लेखक: space4knews

समाचार सारांश सम्पादकीय समीक्षा सहित। नाइमा नेपाल मोबिलिटी एक्स्पो २०२६ मा सर्वसाधारणको उच्च सहभागिताले बैंकहरूमा अटो कर्जाको माग बढ्ने अपेक्षा गरिएको छ। ग्लोबल आईएमई, एनएमबी र सिद्धार्थ बैंकले एक्स्पोको अवसरमा विशेष सहुलियत दरमा अटो कर्जा योजना सार्वजनिक गरेका छन्। विद्युत् सवारी साधन खरिद गर्ने ग्राहकलाई बैंकहरूले कर्जामा आधारदरभन्दा अलिकति बढी प्रिमियमसहित छुट तथा प्रक्रियागत शुल्कमा छुट दिने व्यवस्था गरेका छन्। २८ साउन, काठमाडौं।

बैंकहरूले कर्जा लगानी विस्तारमा चुनौती भोगिरहेका बेला अटो क्षेत्रले केही आशा थपेको छ। मंगलबारदेखि सुरु भएको ‘नाइमा मोबिलिटी एक्स्पो २०२६’ मा सर्वसाधारणको व्यापक सहभागिता र बैंकहरूमा अटो कर्जा सम्बन्धी सोधपुछले कर्जा मागमा सुधार हुने देखिएको छ। एक्स्पोमा बैंकका स्टलहरू समेत छन्। गाडी हेर्न आएका धेरैले मनपरेका मोडेलको विशेषता बुझिसकेपछि बैंकको स्टलमा पुग्नु सामान्य घटना बनेको छ। ग्लोबल आईएमई, एनएमबी र सिद्धार्थ बैंकले प्रत्यक्ष रुपमा एक्स्पोमा सहभागिता जनाएका छन्।

अटो लोन बैंकहरूको कर्जा लगानीमा महत्वपूर्ण क्षेत्र ओगट्ने भएकाले सबै बैंक तथा वित्तीय संस्थाले विभिन्न हायर पर्चेज कर्जा वा अटो लोन योजना ल्याएका छन्। तर नाइमा एक्स्पोमा गाडी छनोट गर्न आएका ग्राहकलाई कर्जा सम्बन्धी जानकारी र सहुलियत दर उपलब्ध गराउने उद्देश्यले बैंकहरूले तुलनात्मक रूपमा केन्द्रित योजना ल्याएका छन्। ग्लोबल आईएमई बैंककी प्रतिनिधि मञ्जिल विष्टले भनिन् कि विगत वर्षहरूमा नाइमा एक्स्पोमा भागीदारी निरन्तर बढ्दो छ।

गाडी हेर्न र कर्जा योजना सम्बन्धी छलफलका लागि बैंक स्टलमा आउने ग्राहकको संख्या बढेको छ। उनी भन्छिन्, ‘पहिले अटो एक्स्पोमा बैंक स्टलमा कम ग्राहक आउने गरिन्थ्यो, तर अहिले गाडी किन्न चाहने ग्राहकहरू सहजै बैंकसँग छलफल गर्न आउँछन्।’ एनएमबी र सिद्धार्थ बैंकका स्टल प्रतिनिधिहरूले पनि गाडी स्टल जस्तै धेरै भिजिटर्स आएको बताएका छन्। बैंक र वित्तीय संस्थाबाट फाइनान्स गरेर गाडी खरिद गर्ने प्रवृत्ति घरमा नगदले गाडी किन्दा भन्दा बढिरहेको छ।

बैंकहरूले आधारदरमा अलिकति प्रिमियम जोडेर अटो कर्जा योजना सञ्चालन गरेका छन्। साथै कर्जा प्रक्रियालाई सजिलो बनाउन शुल्कमा छुट दिएका छन्। ग्लोबल आईएमई बैंकले नाइमा अटो एक्स्पो अवसरमा विशेष गाडी कर्जा योजना ल्याएको छ, जसमा नयाँ गाडी खरीद गर्नेलाई आधारदरमा न्यूनतम ०.५ प्रतिशत प्रिमियम जोड़ेर कर्जा उपलब्ध गराइन्छ। एक्स्पोमा नयाँ इलेक्ट्रिक वाहन खरिद गर्ने ग्राहकलाई बैंकले ३ वर्षका लागि ५.९९ प्रतिशत स्थिर ब्याजदरको योजना ल्याएको छ।

३ वर्षपछि उक्त कर्जामा अधिकतम २ प्रतिशत प्रिमियम थप्न सकिने व्यवस्था गरिएको छ। बैंकले अटो लोन स्वाप गर्ने सेवा पनि सुरु गरेको छ। अन्य बैंक वा वित्तीय संस्थाबाट लिएको कर्जा लिएर खरिद गरिएको गाडी ग्लोबल आईएमई बैंकमा पुनर्मूल्यांकन पछि सार्न सकिने व्यवस्था गरिएको छ। तीन वर्षभन्दा पुरानो गाडीमा यो सुविधा लागू नहुने बताइएको छ। सिद्धार्थ बैंकले पनि नाइमा नेपाल मोबिलिटी एक्स्पो २०२६ मा विशेष सवारी कर्जा योजना सार्वजनिक गरेको छ। यस योजनामा ०.५ प्रतिशत मात्र प्रोसेसिङ शुल्क र आधारदरमा वार्षिक १ प्रतिशत प्रिमियम सहित कर्जा दिने व्यवस्था गरिएको छ।

बैंक तथा वित्तीय संस्थाले सेवा शुल्क स्वरूप अधिकतम ०.७५ प्रतिशतसम्म शुल्क लिन पाउने व्यवस्था छ। यो योजना एक्स्पो अवधिभर अर्थात असार ३१ गतेसम्म लागू रहनेछ। एनएमबी बैंकले पनि विद्युत् गाडी खरिदका लागि विशेष योजना ल्याएको छ, जसमा आधारदरमा ०.५ प्रतिशत प्रिमियम थपिएको छ। ग्राहकले एक्स्पोमा रहेको एनएमबी बैंकको स्टल वा देशभरका १९८ शाखाबाट सजिलै आवेदन दिन सक्नेछन्।

विभिन्न बैंक तथा वित्तीय संस्थाले अटो कर्जा योजना संचालन गर्दा हरेक संस्थाले आफ्नो आधारदर तथा प्रिमियम घटाएर ब्याजदर तोक्ने गर्छन्। कर्जा सीमा र ब्याजदर संस्थान अनुसार फरक हुन्छ। केन्द्रीय बैंकले विश्वासयोग्य खपतलाई ध्यानमा राखी कर्जा सीमा तोकेको छ। यसअनुसार सवारी साधनको मूल्यको अधिकतम ६० प्रतिशतसम्म कर्जा उपलब्ध गराउन सकिन्छ। यो नियम सबै विद्युत् र व्यक्तिगत निजी सवारीमा लागु हुनेछ। तर सार्वजनिक यातायातका ठूला विद्युतीय सवारी र उद्योग-व्यापारमा प्रयोग हुने सवारी साधनको प्रतिस्थापन कर्जा ८० प्रतिशतसम्म हुन सक्छ। गत आर्थिक वर्षको जेठसम्म बैंक तथा वित्तीय संस्थाले डेढ खर्ब रुपैयाँभन्दा बढी अटो कर्जा वितरण गरिसकेका छन्। एक्स्पोमा ५५ भन्दा बढी ब्रान्डका विद्युत्, डिजेल र पेट्रोल इञ्जिन चल्ने सवारी साधन र अटोमोबाइल सम्बन्धी उत्पादन तथा सेवा प्रदर्शनीमा रहेका छन्।

नेपाल आयल निगमले ग्यासको कृत्रिम अभाव सिर्जना गरी अनावश्यक रुपमा मौज्दात राख्ने व्यवसायी प्रतिष्ठानहरुलाई कडाइका साथ कारबाही गर्ने चेतावनी भनीएको छ। निगमका अनुसार, बजारमा ग्यासको आपूर्ति वृद्धि भए तापनि होटल र रेस्टुरेन्टहरुले आवश्यकताभन्दा बढी सिलिन्डर लुकाएर राखेको पाइएको छ। निगमले तत्काल यस्तो ग्यास सर्वसाधारणलाई बिक्री गर्न आग्रह गर्दै अटेर गर्नेलाई प्रचलित कानुन अनुसार कडा कारबाही गरिने जनाएको छ। २८ साउन, काठमाडौं।

निगमले बिहीबार सूचना जारी गर्दे ३१ असारदेखि बजारमा १४.२ किलोका सिलिन्डर बिक्री वितरण जारी रहेको र विगतको तुलनामा करिव २० प्रतिशत बढी ग्यास आयात तथा वितरण भइरहेकाले यो विषयमा ध्यानाकर्षण भएको जनाएको छ। यद्यपि, सर्वसाधारण उपभोक्ताहरुले सहज रुपमा ग्यास पाउन नसक्ने गुनासो बढेपछि यसको अनुगमन गरिएको थियो। निगमको द्रुत प्रतिकार्य डेस्कमार्फत प्राप्त उजुरीका आधारमा बजार अनुगमन गर्दा केही होटल, रेस्टुरेन्ट र पार्टी प्यालेसहरुले आफ्नो आवश्यकताभन्दा बढी ग्यास सिलिन्डर थुपारेर राखेको पाइएको छ।

यसकारण, अनावश्यक रुपमा ग्यास थुपार्ने काम गर्न नहुने र यदि राखिएको भए तुरुन्त सम्बन्धित डिपोमार्फत सर्वसाधारण उपभोक्तालाई बिक्री वितरण गर्न सबैलाई निगमले अनुरोध गरेको छ। निगमले यो सूचना अवज्ञा गर्नुहुनेलाई प्रचलित कानुन अनुसार कडा कारबाही गरिने स्पष्ट पारेको छ।

भृकुटीमण्डपमा जारी ‘नाइमा नेपाल मोबिलिटी एक्स्पो-२०२६’ मा ५५ भन्दा बढी ब्रान्डका सवारीसाधन प्रदर्शनमा राखिएका छन्। एक्स्पोमा डेन्जा बी५, एमजी मेजेस्टर र हुन्डाई आयोनिक ९ लगायतका प्रिमियम लक्जरी सवारीसाधन विशेष आकर्षणका रूपमा रहेका छन्। नेपाली बजारमा महँगा र प्रिमियम सवारीसाधनमा विद्युतीय तथा हाइब्रिड प्रविधिको प्रयोग बढ्दै गएको एक्स्पोले देखाएको छ। २८ साउन, काठमाडौं।

महँगा तथा प्रिमियम गाडी आकर्षणको केन्द्र बन्दै छन्। यस एक्स्पोमा ५५ भन्दा बढी ब्राण्डका दुई र चार पाङ्ग्रे सवारीसाधनहरू प्रदर्शनमा राखिएका छन्। एक्स्पोमा करिब १९ लाखदेखि करिब ३ करोड रुपैयाँसम्म मूल्य पर्ने गाडीहरु राखिएका छन्। डेन्जा बी५: २ करोड ९७ लाख। यो गाडी नेपालका लागि बीवाईडीको आधिकारिक विक्रेता साइमेक्स इंकले प्रदर्शनमा राखेको हो। कम्पनीले डेन्जा बी५ को मूल्य २ करोड ९७ लाख रुपैयाँ तोकेको छ।

एमजी मेजेस्टर: २ करोड ५० लाख। एमजीको आधिकारिक विक्रेता जीओ अटोमोबाइल्सले एक्स्पोमा एमजी मेजेस्टर सार्वजनिक गरेको छ। कम्पनीले यसको मूल्य २ करोड ५० लाख रुपैयाँ तोकेको छ। मेजेस्टरमा २.० लिटर ट्विन-टर्बो डिजेल इन्जिन जडान गरिएको छ। हुन्डाई आयोनिक ९: २ करोड १९ लाख ९६ हजार। हुन्डाईको आधिकारिक विक्रेता लक्ष्मी इन्टरकन्टिनेन्टलले ‘आयोनिक ९’ बिक्रीका लागि सार्वजनिक गरेको छ।

टोयोटा र्‍याभ ४ हाइब्रिड: २ करोड १३ लाख। टोयोटाको आधिकारिक विक्रेता युनाइटेड ट्रेडर्स सिन्डिकेटले नाइमा एक्स्पोमा र्‍याभ ४ हाइब्रिड सार्वजनिक गरेको छ। यसको मूल्य २ करोड १३ लाख रुपैयाँ तोकिएको छ। एमजी एचएस प्लग-इन हाइब्रिड: १ करोड २० लाख। एमजीको नेपालका लागि आधिकारिक विक्रेता पारामाउन्ट मोटर्सले एमजी एचएस प्लग–इन हाइब्रिड बिक्री सुरु गरेको छ। बीएआईसी बीजे३०ई: १ करोड १९ लाख ९६ हजार। चिनियाँ ब्रान्ड बीएआईसीको हाइब्रिड एसयूभी बीजे३०ई पनि नाइमा एक्स्पोमा प्रदर्शित गरिएको छ।

समग्रमा नाइमा नेपाल मोबिलिटी एक्स्पोमा राखिएका सात लक्जरीमध्ये चार गाडी हाइब्रिड वा प्लग-इन हाइब्रिड प्रविधिमा आधारित छन् भने दुई पूर्ण विद्युतीय गाडीहरु छन्। यसले नेपालमा महँगा गाडीको बजार बिस्तारै विद्युतीय र हाइब्रिड प्रविधितर्फ अघि बढिरहेको देखाउँछ।

सरकारले बजारमा कृत्रिम ग्यास अभावको जिम्मेवारी लिने सट्टा पाँचतारे होटलमा छापा मारेर आफ्नो कमजोरी लुकाउन एक सस्तो रणनीति अपनाइरहेको छ। वाणिज्य विभागले र्याडिसन होटलको सिलिन्डर भण्डारण नियमित उपभोग प्रक्रियाअनुसार भएको स्पष्ट पारे पनि मन्त्रालयले त्यसलाई कालोबजारी भन्नेसम्म गरेको छ। व्यवसायी र उपभोक्ता अधिकारकर्मीहरूले सरकारको उक्त कार्यशैलीबाट समस्या समाधान नहुने र सिन्डिकेट तोडेर आपूर्ति सहज बनाउनुपर्ने माग गरेका छन्। २८ साउन, काठमाडौं। एक महिनादेखि देशभरि खाना पकाउने एलपी ग्यासको कृत्रिम अभावले गर्दा सर्वसाधारण सडक छेउ खाली सिलिन्डरहरूको लाइनमा उभिएका छन्। तर, ग्यास आपूर्ति व्यवस्थापनमा पूर्णरूपले असफल भएको उद्योग, वाणिज्य तथा आपूर्ति मन्त्रालय आफ्नो कमजोरी लुकाउन अहिले सस्तो स्टन्ट र गलत प्रचारमा सक्रिय छ। कहिले उद्योगमन्त्री गौरीकुमारी यादव आफैं उपभोक्ताको फोन उठाएर ‘ग्यास पाउनुहुन्छ’ भनी आश्वासन दिन्छिन् त कहिले मन्त्रालयअन्तर्गत वाणिज्य आपूर्ति तथा उपभोक्ता संरक्षण विभागको नियमित अनुगमनलाई पाँचतारे होटलमा छापा मारेको जस्तो देखाएर बहादुरीको प्रचार गर्छिन्। आजै मात्र मन्त्रीको सचिवालयले वाणिज्य विभागले लाजिम्पाटस्थित पाँचतारे होटल र्याडिसनमा छापा मारेर १८४ ग्यास सिलिन्डर ‘लुकाएर राखेको’ दाबी मिडियामा गर्‍यो। मन्त्रालयले उपभोक्ताले ग्यास नपाएको बेला होटलले ठूलो परिमाणमा ग्यास मौज्दात राखेको भन्दै कारबाहीको तयारी भइरहेको जानकारी समेत दिएको छ। तर, सरकारको यो दाबी कति हास्यास्पद छ भने विभागकै मुचुल्कामा भनिएको छ– ‘होटलको भान्सामा एकैपटक ७० सिलिन्डर प्रयोग भइरहेको पाइयो।’ एउटा अन्तर्राष्ट्रिय चेन होटल जसले दैनिक सयौँ पाहुनालाई सेवा दिनुपर्छ र जसको भान्सामा एकैपटक ७० ग्यास सिलिन्डर जोडिन्छन् (म्यानफोल्ड प्रणालीबाट), त्यहाँ १८४ सिलिन्डर मौज्दात भेटिनु अनधिकृत भण्डारण वा कालोबजारी कसरी हुन सक्छ? गणितीय हिसाबले पनि ७० सिलिन्डर एकैपटक खपत हुने ठाउँमा १८४ सिलिन्डर हुनु त्यो ठाउँमा मुस्किलले दुईदेखि तीन दिनको ब्याकअप मात्र हो। बजारमा ग्यासको ठूलो अभाव हुँदा र सरकारले नियमित आपूर्ति ग्यारेन्टी गर्न नसकेको बेला एउटा व्यवसायले सेवा निरन्तर राख्न दुई–तीन दिनको ग्यास जोहो गर्नु अपराध हो कि बाध्यता? यस कुरा बुझेर पनि विभागले र्याडिसनमाथि देखाएको ‘छापामार शैली’ केवल स्टन्ट र आफ्नो कमजोरी लुकाउने हतियार मात्र हो। हामीले छापा मारेका होइनौं, नियमित अनुगमन मात्र हो: वाणिज्य विभाग अनुगमनमा खटिएको उद्योग मन्त्रालयकै वाणिज्य विभागले भने होटलले कुनै ग्यास लुकाएको छैन र त्यो नियमित प्रयोगको लागि मात्र दिएको हो भनी स्पष्ट पारेको छ। वाणिज्य विभागका सूचना अधिकारी अनिल किराँतीले मन्त्रालयको दावी ठाडो अस्वीकार गर्दै विभागले कुनै छापा नमारिएको र केवल नियमित अनुगमन मात्र गरिएको बताए। पाँचतारे होटलहरूको ग्यास प्रयोग प्रणाली ठूलो भएकाले डेढ सय सिलिन्डर भेटिनुलाई कालोबजारी वा लुकाइएको भन्न नमिल्ने उनको तर्क छ। “हाम्रो विभागको यो नियमित अनुगमन हो, हामीले ५–६ वटा पाँचतारे होटलहरू र्याडिसन, सोल्टी, ह्यातमा अनुगमन गरेका थियौं,” सूचना अधिकारी किराँतीले भने, “अनुगमनमा देखियो, पाँचतारे होटलमा करिब डेढ सय सिलिन्डर हुन्छन् र उनीहरूले ८०–९० सँग एकैपटक तार जोडेर चलाउँछन्, त्यो खपत हुने ग्यास हो, लुकाएर राखिएको होइन।” आफ्नै विभागले ग्यास नलुकाएको निष्कर्ष दिए तापनि मन्त्रालय र मन्त्रीले भने छापा मारेपछि लुकाएको ग्यास बरामद भएको झूटो प्रचार गरेको पाइएको छ। यस बिषयमा सूचना अधिकारी किराँतीले मन्त्रालयको स्टन्टबारे अनभिज्ञता जनाएको छ। “यस विषयमा म केही भन्न सक्दिनँ,” उनले भने, “तर हाम्रो छानोबाट हेर्दा यो एउटा नियमित अनुगमन मात्र हो र होटलले नियमित प्रयोगको लागि राखेको ग्यास हो।”

काठमाडौंको भृकुटीमण्डपमा जारी ‘नाइमा नेपाल मोबिलिटी एक्स्पो–२०२६’ मा ५५ भन्दा बढी विद्युतीय सवारी ब्रान्डहरू र ४० भन्दा बढी नयाँ मोडलहरू सार्वजनिक भएका छन्। नयाँ विद्युतीय गाडी भित्रिने क्रम बढेसँगै उपभोक्ताले खरिद अघि सर्भिस सेन्टर, स्पेयर पार्ट्स उपलब्धता र दीर्घकालीन मर्मत सेवाबारे स्पष्ट जानकारी लिन आवश्यक छ। एक्स्पो संयोजक गौरव शारडाले ग्राहकलाई गाडी किन्दा आधिकारिक बिक्रेताको सर्भिस नेटवर्क, पार्ट्स उपलब्धता र कम्पनीको जिम्मेवारीबारे पाँचवटा महत्वपूर्ण प्रश्न सोध्न सुझाव दिनुभएको छ। २८ साउन, काठमाडौं।

नेपालमा विद्युतीय सवारीसाधनको बजार विस्तारसँगै नयाँ–नयाँ ब्रान्डका गाडीहरू आइरहेका छन्। आकर्षक डिजाइन, नयाँ प्रविधि, लामो रेन्ज र प्रतिस्पर्धी मूल्यसहित चिनियाँ समेत विभिन्न देशका ब्रान्ड नेपाली बजारमा प्रवेश गरिरहेका छन्। यो अवस्था काठमाडौंको भृकुटीमण्डपमा साउन २६ देखि जारी ‘नाइमा नेपाल मोबिलिटी एक्स्पो–२०२६’ मा पनि देखिन्छ। एक्स्पोमा ५५ भन्दा बढी ब्रान्ड सहभागी छन्। ४० भन्दा बढी नयाँ मोडलहरू सार्वजनिक भएका छन्। चारपांग्रे, दुईपांग्रे र कमर्सियल सवारीमा नयाँ ब्रान्ड थपिने क्रम तीव्र भइरहेको छ।

तर, गाडीका ब्रान्ड र मोडल थपिँदै गर्दा उपभोक्ताले अन्य महत्वपूर्ण प्रश्नहरू सोध्नुपर्ने अवस्था आएको छ। गाडी किनेपछि सर्भिस कहाँ गर्ने? स्पेयर पार्ट्स उपलब्ध हुन्छन् कि हुँदैनन्? ब्याट्री वा मोटरमा समस्या आएमा कसले मर्मत गर्छ? कम्पनी नेपालबाट बाहिरियो भने ग्राहकको अवस्था कसरी हुन्छ? गाडी खरिद गर्दा ग्राहक प्रायः मूल्य, रेन्ज, डिजाइन, फिचर्स र फाइनान्सिङ सुविधामा बढी ध्यान दिन्छन्। तर गाडीको वास्तविक स्वामित्व लागत र दीर्घकालीन विश्वसनीयताको लागि बिक्रीपछिको सेवा पनि उत्तिकै महत्वपूर्ण छ। हाल ग्राहकहरू गाडीको गुणस्तर, सर्भिस र स्पेयर पार्ट्सभन्दा नयाँ मोडललाई प्राथमिकता दिइरहेका छन्।

नयाँ ब्रान्डसँग नयाँ जोखिम नेपालको अटो बजारमा पछिल्ला वर्षहरूमा चिनियाँ विद्युतीय सवारीका ब्रान्डहरूको प्रवेश तीव्र भएको छ। नाइमा एक्स्पो–२०२६ मा बीवाईडी, ओमोडा/जेको, डेन्जा, फोर्थिङ, हेनरी भोल्ट्स, आइकार, केई, लिपमोटर, म्याक्सस, आरफक्स, हेनरी बोमा, वुलिङ, जिकर लगायतका ब्रान्ड सहभागी छन्। यीमध्ये कतिपय ब्रान्डहरू नेपालका लागि नयाँ हुन् भने कतिपयले बजारमा आफ्नो उपस्थिति विस्तार गरिरहेका छन्। नयाँ ब्रान्डहरूको सबैभन्दा ठूलो चुनौती भनेको बिक्रीपछिको सेवा र पार्ट्स आपूर्ति सुनिश्चित गर्नु हो।

काठमाडौंमा आकर्षक शोरुम र केही सर्भिस सेन्टर राखेर मात्र देशभरका ग्राहकलाई दीर्घकालीन सेवा दिन सकिँदैन। विशेष गरी काठमाडौं बाहिर गाडी बिक्री पछि नियमित सर्भिस, दुर्घटना मर्मत, ब्याट्री परीक्षण, मोटर तथा इलेक्ट्रोनिक पार्ट्सको मर्मत र जेन्युइन स्पेयर पार्ट्सको उपलब्धता कस्तो हुन्छ भन्ने प्रश्न महत्त्वपूर्ण छ। काठमाडौं बाहिर सर्भिस सेन्टर कति छन्? स्थापित ब्रान्डहरूले बिक्रीसँगै आफ्नो सर्भिस नेटवर्क विस्तार गरिरहेका छन्।

नयाँ ब्रान्डका गाडी किन्न खोज्ने ग्राहकका लागि एक्स्पो आफैं एउटा अवसर हो। एउटै ठाउँमा धेरै ब्रान्डका प्रतिनिधिहरू भेटिने भएकाले ग्राहकले बिक्री मूल्य र फिचर मात्र नभई, बिक्रीपछिको सेवाबारे प्रश्न गर्न सक्छन्। ग्राहकले कम्तीमा यी पाँच प्रश्नको जवाफ खोज्नुपर्छ: देशभर आधिकारिक सर्भिस सेन्टरहरू कति छन्? काठमाडौं बाहिर कुन–कुन सहरमा सर्भिस सुविधा उपलब्ध छ? आवश्यक जेन्युइन स्पेयर पार्ट्सको स्टक कति छ र आयातमा कति समय लाग्छ? ब्याट्री, मोटर, कन्ट्रोलर वा इन्भर्टर बिग्रिँदा मर्मत सुविधा नेपालमै छ वा पूरै पार्ट्स फेर्नुपर्छ? आयातकर्ता वा उत्पादक कम्पनीले नेपालमा कारोबार बन्द गरे ग्राहकलाई सर्भिस र पार्ट्स उपलब्ध गराउने जिम्मेवारी कसले लिन्छ?

भृकुटीमण्डपमा सुरु भएको ‘नाइमा नेपाल मोबिलिटी एक्स्पो २०२६’ मा दुई दिनमै ५५ हजारभन्दा बढी दर्शकले अवलोकन गरेका छन्। विभिन्न अटोमोबाइल कम्पनीहरूले एक्स्पोको अवसरमा भारी नगद छुट, निःशुल्क बीमा र लक्की ड्रमार्फत आकर्षक उपहार योजना सार्वजनिक गरेका छन्। टाटा, निसान, एमजी र होन्डालगायतका ब्रान्डहरूले एक्स्पोमा नयाँ मोडलका सवारीसाधन प्रदर्शनीमा राखी विशेष छुट र विस्तारित वारेन्टी सुविधा उपलब्ध गराएका छन्। २८ साउन, काठमाडौं।

नयाँ गाडी, मोटरसाइकल वा स्कुटर किन्ने सोच बनाइरहनुभएको छ? कुन ब्रान्ड छान्ने र कहाँबाट किन्दा बढी फाइदा हुन्छ भन्ने विषयमा दुविधामा हुनुहुन्छ? त्यसो भए अहिले काठमाडौंको भृकुटीमण्डप तपाईंका लागि सबैभन्दा उपयुक्त गन्तव्य बन्न सक्छ। मंगलबारदेखि भृकुटीमण्डपमा सुरु भएको ‘नाइमा नेपाल मोबिलिटी एक्स्पो २०२६’ अहिले अटोमोबाइल पारखी र नयाँ गाडी खरिदकर्ताहरूको प्रमुख आकर्षणको केन्द्र बन्दैछ।

नेपाल अटोमोबाइल्स इम्पोर्टर्स एन्ड म्यानुफ्याक्चरर्स एसोसिएसन (नाइमा) को आयोजनामा भइरहेको यस महामेलामा सुरुवाती दुई दिनमै ५५ हजार भन्दा बढी दर्शकले अवलोकन गरिसकेका छन्। आयोजकका अनुसार पहिलो दिन २९ हजार र दोस्रो दिन २६ हजार आगन्तुक मेलास्थल पुगेका थिए। मेला अवधिभरि करिब डेढ लाख दर्शक भित्र्याउने आयोजकको लक्ष्य पूरा हुने देखिन्छ।

तर, यो एक्स्पो केवल गाडी हेर्ने र फर्किनेहरूको भिड मात्र होइन। मेलास्थलमा पुग्ने जो कोहीले महसुस गर्न सक्छन्—यहाँ अवलोकनकर्ताहरू आफूलाई मन परेको कार तथा स्कुटर छानी-छानी बुकिङ गरिरहेका छन्। यसको मुख्य कारण हो—अटोमोबाइल कम्पनीहरूले ग्राहक तान्न प्रस्तुत गरेका लोभलाग्दा छुट, क्यास ब्याक, एक्स्चेन्ज बोनस, रमाइला खेलहरू र आकर्षक उपहारहरू।