मेकअप सामग्रीलाई लामो समयसम्म टिकाउनका लागि घाम, उच्च तापक्रम र साझा प्रयोगबाट जोगिनुका साथै ब्रस र स्पन्जलाई नियमित सफा गर्नु अत्यावश्यक हुन्छ। महँगो मेकअप सामग्रीहरू भाँचिनु, सुक्नु वा छालासँग मेल नखानु धेरै महिलाहरूले भोग्ने सामान्य समस्या हो। मेकअप सामग्रीहरू सस्तो नहुने हुनाले कुनै उत्पादन बिग्रिएपछि नयाँको खरिदले बजेटमा असर गर्न सक्छ। तर धेरै अवस्थामा मेकअप सामग्री पूर्णरूपमा नबिग्रिएर केवल बनावटमा केही परिवर्तन आउन सक्छ। सही तरिकाले प्रयोग जान्नेहरूले यस्ता सामग्री पुनः उपयोग गर्न सक्छन्। यद्यपि, म्याद सकिएको, दुर्गन्ध आएको, रङ वा बनावटमा असामान्य परिवर्तन भएको वा आँखाको छालामा एलर्जी ल्याउने अवस्थामा पुनः प्रयोग गर्नु हुँदैन। विशेष गरी आँखामा लगाइने मस्कारा, आइलाइनर र लिक्विड उत्पादनमा धेरै सावधानी अपनाउन आवश्यक छ। यदि मेकअप सामग्री केवल भाँचिएको, अलिकति सुक्न थालेको वा रङ मिल्न नसकेको हो भने तल उल्लेखित १० उपायहरूले उपयोगी पुनः प्रयोग गर्न सकिन्छ।
१. भाँचिएको लिपस्टिकलाई बनाए क्रीम ब्लस: भाँचिएको वा सुक्न लागेका लिपस्टिकलाई सानो कन्टेनरमा राखेर २–३ थोपो फेस सिरम वा मोइस्चराइजर मिसाउनुहोस्। यसले स्वाभाविक देखिने क्रीम ब्लस तयार हुन्छ जुन गालामा स्वस्थ र हाइड्रेटेड चमक दिन्छ।
२. सुक्न लागेका कन्सिलरलाई बनाउने स्किन टिन्ट: सुकिरहेको कन्सिलरमा केही थोपाको एलोभेरा जेल वा मोइस्चराइजर मिसाएर राम्ररी घोल्दा तयार टिन्ट दैनिक अफिस, कलेज वा सामान्य कार्यक्रममा प्रयोगका लागि उपयुक्त हुन्छ।
३. सुकिरहेको मस्कारालाई फेरि प्रयोगयोग्य बनाउने तरिका: मस्कारामा २–३ थोपा कन्ट्याक्ट लेन्स सोलुसन वा स्टेराइल आई ड्रप्स राखेर ट्यूबलाई केहीबेर हातबीचमा घुमाउनुहोस्। यसले मस्कारालाई छिटो र सहज रूपमा प्रयोग गर्न मद्दत गर्दछ। म्याद सकिएको वा आँखामा संक्रमण हुनसक्ने मस्कारालाई प्रयोग नगर्नुहोस्।
४. फुटेको आइश्याडोबाट नयाँ नेलपोलिस बनाउनुहोस्: फुटेको आइश्याडोलाई पिसेर क्लियर नेलपोलिसमा मिसाउँदा घरमै मनपर्ने रङको ग्लिटर वा म्याट प्रकारको नेलपोलिस तयार गर्न सकिन्छ।
५. भ्यासलिन र लिपस्टिकबाट टिन्टेड लिप बाम बनाउने: थोरै भ्यासलिनमा लिपस्टिकको सानो भाग मिसाएर मृदु र हल्का रंग हुने टिन्टेड लिप बाम बनाउन सकिन्छ जसले ओठलाई मृदु र प्राकृतिक रङ प्रदान गर्छ।
६. नमिलेको फाउन्डेसन मिलाउने उपाय: गाढा वा फिका भएको फाउन्डेसनमा मोइस्चराइजर वा अर्को शेडको फाउन्डेसन मिसाएर प्रयोग गर्न सकिन्छ जसले छालाको रंगसँग मेल खाने नयाँ शेड तयार गर्दै नयाँ फाउन्डेसन किन्ने आवश्यक हटाउँछ।
७. फुटेको कम्प्याक्ट वा फेस पाउडर पुनः प्रयोग गर्ने तरिका: फुटेको कम्प्याक्ट पाउडर राम्रोसँग पिसेर केही थोपाहरू रबिङ अल्कोहोल मिसाएर चम्चाको पछाडिको भागले दबाएर सम्याउनुहोस् र केही घण्टा सुक्न दिनुहोस्। यसपछि पाउडर पुनः पहिलेजस्तो सेट हुन्छ र सहजै प्रयोग गर्न सकिन्छ।
८. सुक्न लागेको जेल आइलाइनरलाई नरम बनाउने: जेल आइलाइनरको कन्टेनरलाई केही मिनेट तातो पानीमा राख्ने वा एक थोपो मेकअप मिक्सिङ मिडियम मिसाउने। यसले आइलाइनर फेरि नरम भएर लगाउन सजिलो बनाउँछ।
९. बाँकी फेस सिरमलाई मेकअप प्राइमरको रूपमा प्रयोग गर्ने: फेस सिरमको बोतल लगभग सकिएपछि बाँकी सिरम अनुहारमा मेकअप अघि लगाउन सकिन्छ। यसले छालालाई मुलायम बनाउँछ, मेकअप लामो समय टिक्छ र फाउन्डेसन राम्रोसँग मिश्रित हुन्छ।
१०. बाँकी मेकअप रिमुभरले ब्रस सफा गर्ने उपाय: मेकअप रिमुभरको बोतलमा अलिकति मात्र उत्पादन बाँकी भए त्यसलाई ब्रस वा स्पन्ज सफा गर्न प्रयोग गर्न सकिन्छ। यसले थर्किएको फाउन्डेसन, ब्लस र आइशाडो हटाउन मद्दत गर्दछ, ब्याक्टेरिया कम गर्छ र ब्रशको आयु बढाउँछ।
मेकअप सामग्रीलाई लामो समय टिकाउनका लागि अपनाउनुपर्ने उपायहरू – मेकअप सामग्रीलाई प्रत्यक्ष घाम र अत्यधिक तताउनबाट टाढा राख्ने। – प्रयोग पछि ढक्कन राम्ररी बन्द गर्ने। – मस्कारा वा लिक्विड उत्पादनमा बारम्बार हावा छिर्न नदिनु। – मेकअप ब्रश र स्पन्ज हप्तामा कम्तीमा एक पटक सफा गर्ने। – मेकअप सामग्री कसैसँग नअर्काउने, विशेषगरी आँखामा र ओठमा लगाउने उत्पादनहरू। थोरै सिर्जनशीलता, उचित जानकारी र यी स्मार्ट मेकअप ह्याक्स प्रयोग गरेर आफ्नो मनपर्ने मेकअप सामग्रीलाई लामो समय सुरक्षित र प्रभावकारी रूपमा प्रयोग गर्न सकिन्छ जसले अनावश्यक खर्च घटाउने र वातावरणमैत्री जीवनशैलीलाई प्रोत्साहन गर्दछ। त्यसैले अर्को पटक कुनै मेकअप सामग्री भाँचियो, सुक्यो वा छालासँग नजोडियो भने तुरुन्तै फाल्नुको सट्टा यी सजिला तरिकाहरू अपनाएर पुनः प्रयोग गर्न सकिन्छ।
