जर्मनी, पोर्चुगल, इंग्ल्यान्ड र बेल्जियमको शानदार जीत मा कुनै टिप्पणी छैन

फिफा विश्वकप २०२६ अघिको मैत्रीपूर्ण खेलमा जर्मनीले अमेरिकालाई २-१ र पोर्चुगलले चिलीलाई २-१ गोल अन्तरले पराजित गरेका छन्। इंग्ल्यान्डले न्युजिल्यान्डलाई १-० र बेल्जियमले ट्युनिसियालाई ५-० को फराकिलो अन्तरले हराएका छन्। स्कटल्यान्डले बोलिभियालाई ४-० ले पराजित गर्दा स्विट्जरल्यान्ड र अस्ट्रेलियाले १-१ को बराबरी खेलेका छन्। २४ जेठ, काठमाडौं।

फिफा विश्वकप २०२६ अगाडि भएका मैत्रीपूर्ण खेलहरूमा उपाधि दावेदार टोलीहरूले जित हात पारेका छन्। जर्मनीले सहआयोजक अमेरिका लाई २-१ गोलले पराजित गरेको छ। काइ हाभेर्ट्जले दोस्रो मिनेटमै गोल गर्दै जर्मनीलाई अग्रता दिलाएका थिए। अमेरिकाका एन्टोनी रोबिन्सनले ३७औं मिनेटमा बराबरी गोल फर्काए। तर हाभेर्ट्जकै पासमा लेरॉय सानेले ५७औं मिनेटमा गोल गर्दै जर्मनीलाई २-१ को अग्रता दिलाए।

पोर्चुगलले आफ्नै मैदानमा भएको खेलमा चिलीलाई २-१ ले हराएको छ। गोंकालो गुएडेजले ५८औं मिनेटमा गोल गरेर पोर्चुगललाई अग्रता दिलाएका थिए। ब्रुनो फर्नान्डेसले ७५औं मिनेटमा थप गोल गर्दै पोर्चुगलको अग्रता दोब्बर पारे। चिलीका लुकास चेपेडाले दोस्रो हाफको इन्ज्युरी टाइममा गोल फर्काए। इंग्ल्यान्डले न्युजिल्यान्डविरुद्ध १-० को साँघुरो जीत प्राप्त गरेको छ। कप्तान ह्यारी केनले पहिलो हाफको इन्ज्युरी टाइममा गोल गरेका थिए।

त्यस्तै बेल्जियमले ट्युनिसियालाई ५-० को फराकिलो अन्तरले पराजित गरेको छ। बेल्जियमका लागि लिआन्ड्रो ट्रोसार्डले २८औं, चार्ल्स डे केटिलाएरले ५३औं, केभिन डे ब्रूयनले ६५औं, डोडी लुकबाकियोले ८५औं र निकोलस रास्किनले ८७औं मिनेटमा गोल गरेका थिए। स्कटल्यान्डले बोलिभियालाई ४-० ले पराजित गरेको छ। स्कटल्यान्डका लागि चे एडम्सले २ तथा लरेन्स सान्कल्यान्ड र स्कट म्याकटोमिनेले १-१ गोल गरेका छन्। स्विट्जरल्यान्डले भने अस्ट्रेलियासँग १-१ को बराबरी खेलेको छ। स्विट्जरल्यान्डका डान एनडोयले १४औं मिनेटमा गोल गर्दै अग्रता दिलाएका थिए। तर अस्ट्रेलियाका टेटे यङ्गीले ५६औं मिनेटमा बराबरी गोल फर्काए।

सप्तरीको गम्हरिया पोखरी सौन्दर्यीकरण ठेक्का रद्द गर्ने कार्यविधि सुरु

Written by space4knews on . Posted in समाचार. सप्तरीको गम्हरिया पोखरी सौन्दर्यीकरण ठेक्का रद्द गर्ने कार्यविधि सुरु मा कुनै टिप्पणी छैन

सप्तरीको खडक नगरपालिकाले गम्हरिया पोखरी सौन्दर्यीकरण आयोजना अलपत्र परेको भन्दै निर्माण व्यवसायीसँग ७ दिनभित्र स्पष्टीकरण मागेको छ। दोस्रो पटक म्याद थप गर्दा र पेश्की रकम लिँदा पनि रविना ओम गणेशाय जेभीले काम पूरा नगरेपछि नगरपालिकाले ठेक्का रद्द गर्ने प्रक्रिया अघि बढाएको हो। नगरपालिकाले गम्हरिया पोखरी सौन्दर्यीकरण आयोजनाको प्रारम्भिक वातावरणीय परीक्षण प्रतिवेदन तयार नगरी ठेक्का सम्झौता गरेको पाइएको छ। २४ जेठ, सप्तरी।

नगरपालिकाले सार्वजनिक सूचना जारी गर्दै निर्माण व्यवसायीसँग स्पष्टीकरण मागेको छ। नगरपालिकाका अनुसार वडा नं. ६ स्थित गम्हरिया पोखरी सौन्दर्यीकरण कार्यका लागि रविना ओम गणेशाय जेभीसँग ठेक्का सम्झौता भएको थियो। तर, दोस्रो पटक म्याद थप गरिँदा पनि निर्माण कम्पनीले काम पूरा नगरेको, पेश्की रकम लिएर पनि कार्य अघि नबढाएको र लामो समयदेखि कार्यस्थलमा अनुपस्थित रहेको नगरपालिकाको भनाइ छ।

नगरपालिकाले निर्माण कार्य सुचारु गर्न र समयमै सम्पन्न गर्न पटक-पटक पत्राचार गरे पनि कम्पनीले काम अघि नबढाएको जनाएको छ। निर्माण सम्पन्न गर्नुपर्ने अवधिको अन्त्य नजिकिदै गर्दा पनि निर्माण व्यवसायीले म्याद थपका लागि नियमानुसार निवेदन नदिएको सूचनामा उल्लेख छ। खड़क नगरपालिकाका प्रमुख प्रशासकीय अधिकृत हरेन्द्रकुमार श्रेष्ठले जारी गरेको सूचनामा यसलाई ‘अन्तिम ताकेता’ मान्दै तोकिएको अवधिभित्र चित्त बुझ्ने जवाफ नआए ठेक्का सम्झौता रद्द गरी आवश्यक कानुनी प्रक्रिया अघि बढाइने चेतावनी दिए।

इरानले अमेरिकामाथि युद्धविराम तोड्ने आरोप लगायो, पश्चिम एसियामा के भइरहेको छ?

Written by space4knews on . Posted in अन्तर्राष्ट्रिय. इरानले अमेरिकामाथि युद्धविराम तोड्ने आरोप लगायो, पश्चिम एसियामा के भइरहेको छ? मा कुनै टिप्पणी छैन

इरानले अमेरिकामाथि युद्धविराम तोडेको आरोप लगाएको छ भने अमेरिकाले चारवटा इरानी ड्रोन खसालेको दाबी गरेको छ। इजरायली आक्रमणका कारण लेबनानमा मृतकको सङ्ख्या ३,५९३ पुगेको छ र सैनिक जनरलसहित थप व्यक्ति मारिएका छन्। संयुक्त राष्ट्रसंघमा पूर्वाग्रह भएको भन्दै अमेरिकाले बजेटमा ५७ करोड डलर कटौती र तीन हजार कर्मचारी दरबन्दी खारेज गरेको छ।

२४ वैशाख, काठमाडौं। इरानको विदेश मन्त्रालयले अमेरिकामाथि युद्धविराम तोडेको आरोप लगाएको छ। इरानी विदेश मन्त्रालयका अनुसार अमेरिकाले तनाव घटाउनुपर्दा आफ्नो सैन्य कारबाहीबाट सम्पूर्ण मध्यपूर्व क्षेत्रको सुरक्षामा खतरा उत्पन्न गरिरहेको छ। सामाजिक सञ्जाल एक्समा जारी विज्ञप्तिमा इरानले भनेको छ, ‘अमेरिकाले सिरिक क्षेत्र र केश्म टापुमा रहेको इरानको तटीय राडार र निगरानी केन्द्रहरूमा आक्रमण गरेको छ, जुन युद्धविरामको स्पष्ट उल्लङ्घन हो।’ यस आक्रमणबाट उत्पन्न हुने परिस्थिति र परिणामको सम्पूर्ण जिम्मेवारी अमेरिकाको हुने चेतावनी इरानले दिएको छ।

लेबनानमा मृतकको संख्या ३,५९३ पुगेको छ। गत मार्च २ देखि जारी इजरायली आक्रमणमा अहिलेसम्म ३ हजार ५९३ जनाको ज्यान गएको छ भने १० हजार ९९० जना घाइते भएका छन्। पछिल्लो २४ घण्टामा मात्र ३५ जनाको मृत्यु र १२० जना घाइते भएका छन्। शनिबार इजरायली आक्रमणमा लेबनानी सेनाका ब्रिगेडियर जनरलसहित १० जनाको मृत्यु भएको छ। आक्रमणपछि धेरै इलाकामा मानिसहरूलाई घर खाली गर्न आदेश दिइएको छ।

दक्षिणी लेबनानमा भएको इजरायली हवाई हमलामा लेबनानी सेनाका ५४ वर्षीय ब्रिगेडियर जनरल विसाम साबरा, क्याप्टेन एली खौरी र सैनिक हुसेन गोजाल मारिएका छन्। लेबनानी प्रधानमन्त्री नवाब सलामले यसलाई जघन्य अपराध भनेका छन् भने राष्ट्रपति जोसेफ आउनले यसले शान्तिका प्रयासहरूलाई विफल पार्ने बताएका छन्। पत्रकार नुर ओदेहका अनुसार लेबनानको करिब २० प्रतिशत भूभागलाई ‘येलो लाइन’ भनेर चिनिन्छ र त्यस क्षेत्रमा लेबनानको गाजाकार भइरहेको छ।

यसबीच, हेजबुल्लाहले शनिबार कम्तीमा २५ सैन्य कारबाही गर्दै दक्षिणी लेबनानमा इजरायली मर्काभा ट्यांक र सैनिकहरूलाई निशाना बनाएको दाबी गरेको छ। स्वतन्त्र लेबनानी सांसद नजात आउन सलिबाले युद्धको विकल्प नभएको र वार्ताबाट समाधान खोज्नुपर्ने बताएकी छन्। इरानी ड्रोन खसालेको अमेरिकी दावी अनुसार अमेरिकाले स्ट्रेट अफ होर्मुजतर्फ अघि बढिरहेका ४ वटा इरानी ड्रोन खसालेको र केश्म टापुका राडार साइटहरूमा आक्रमण गरेको दाबी गरेको छ।

जवाफमा इरानले कुवेत र बहराइनतर्फ ७ वटा ब्यालेस्टिक मिसाइल प्रहार गरेको र त्यसलाई बीचमै इन्टरसेप्ट गरिएको दाबी गरेको छ। यमन, इजिप्ट, जोर्डन, कतार र साउदी अरबले कुवेत र बहराइनमा इरानले गरेको आक्रमणको कडा निन्दा गरेका छन्। पाकिस्तानका गृह मन्त्री मोहसिन नकवीले इरानका सर्वोच्च नेता मुझतबा खामेनेईलाई पाकिस्तानी प्रधानमन्त्री शहबाज सरिफ र सेना प्रमुख असिम मुनिरको तर्फबाट महत्त्वपूर्ण सन्देश पुर्‍याउँदै अमेरिका–इजरायलको युद्ध अन्त्य गर्न आग्रह गरेका छन्।

सीएनएनको रिपोर्टअनुसार, अमेरिकासँगको सम्भावित शान्ति सम्झौता इरानको रोक्का गरिएको २४ अर्ब डलरमध्येको सम्पत्ति फुकुवाको विषयमा अड्किएको छ। इरानले सम्झौता अनुसार तुरुन्तै १२ अर्ब डलर फुकुवा गर्न चाहन्छ, तर अमेरिका यसमा सहमत छैन। अमेरिकी ट्रेजरी सचिव स्कट बेसेन्टले इरानको रोक्का गरिएको सम्पत्ति खाडी देशहरू (कुवेत, बहराइन आदि) को पुनर्निर्माण र इरानका कारण भएको वा भविष्यमा हुनसक्ने क्षतिको भरपाइमा प्रयोग गर्ने विषयमा विचार गरिरहेको रॉयटर्सले जनाएको छ।

अमेरिकी सिनेटर बर्नी स्यान्डर्सले इजरायललाई सैन्य सहायता बढाउने प्रस्तावको कडा विरोध गरेका छन्। नेसनल डिफेन्स अथोराइजेसन एक्ट अन्तर्गत लुकाएर इजरायललाई थप फन्डिङ गर्ने प्रयास भएको भन्दै उनले अमेरिकी जनताले इजरायलको युद्ध खर्चबाट आक्रोश व्यक्त गरेको बताए। डेमोक्र्याटिक सांसद रो खन्ना र रिपब्लिकन सांसद थोमस मासीले पनि यस प्रस्तावको विरोध गरेका छन्। युद्ध सुरु भएको १०० दिन पुग्दा पनि अमेरिकी जनतामाझ यो युद्ध अलोकप्रिय रहेको र यसले राष्ट्रपति ट्रम्पलाई राजनीतिक नोक्सान पुर्याइरहेको विश्लेषक शिब्ले तेल्हामीले बताएका छन्।

अमेरिकी रक्षा मन्त्रालय (पेन्टागन) को डिफेन्स इन्टेलिजेन्स एजेन्सीले इजरायली जासुसीको खतरा मूल्यांकनलाई उच्च स्तरबाट ‘क्रिटिकल’ स्तरमा पुर्याएको छ। युद्ध अन्त्यसम्बन्धी ह्वाइट हाउस भित्रका आन्तरिक छलफलहरू थाहा पाउन इजरायलले जासुसी गर्न सक्ने आशंका गरिएको छ। यसैबीच, राष्ट्रसंघका लागि अमेरिकी राजदूत जेफ बार्टोसले अमेरिका र इजरायलप्रति अनुचित पूर्वाग्रह हटाउन राष्ट्रसंघको ३००० कर्मचारी दरबन्दी खारेज गर्दै बजेटमा ५७ करोड अमेरिकी डलर (५७० मिलियन डलर) कटौती गरिएको जानकारी दिएका छन्।